دايما نسمع النصيحة: "لا تضع البيض في سلة واحدة"
وفي نفس الوقت أحيانا نقرأ: "ضع البيض في سلة واحدة"
الموضوع فعلا يلخبط 🥴 .. إيش الحل ؟!
حتكلم عن التنويع في الاستثمارات (Portfolio Diversification)
شوف التغريدات معايا 👇
#الاستثمار_للجميع
وفي نفس الوقت أحيانا نقرأ: "ضع البيض في سلة واحدة"
الموضوع فعلا يلخبط 🥴 .. إيش الحل ؟!
حتكلم عن التنويع في الاستثمارات (Portfolio Diversification)
شوف التغريدات معايا 👇
#الاستثمار_للجميع
فاكرين موضوع المحفظة الاستثمارية ؟! .. وقتها اتكلمت عن أهمية إنك تجمع كل الاستثمارات حقتك .. وتحطها مع بعض عشان تقدر تديرها صح .. إذا مو فاكر الموضوع .. شوفه هنا 👇
طيب اليوم عندنا أول شي مهم في إدارة محفظتك الاستثمارية .. وهو موضوع تنويع الإصول .. الموضوع كبير وفيه كلام كثير .. لكن في أشياء أساسية .. لو فهمتها حتتجنب مشاكل كبيرة ممكن تصير معاك 😉
تخيل معايا لو حطيت كل فلوسك في أسهم شركة وحدة .. وبعد فترة الشركة دي صار فيها مشكلة كبيرة وفلست .. قد إيش حتخسر إنت في دي الحالة ؟! .. يمكن كل فلوسك صح ؟! .. طيب لو قسمت فلوسك على شركتين .. الوضع أتحسن شوية صح ؟! .. لأنو إحتمالية إنو الاتنين تخسر مع بعض أقل 😄
هو دا بالزبطت مبدأ توزيع الأصول .. هدفه الرئيسي هو تقليل المخاطر .. عشان ما تخسر كل شي فجأة .. ويكن عندك طريقة إنو لو صار في خساير في شي .. عندك أشياء تانية تعوضها 😁
طيب فاكرين أنواع الأصول ؟! (أسهم شركات، عقارات، سندات وصكوك .. الخ) .. بعد ما فهمنا كل واحد منهم كيف يشتغل .. فكرة اننا نختار نوع واحد بس نستثمر فيه ممكن يشكلنا مشكلة إنو السوق كله يطيح ! 😰
يعني متخيل لو إنك فاهم في سوق الأسهم مثلا .. وعارف إنو عوائده أفضل من سوق السندات .. قمت حطيت كل فلوسك فيه .. وفجأة صارت مشكلة كبيرة في السوق وكله طاح .. كيف حتعوض فلوسك دحين ؟! 😫
طيب إيش الحل يعني ؟! .. الح هو "تنويع الأصول" .. يعني لازم تدخل في كل الأصول .. يعني أدخلها بشكل متساوي كلها ؟! .. لأ .. هنا ترجع تاني لهدفك الإستثماري .. هل هو نمو ولا توزيعات ولا مجرد حماية لرأس المال .. كيف يعني ؟! 🤔
حلو .. خلينا نقول مثال على توزيع الأصول وكيف التوزيع حيكون .. لو قلنا مثلا إني أبغا أحقق عائد ممتاز .. وهدفي نمو عالي .. كدا معناها أنا ما عندي مشكلة في المحاطرة العالية .. وحركز أكثر على الأسهم .. وكمقترح توزيع ممكن يصير كدا: 70% أسهم .. 20% سندات .. 10% أسواق نقد .. ممتاز ؟! 🤩
طيب ناخد مثال عكس .. لو شخص ما يبغى يخسر فلوسه .. ووضعه المالي ما يتحمل خسارات .. ويبغى أقل خطورة بسيطة جدا .. معناها حيوزع كدا: 30% أسهم .. 30% سندات .. 40% أسواق نقد .. لا حظتوا كيف ركزنا هنا على أسواق النقد .. لأنو خطورتها جدا منخفضة 😎
هل دي هي أفضل توزيعة ؟! .. لأ طبعا .. كل واحد يحتاج يعرف حاجتين عشان يوزع استثماراته: 1️⃣ وضعك المالي (هل تتحمل مخاطر عالية أو منخفضة ؟!) 2️⃣ رغبتك في العوائد الأعلى (= مخاطرة أعلى)
في نقطة نحتاج نفهمها عشان لا نسوي توزيع أبو كلب 😂 .. إذا اشتريت عقارات بـ 50% من فلوسك .. وبالـ 50% الثانية أشتريت أسهم في صناديق ريت .. كدا انت بتضحك على نفسك .. لأنو الاثنين يعتبروا عقارات
والشي الثاني تحتاج تنويع في الأصل الواحد .. في حاجة اسمها "معامل الارتباط" وفكرتها نشوف علاقة الاشياء ببعض .. يعني لا تشتري كل أسهمك في 5 شركات .. وتشتكشف انو كلها في قطاع بتروكيماويات مثلا .. لو وحدة طاحت كلها حتطيح ! 🙂
من التنويع برضو إنك تنوع جغرافيا .. مثلا تشتري شوية في أسهم السوق الأمريكي وشوية هنا في السوق السعودي .. كمان ممكن تدخل في أكثر من صندوق ريت لو حابب الصناديق العقارية .. والفكرة برضو من باب التنويع 🤗
طيب جينا للأخير .. هل الفكرة دايما إني أقلل المخاطر ؟! .. هنا جينا لنقطة عدد سلات البيض 🤣 .. مو دايما التنويع وتقليل المخاطر يكون شي كويس .. أحيانا نقلل المخاطر لدرجة ما نستفيد من الاستثمار كله (مخاطر 0% = عوائد0%) شوف هذا الموضوع
argaam.com
argaam.com
أنا عارف إني قلت موضوع التنويع بشكل مبسط جدا .. لكن هدفي هو فهم الفكرة الرئيسية .. دورك دحين بعد ما تشوف إستثماراتك كلها .. تدور في النت عن أفضل تنويع مناسب لك ولهدفك .. أو تستشير متخصص في إدارة الاستثمار .. يدرس حالتك بالضبط .. ويقولك التنويع الأنسب .. الله يوفقك 🙏
جاري تحميل الاقتراحات...