النهاردة الثريد هيكون عن قصة دايرة بقالها كام يوم في جوجل بعد إقالة واحدة من أهم الباحثات في مجال الأخلاقيات التكنولوجية والذكاء الاصطناعي وهي Timnit Gebru.
كانت Timnit Gebru مشاركة في رئاسة فريق العمل المسئول عن اخلاقيات الذكاء الاصطناعي. ومن أهم أعمالها بحوث عن قصور التكنولوجيا دي واحتمالية الوقوع في أخطاء تؤدي للتمييز العنصري والتأثير السلبي على البيئة وأخطاء مختلفة وتعتبر من أشطر الباحثات في المجال ده
طبعا فكرة أن باحثة في مجال زي ده بدأت تخش عش الدبابير وتحط التوسع في تكنولوجيا كل الشركات بتتنافس على من يبيع أكتر ومش بالضرورة أوي تكون بتطلع نتائج مرضية وغير منحازة، زعلت ناس كتير في الشركات العالمية اللي بدأت تهاجم حركة وليدة بتظهر حاليا لتقييم اخلاقيات الذكاء الاصطناعي
في آخر بحث ليها اللي بيتعرض لقصور في الذكاء الاصطناعي واللغات والتعرف عليها وانتاج الكلمات الكترونيا عبرت فيه عن أن التكنولوجيا الحالية بتستهلك طاقة كبيرة وده ممكن يبقا ليه تأثير على البيئة رفضته جوجل وقررت أنها تعتبر أنها استقالت (يعني أقالوها بشياكة).
wired.com
wired.com
بدأنا نشوف حركة اصلاحية في اسلوب تقييم الذكاء الاصطناعي واخلاقياته بتحاول تراجع وتضغط على الشركات في أنها تكون مسئولة أكتر في تقديم حلولها، الحركة دي بتواجه صعوبات من الشركات لأنها علميا محتاجة دعم ولأن النظام القانوني التقليدي لسة مش قادر يستوعب التكنولوجيا دي وتأثيرها
ومن يومين Sundar Pichai المدير التنفيذي لجوجل اعتذر في بيان بعد ما 2000 موظف كتبوا رسالة بيطالبوا فيها رد على كيفية اقالتها وحجب البحوث. أما Timnit فبتتسآل امتى النظام القانوني هيعمل طريقة الباحث فيها يبلغوا كـ Whistleblower عن قصور في تكنولوجيا بتأثر على الملايين مع ضمان حمايته؟
جاري تحميل الاقتراحات...