انت ممكن تكون عريس جاهز ومحترم ومركزك كويس جداً وعندك قروش لكن برضو دا ما شرط كافي انو البنت توافق عليك...
سيدنا عمر بن الخطاب رضي الله عنه أمير المؤمنين مشى للسيدة عائشة رضي الله عنها وطلب منها تتوسط ليهو عند ام كلثوم بنت ابي بكر الصديق عشان يتزوجها، تخيلو رد ام كلثوم كان شنو ؟؟
الخليفه بنفسه طالب ايديها للزواج وكمان الوسيط منو؟! ام المؤمنين وزوجة رسول الله صلى الله عليه وسلم السيده عائشه...
رفضت وقالت مالي و عمر !! إنه خشن العيش، شديد علي النساء..أنا أريد رجلاً حنوناً يصبُ عليا من الحب صبا، عليك الله شوف الفهم دا، ما قالت دا أمير المؤمنين وعندو وما عندو و انا ح ألقى زيو وين ودا معروف بين الناس...
لا رفضتو لأنها شافت انو ما مناسب ليها، وبعديهو إتزوجت سيدنا طلحة بن عبيد الله بإرادتها وحبتو شديد وهو زاتو حباها بالرغم من انو كان رجل حرب وقتال إلا انه كان رقيق معاها وبغازلها دائماً، إتخيلوا الكلام دا من 1400 سنة...
الحاجة الأنا استفدتها من القصة دي؟!
انو عمر القروش او المركز او المكانة الاجتماعية ما كانوا شرط او سعادة لرابط بين اتنين، بل بالعكس اختاري الهين اللين البتحسي إنك بتقدري تكملي معاه باقي عمرك وإنتي مطمنة وحاسة بالأمان، بغض النظر عن ظروفوا شنو.
انو عمر القروش او المركز او المكانة الاجتماعية ما كانوا شرط او سعادة لرابط بين اتنين، بل بالعكس اختاري الهين اللين البتحسي إنك بتقدري تكملي معاه باقي عمرك وإنتي مطمنة وحاسة بالأمان، بغض النظر عن ظروفوا شنو.
جاري تحميل الاقتراحات...