عندنا أكثر من 16 صندوق استثماري عقاري متدول (ريت REITs) ..
كيف أختار أحسن واحد ؟! 🤔
3️⃣ نقاط أساسية تقيم بيها
موضوع مهم يساعدك تختار بسهولة .. تابع معايا 👇
#الاستثمار_للجميع
كيف أختار أحسن واحد ؟! 🤔
3️⃣ نقاط أساسية تقيم بيها
موضوع مهم يساعدك تختار بسهولة .. تابع معايا 👇
#الاستثمار_للجميع
قبل لا أبدأ كيف نختار أحسن صندوق ريت .. لازم نكون عارفين إيش هي صناديق الريت .. هنا عندنا موضوع جميل يشرح بشكل مبسط 👇 .. شكرا @almutlaqwael
طيب فهمنا دحين إيش يعني صناديق ريت .. لكن برضو في سؤال ثاني مهم .. ودايما ينسأل : إيش الفايدة إني أستثمر عن طريق صندوق عقاري وما أشتري عقار بنفسي وأديره .. هنا تلاقي جوابك 👇
طيب ممتاز .. دحين كدا إحنا فهمنا إيش يعني صندوق ريت .. وعرفنا إيش ميزاته عن الشراء المباشر للعقار .. نجي لموضوع اليوم : كيف أختار صندوق الريت الأحسن ؟! .. عندنا 3️⃣ نقاط أساسية إذا فهمناها حنقدر بيها نختار أحسن صندوق 😉
1️⃣ التوزيعات .. ودي أهم نقطة .. في الآخر إنت كمستثمر أهم شي بالنسبالك هي التوزيعات .. وكل ما كانت نسبة التوزيعات أكبر .. كل ماكان أداء الصندوق أفضل أكيد .. طيب كيف نعرف التوزيعات دي ؟! .. حنلاقيها في تقارير السنوات اللي راحت حقت الصندوق نفسه على موقع الشركة المالية التابعة له 📑
ناخد مثال (مجرد مثال وليس الأفضل): صندوق الرياض ريت .. يتبع شركة الرياض المالية @riyadcapital .. إذا دخلنا على موقعهم .. حنلاقي تقرير الصندوق السنوي .. نحمله من هنا 👇
riyadcapital.com
في صفحة الملخص مكتوب فيه التوزيعات عام 2019 كانت 0.49 لكل وحدة .. شوف الصورة 👇
riyadcapital.com
في صفحة الملخص مكتوب فيه التوزيعات عام 2019 كانت 0.49 لكل وحدة .. شوف الصورة 👇
بعد كدا نقدر نقارن التوزيعات مع باقي الصناديق بنفس الطريقة ..وفي طريقة تانية أسهل .. نتابع العم رياض @RiadhAlhumaidan 😁
غير نصايحه الحلوة عن الاستثمار .. ينزل كل فترة جدول مقارنة توزيعات كل صناديق الريت .. هذا آخر واحد 👇
غير نصايحه الحلوة عن الاستثمار .. ينزل كل فترة جدول مقارنة توزيعات كل صناديق الريت .. هذا آخر واحد 👇
طيب هل أداء 2019 يكفيني .. لأ طبعا .. الأداء دايما حيختلف في المستقبل لأنو الحياة بتتغير .. الأفضل تشوف أداء 3 سنين أو 5 سنين راحوا .. ولا تنسى إنو بعض الصناديق توزع كل ربع سنة وبعضها كل نص سنة وبعضها توزع مرة وحدة آخر السنة 😬
2️⃣ العدد والتنويع .. ودا تاني أهم شي .. لأنو كل ما كانت العقارات منوعة أكثر كل ما كانت المخاطرة أقل .. والتنويع في العقارات معناها حاجتين: 1 جغرافي .. يعني مدن أو دول مختلفة .. و 2 قطاعي .. مصانع .. مولات .. الخ .. تمام ؟! 🏨
ناخد مثال عشان نفهم أكثر (مجرد مثال وليس الأفضل): لو حملنا تقرير @Derayah دراية ريت 2019 .. حنلاقي في صفحة توزيع الأصول عندنا (27) عقار موزعة في (6) مدن مختلفة في السعودية في (9) قطاعات عقارية مختلفة .. شوف الصورة 👇
3️⃣ الإدارة .. وهنا إنت بتختار الأشخاص اللي حتثق فيهم عشان يديروا فلوسك .. ويختاروا العقارات المناسبة للاستثمار .. أعضاء مجلس الإدارة + مدير الصندوق .. ودا كله حتلاقيه برضو مكتوب في التقارير السنوية .. أبحث عنهم .. شوف تاريخهم وخبرتهم .. وقرر مين يستاهل أكثر تثق فيه 🧐
هل دا كل شي عن تقييم صناديق الريت ؟! .. لأ .. عندنا حجم الأصول .. وجودتها .. ومستقبلها .. عقود الإيجار .. نسب الإشغال .. وغيرها .. كل دي الأشياء مهمة أكيد .. حاول تقرا كل شي في التقرير حتفهم أكثر .. لكن خلينا نعتبرها درجة ثانية في الأهمية عن الـ3 نقاط اللي فوق😅
في حركة حلوة بعض المستثمرين ينصحو بيها .. إنك توزع المبلغ على أكثر من صندوق (3-5 صناديق مثلا) .. من باب احتياطي وتخفيف إضافي للمخاطر .. التغريدات مهي نصيحة للاستثمار في الريت بشكل عام .. لكن إذا الريت مناسب لك .. صرت جاهز وعندك أساسيات تبدأ منها .. الله يوفقك 🙏
جاري تحميل الاقتراحات...