بما ان اليوم صار هيك اعتداء، رح اكتب عن بعض (بس البعض لانن كتار) اعتدائات المستوطنيين ضد المسيحيين بفلسطين بthread تحت هالتويت:
ليلة عيد الميلاد ب٢٤/١٢/١٩٥١ قصفوا قرية اقرت بالجليل الاعلى ودمروا كل البيوت ليمنعوا اهالي القرية يرجعوا يعيشوا فيها بعد ما طلعوا قرار من المحكمة يسمحلن يعيشوا ببلدن، ولليوم ممنوعين يرجعوا بس مسموح يدفنوا موتاهم بمقبرة البلد.
بمنطقة قضاء حيفا كان في تجمع سكاني صغير للارمن، سكان المستوطنات المحيطة رفضوا وجود سكان غير يهود وصاروا يسكروا عليهم الطريق ويضايقوهن وبدل مية الشرب والري يحطولن مي مالحة ضلوا وراهن مضايقات حتى افرغوا القرية وهججوا السكان.
بعد احتلال القدس الشرقية سنة ١٩٦٧ هبط عدد المسيحيين للنص بسبب تهجير قسم كبير منهم من ٢٥ الف ل١٢ الف (بعد ما كان قسم كبير غادر بسبب احتلال القدس الغربية سنة ١٩٤٨ يلي فيها احياء ذات غالبية مسيحية) وبعد اعتدائات عديدة
سنة ١٩٦٧ سرق مستوطنيين تاج السيدة العذراء وضربوا بالقذائف ممتلكات كنيسة القديس جورج؛ بوقتها اضطر بطريرك اللاتين لتسكير ٣ كنائس بعد انتهاكها وسرقة محتوياتها.
ورجعوا سرقوا كنيسة القيامة سنة ١٩٦٨ وسنة ١٩٦٩ وبعد كم يوم لاقوا المسروقات معروضة للبيع بسوق تل ابيب.
ورجعوا سرقوا كنيسة القيامة سنة ١٩٦٨ وسنة ١٩٦٩ وبعد كم يوم لاقوا المسروقات معروضة للبيع بسوق تل ابيب.
بسنة ١٩٧٣، أحرق إسرائيليون المركز الدولي للكتاب المقدس وسنة ١٩٨٩ استولوا على دير مار يوحنا بالقوة بتشجيع وتمويل من وزارة الاسكان، وبسنة ١٩٩٢ هدموا كنيسة دير الروم الارثوذكس بجبل الزيتون بحجة عدم اكتمال الترخيص. وبسنة ٢٠٠٠ هدموا كنيسة المصعد بالقدس بحجة عدم اكتمال الترخيص.
مستوطنين قتلوا راهب بكنيسة بئر يعقوب بنابلس (بئر السامرية) عام ١٩٧٩ بعد ما قرروا الاستيلاء عالمكان بحجة انه مكان يهودي (رغم انه تاريخيا عزمن الانبيا المنطقة كانت سامرية واليهود ممنوع يمرقوا مرق الطريق فيها) فضربوه بالفأس على راسه لحتى مات.
بمدينة بيسان كان في كنيستين. كنيسة الروم الارثوذكس تم هدمها نهائيا بطلت موجودة كليّا، وكنيسة اللاتين تم تحويلها لتصير مركز حزب الليكود الصهيوني ببيسان.
مبنى بلدية اللد الاسرائيلية هو مبنى عيلة امسيح المسيحية بعد ما طردوا العيلة برا المدينة، ومبنى بلدية الرملة الاسرائيلية هو بيت عيلة رزق المسيحية، بناه شكري رزق ليزوّج ابنه فيه، بس ما لحق انطردت العيلة وانسرق البيت.
حرق جزء من دير اللطرون بيت القدس والرملة عام ٢٠١٢
حرق كنيسة الطابغة بالكامل (اعجوبة الخبز والسمك) قرب بحيرة طبريا عام ٢٠١٥
زرع اكثر من ٥٠٠٠ لغم بمنطقة غور الاردن بمنطقة مليئة بالكنائس بسبب قربها من موقع المغطس، مما ادى الى اغلاق وهجر عشرات الكنائس.
كنيسة مريم العذراء الكاثوليكية في مدينة صفد بعد احتلالها وطرد السكان حولوها لمعرض فنون ورسومات بعد ازالة الصليب والجرس وكل محتواها الديني.
في حوادث تكسير قبور، او تخزيق دواليب سيارات، كتابة شعارات واهانات ضد المسيح والمسيحيين عالكنائس وابواب الاديرة.. بس مش رح اذكر الكل بعتقد الثريد اعطى فكرة..
(وطبعا ما ذكرت لا قرى مهجرة ولا مجازر).
(وطبعا ما ذكرت لا قرى مهجرة ولا مجازر).
جاري تحميل الاقتراحات...