مساكم الله بالخير🙏🏼❤️... اتوقع كثير منكم الآن يخطط لرحلة بعد حرمان طويل نصيحة لكل اللي يخططوا للرحلات القادمة دام فيك نفس جرب الجديد عيش مع الشعب لا تحد نفسك على توصيات اخوياك و الخليجين اللي راحوا قبلك🤷🏻♂️ نصائح راح اسردها في هذا الثريد ان شاء الله 👍🏻🌚
١- ابحث عن الدولة اللي تبي تروحها بحث دقيق. مثال: Best things to do in (x) وحط اسم الدولة بين قوسين ممكن تسأل ليش بالانجليزي لان المحتوى العربي ضعيف للاسف وهذه افضل طريقة وحالياً جوجل كروم يعطيك خدمة ترجمة الصفحة اذا ما تعرف انجليزي...
بعد كذا راح يعطيك افضل المدن و الفعاليات لا تكتفي باول موقع تدخله زور ٥ او ٦ وكل ما كثرت تاخذ صورة افضل.
٢- استخدم Local Forums اللي هي المجتمعات المحلية، ناس يكرسوا جزء من وقتهم يساعدوا السياح يعرفوا افضل اماكن و اوقات زيارة لمنطقتهم وعندك مثال مشهور اللي هو TripAdvisor Forum استخدمته شخصياً كم مرة وكان ممتاز وساعدني بشكل كبير اقرر اني ما ازور احد الدول 😂
٣- وانت ماشي في المدينة وقف احد من اللي معهم شنط ظهر رحالة"هذول من الاخر يضبطون" او واحد من أهل البلد يكون لا هو شباب ولا هو شايب "من تجربة👍🏻" قولهم انا اول زيارة لي هنا وودي ازور اماكن مميزة في المدينة؟ راح يوصلوك لاماكن تخلي رحلتك عالقة في الذاكرة للابد 🙏🏼
٤- وانت ماشي بكثير مدن تلقى ناس بمظلات "خاصة باوروبا" مكتوب عليها Tour guide او Free Guides خش معهم وامشي وسولف مع الناس واسالهم عن المدينة راح يضبطوك...
شوية نصايح وفي اكثر من كذا لكن هذه اهم الاشياء اللي راح تساعدك تعرف البلد اللي تزورها صدق مو بس تصور في كم كافيه ومطعم 🤷🏻♂️
شوية نصايح وفي اكثر من كذا لكن هذه اهم الاشياء اللي راح تساعدك تعرف البلد اللي تزورها صدق مو بس تصور في كم كافيه ومطعم 🤷🏻♂️
اخيراً لو احد احتاج مساعدة حياه الله الخاص مفتوح ومن وعيوني 🙏🏼
جاري تحميل الاقتراحات...