النهاردة هنعمل thread عن الألعاب اللي ممكن تلعبها على الموبايل وتستفيد منها حاجة في حياتك في نفس الوقت خاصة محاكاة الأعمال والتسويق والبناء وخلافه. المحاكاة دي بتستخدم أكاديميا في كورسات، فليه ماننتهزش الفرصة دي لو معمولة على هيئة لعب على الموبايل 😁
لعبة Sim Companies بتستخدم لتعليم إدارة الأعمال وانشاء الشركات والإنتاج وربطها بالتسويق والتوزيع والاستثمار. موجودة على الموبايل كمان. simcompanies.com
لعبة Real Bank Manager Simulator بتعلم ادارة البنوك من أول استقبال العميل لإنشاء الحسابات لل customer service وخلافه
لعبة Sea Port: Cargo Ship بتعمل محاكاة لإدارة المواني والبحرية التجارية بأشكالها المختلفة
لعبة Airlines Manager - Tycoon 2020 بتعمل محاكاة لإنشاء شركات الطيران وتشغيلها من كل النواحي وادارة المطارات
لعبة زي Sim City بتعلم بناء المدن من كل النواحي الاقتصادية والبنية التحتية، والنقل. الحقيقة أني بحب City Skylines أكتر بس مش موجودة على الموبايل.
لعبة Cell to Singularity بتعلم التطور البيولوجي والأزمنة من أول ظهور الحياة على الأرض لحد الإنسان
لعبة Physics Studio فيها محاكاة لمعمل تجارب فيزيا ممكن من خلاله تعمل التجارب دي اونلاين أو تعلم بنتك أو ابنك عليه
واخيرا بشكل عام جرب تدور على "simulator" على أي App Store متعلق بحاجة بتحبها أو نفسك تتعلمها وهتلاقي الApps المفيدة ليك في الموضوع ده :)
جاري تحميل الاقتراحات...