الطماطم موش مجنونة، دي بتقدم لنا درس وحكمة وعظة، بتورينا إزاي ما بين يوم وليلة إللي مالهوش قيمة بيعلا ويغلا لأرقام فلكية، واللي كان بيترمي آخر السوق ف صناديق الزبالة بيجيي عليه يوم يصبح بالشئ الفلاني وإللي كان بأعلى الأتمان سعره ممكن يبقى ببلاش، 👇

الطماطم موش مجنونة واحنا اللي مجانين عشان ما بنستوعب الدرس بان مفيش حاجة بتثبت على حالها، وبعدين أستغنى عن الطماطم ودور على بديل، حيقوللك طب والسلطة حنعملها إزاي من غير طماطم، وانت يابني آدم ناقص سلطة، ما الحياة قدامك أهي سلطة على بعضها، وبعدين 👇

على راي المثل "إللي يمشي ورا الطماطم ما يخلاش م التفعيص"، صحيح إن الطماطم زي ما يينادي عليها البياع " حمرة يا قوطة" موش حمرة خجل ولا حاجة لأنها ما بتتكسف على دمها ويتعمل مقالب بايخة مع الكل، وإن كانت مجنونة فلازم نكون احنا عاقلين ونستوعب الحكمة والدرس!
@Rattibha