هقول اللي شايفه وربنا يعلم انه بدون ذرة تحامُل على زيدان .. الثريد هيبقى طويل وهو مش رد على شاهر ولا اي حاجه هي شوية فضفضه عاديه بس بما ان السيره اتفتحت.
اول حاجه مش محتاج أقول أن الفترة دي تقيله جداً جداً سواء على الفريق او المدرب اللي بنفسه قال ان الليغا اللي فاتت دي اصعب بطولة خدها.
زيدان في نهاية الموسم ده لو كمّل هيكون تم موسمين وشوية في قيادته لريال مدريد وهي -تقريبا- نفس الفترة اللي خرج بعدها زيدان في مؤتمر وداعي قال ان اللاعيبه دي محتاجه خطاب وجو جديد في غرفة الملابس طيب من اللاعيبه اللي زيدان قال انهم محتاجين جو جديد دول من لسه موجود في الفريق؟
راموس - فاران - كارفخال - مورديتش - كروس - كاسيميرو - بنزيما - اسينسيو - فاسكيز - ايسكو - مارسيلو - ناتشو .. 8 لاعيبه او 9 على الاقل بيبدأو كل لريال مدريد.
ذكرت الجزئية دي علشان اقول نقطتين:
ذكرت الجزئية دي علشان اقول نقطتين:
1- التدعيمات اللي هتوصل لريال مدريد في ظل الظروف دي هتكون طفيفة مش هتكون ثورة يعني تقريبا معظم الاسماء برضو هتكون موجوده لو قولنا هنبيع ايسكو - ماريانو - سيبايوس - مارسيلو على سبيل المثال.
فا الاسماء القديمه برضو مع زيدان اللي هو بنفسه قال انهم محتاجين جو جديد من سنتين، في فترة تانيه مش هتعمل اي حاجه ولا هتحل حاجه ونلف في نفس الدوامه ما بين الانتدابات اللي جت فاشله ولا ان ده المدرب معندوش افكار.
2- الجزئية التانيه اللي عايز اقولها هو مين سبب بقاء معظم اللاعيبه القديمه دي؟ وفي رأيي انها حاجه مشتركه بين زيدان وفلورنتينو بيريز مضاف عليها شوية ظروف قهرية يعني
موسم سانتياجو سولاري ده كان وقفه كبيره كده للنادي كنا المفروض نستفاد منها، الراجل بكل بساطه جه راح مشاور (تعبير مجازي) على اللي ينفع يقعد واللي يمشي وكان على رأس القايمه دي مارسيلو وايسكو وهما هما نفس اللاعيبه اللي جمهورنا حاليًا بيشتم فيهم.
وطبعًا اللي كانو المفروض يقعدو معروفين للكل بس هما حاليًا بره النادي بستثناء فالفيردي. بس عادي دي بقى دي اختيارات مدرب وانت مُلزم بيها.
بس موسم سولاري ده الصحف اجمعت سواء الكبيره منها او الصغيره ان سبب بقاء ايسكو ومارسيلو وحتى فاران اللي كان بيدور على تحدي جديد هو عودة زين الدين زيدان ..
في نفس الصيف زيدان لبس ميليتاو اللي تم التعاقد معه قبل وصوله وهازارد طبعًا اللي محدش كان يتخيل يكون بالشكل ده .. وحسب زيدان نفس كان له اليد في اختيار المهاجم والصفقة الاخيره بتاعت ميندي.
فا حاليا ايسكو ومارسيلو وفاران ويوفيتش بيتشتمو وحتى ميندي دخل الدايره علشان ضعيف بالكوره هجوميًا رغم اعترافي انه صفقه كويسه جدًا ودخلنا الموسم بدون اي تدعيم للاعب بديل لكاسميرو.
جزئية فلورينتينو دي هو مش هيديك الفرصه تقولها علشان للأسف ذكي جدًا وكل غلطة بيعملها ليها مبرر زي مثلا موسم لوبيتيغي اللي دخل فيه بماريانو واودريزولا وفينسيوس بس كصفقات ده.
لوبيتيغي كان هيعيط على واحد زي تياجو او رودريجو مورينو بس في الاخر اتقاله ان اسعارهم مبالغ فيها جدًا بالنسبه للسوق ومعرفناش نعمل حاجه ولا نجيب اي انتداب محترم.
وده برضو اللي بررته ماركا بأن الموسم ده انتقالي من فلورينتينو على امل تعويض الفريق الموسم اللي بعده وده اللي حصل بصرف حوالي 300 مليون يورو.
اللي عايز اقف عنده مع فلورنتينو هو حاجات تانيه واجيال موهوبه بتعدي من تحت ايدينا من غير ما نخطف منها لاعب ونيجي نعيط عليها بعد كده.
وليفاندوفسكي مثلا اقرب مثال في صيحة بوروسيا جيل موناكو الاخير ده مثلا فشلت تجيب مبابي ومبصتش مثلا على واحد زي بيرناردو ده جيل اياكس ده مثلا مخرجناش منه بأي مصلحه، ناهيك عن طن المهاجمين اللي فلت من ايدينا اخر 10 سنين فا دي حاجه نقف عندها برضو.
وعلى نفس الطريقه اللي بقولك مش هتعرف تمسك عليه غلطه فيها هي الوباء اللي متعرفش برضو تنتقده فيه لأن الراجل ادى بشغله في موضوع الحسابات وده اللي متأكد منه 100% .. ووجود زيدان في بداية الموسم كان مقوي قلبه برضو وعارف انه مهما الدنيا لفت زيدان هيحققله بطوله.
فا بدل ما يدخلو ايديهم فاضيين في موسم خسران من البداية وكان واضح ان في مشاكل من الموسم اللي فات والفوز بالبطوله غطى عليها قالك مدخل الموسم بإيدي فاضيه .. تعالا ياد يا اوديغارد خد صفقة اهو وان شاء الله ربنا يكرمنا وهازارد يخف وزيدان يعتمد على يوفيتش وكتر خير الدنيا.
سامحوني على الرغي بس هي شوية فضفضه على الصبح، مجبتش انا سيرة طريقة لعب ولا بلاوي فنيه بتحصل في الملعب اهو كل الكلام كان رايح جاي وجبناه من البداية .. 100% فلورنتينو يتحمل جزء من اللي بيحصل بس اللي مستحيل انه يتحمله كله مستحيل..زيدان مشارك بشكل مباشر في اللي بيحصل من ساعة ما رجع.
المدرب اللي هيجي بعده هيحتاج ينضف كتير وهيتعب وده شيء انا مش شايف ان زيدان هيعمله لو استمر .. مش هيروح يقول لمارسيلو امشي ولا فاران. بنزيما مهما عمل هيكون هو مهاجمه الاساسي .. مش بعيد نشوف الثلاثية العقيمه مودريتش كروس كاسيميرو في موسم جديد وغيرها من اللي بنشوفه...
هقول نفس جملة زيدان ان الاعيبه محتاجه جو جديد- افكار جديد (من مدرب سوبر) في حد بتخلص عنده كل حاجه مش فكرة انا بكره المدرب او متحامل عليه.
المشكله مش محصورة في زيدان نفسه بس هو جزء منها. انا اللي بتمناه في الوقت الحالي انه يكمل لأخر الموسم وبعد كده يمشي لأن فعلًا انا مش بكره قد تغيير المدرب في نص الموسم دي واتمنى متحصلش نخرج من الكام يوم الجايين بخير.
في وسط ده كله نحمد ربنا ان برشلونه واقع زيينا يعني..
طبعًا بعتذر عن ده كله بس زي ما قولت هي شوية فضفضه.
طبعًا بعتذر عن ده كله بس زي ما قولت هي شوية فضفضه.
جاري تحميل الاقتراحات...