الفترة هذي اغلبنا عندهم اختبارات سواء جامعة او مدارس، وفي هذا الثريد حابة اشارككم "طريقتي في تثبيت المعلومات اثناء المذاكرة" وان شاء الله تستفيدوا♥️✨.
🔜🔜🔜
🔜🔜🔜
١- قبل اي شيء، ابدئو بدعاء المذاكرة (اللهم إني أسألك فهم النبيين، و حفظ المرسلين، و الملائكة المقربين، اللهم اجعل ألسنتنا عامرة بذكرك، و قلوبنا بخشيتك، و أسرارنا بطاعتك، إنك على كل شيء قدير)📝♥️.
٢-اختاروا الوقت اللي يناسبكم وتكون انتاجيتكم فيه عاالية، انا احب وقت الصباح احس عقلي يتنشط فيه وتركيزي يزييييد♥️🌞📝
٣-اكتبوا المعلومات الصعبة في ورق الملاحظات (sticky notes) او في دفتر، وبعد ما تخلصوا مذاكرة اقروها وخلوها قريبة منكم الى وقت الاختبار وحتثبت المعلومات ان شاء الله♥️📝.
٤-اعملوا اختصار للتعداد (اول حرف من كل كلمة مثلا) واربطوهم فبعض بكلمات مألوفة عليكم ومو شرط تكون كلمات علمية ، خليها كلمات عامة افضل عشان تثبت♥️📝
هذي امثلة لكلمات مختصرة (للناس اللي يدرسوا انقلش وصعب يستوعبوا)
هذي امثلة لكلمات مختصرة (للناس اللي يدرسوا انقلش وصعب يستوعبوا)
٥-التلخيص السريع اثناء المذاكرة للمعلومات المهمة او الصعبة وبعد ماتخلصوا اقروه ع السريع وراجعوا منو قبل الاختبار، حاولوا تحطوا المعلومات بطريقتكم وشرحكم افضل من النسخ واللصق📝♥️
٦-سوو خريطة ذهنية تحتوي على النقاط الرئيسية من كل موضوع يصير لما تقروا كل نقطة تفتكروا المعلومات الفرعية لها، الناس اللي مذاكرتهم الكترونية لا تتعدوا ذا الابلكيشن يسوي خرائط ذهنية بسيطة و استخدامو سريع وسهل♥️📝.
٧-تسجيل فويس نوت للنقاط المهمة واللي فيها معلومات كثيرة واشرحوها بطريقتكم واذا في امكانية حطو مثال للمعلومة من راسكم واسمعوها بعد الانتهاء من المذاكرة ، حتساعدكم في الاستيعاب مررررا♥️📝
٨-الشرح الشفوي بطريقتكم ومصطلحاتكم اربطوها بحياتكم عشان م تنسوها او اربطوها بمصطلحات تضحك عشان تستوعبوا😂♥️📝
٩- حطوا شخص قدامكم واشرحوا و قولوا كل الكلام والمعلومات مرااااا حتثبت جربتها مع @joud44771 وفعلا ثبتت المعلومات وافتكرتها وقت الاختبار مع تعابير وجهها وقت الشرح😂📝♥️
١٠-لما تنجزوا فالمذاكرة كافئوا نفسكم بتغيير مكان المذاكرة سواء في البيت او برا البيت، حتتعدل نفسيتكم وتستوعبوا المعلومات افضل لانو نفسيتكم حتتجدد وتتحمس للانجاز، وحلو لو خرجتوا ومعاكم احد يسليكم يسير تذاكرووا شويا وتنبسطوا شويا😍♥️📝
١١- عودوا نفسكم بعد م تخلصوا انكم تقولوا دعاء نهاية المذاكرة (اللهم إني أستودعك ما قرأت و ما حفظت و ما تعلمت، فرده عند حاجتي إليه، إنك على كل شيء قدير)✨♥️
لانو التوفيق من ربنا والدعاء والتقرب من الله اكبر واهم سبب لتثبيت المعلومات والنجاح، وبعدين ناخد بالاسباب التانية📝♥️
لانو التوفيق من ربنا والدعاء والتقرب من الله اكبر واهم سبب لتثبيت المعلومات والنجاح، وبعدين ناخد بالاسباب التانية📝♥️
وهنا وصلنا لنهاية الثريد، انا متأكدة انو اغلبكم يعرف هذي المعلومات بس حبيت اجمعها في مكان واحد وافكركم لو نسيتوها، ويارب اكون افدتكم ولو بشيء بسيط♥️📝
"اكتبولنا طرقكم اذا ما ذكرتها فالثريد عشان كلنا نستفيد من بعض♥️😍
وان شاء الله ربي يكتبلنا كلنا اعلى الدرجات وما يضيع تعبنا♥️✨.
"اكتبولنا طرقكم اذا ما ذكرتها فالثريد عشان كلنا نستفيد من بعض♥️😍
وان شاء الله ربي يكتبلنا كلنا اعلى الدرجات وما يضيع تعبنا♥️✨.
جاري تحميل الاقتراحات...