🤔موت اغلى من الحياة🤔
صعد حارس العمارة للشركة سلمني أوراق لرجل مسن يطلب اعانة ..تحدث هذه الامور كثيرا فصاحب الشركة مليونير ويخرج زكاة المال على شكل شهريات وهبات ..تفحصت الاوراق قبل عرضها على المدير ..لفت انتباهي صورة كارنيه نقابة المهندسين ..ده مهندس على المعاش ..👇
صعد حارس العمارة للشركة سلمني أوراق لرجل مسن يطلب اعانة ..تحدث هذه الامور كثيرا فصاحب الشركة مليونير ويخرج زكاة المال على شكل شهريات وهبات ..تفحصت الاوراق قبل عرضها على المدير ..لفت انتباهي صورة كارنيه نقابة المهندسين ..ده مهندس على المعاش ..👇
تجاوز الثمانين ..لمحته من النافذة يمشي متكئا على عصاه ببطء بالغ ..هيكل عظمي متحرك ..راجعت اوراقه ..يطلب مبلغ محدد ولمرة واحدة فقط ..٢٠٠٠ جنيه ..ثم وجدت صورة كمبيالة بالمبلغ واجبة السداد من خمسة اشهر .. ادخلت الاوراق على الفور للمدير..نظر الي وهو يكاد يبكي..انتي عارفة هتعملي ايه👇
ايوة ..حالا يانادية ..هو موجود دخليه اقابله ..لا هو غادر ...طيب خلصي اللي وراكي وبعدين روحي ادرسي الحالة ع الطبيعة مش هتحرك من الشركة هستناكي ..تمام يافندم ..ياخوفي من تمام بتاعتك ..عكي يانادية عكي زي عوايدك ..ابتسمت ورزعت الباب ..هو فاهم معناها (احتج) انا بعك انا ..طب معلش 👇
انهيت اعمالي بسرعة وغادرت ..العنوان بحري شارع الحجاري ..توجهت فورا لمحطة الرمل شارع سعد زغلول ..لا ماتهتش ..قلت احود اخد واحد قهوة من البن البرازيلي ..تظبيط الشغل اهم من الشغل..ثم توجهت للعنوان ..سالت محل بقالة مساء الخير ياحاج ..انا بدور على الحاج ..... ساكن فين ..👇
اه الباشمهندس دا في العمارة اللي جنبنا الدور التالت ..اي خدمه ..ايوة لو عندك وقت ..هو بيتعامل معاك ..طبعا فاتح صفحة (يعني بيشتري ع النوته) ..هو انتي عاوزة منه فلوس ..الصراحة الراجل محترم بس ظروفه ملطشة ..ليه؟ اصله كان بيزوج حفيدته اللي رباها لما ابوها مات 👇
وسابها في رقبته من ١٥ سنه ..وامها كانت مطلقة ورمتها لابوها ..وعمرها ما سألت عليها ..بيقولوا هاجرت مع جوزها الجديد ..طيب هو عليه فلوس كتير لك ..عليه ٥٥٠ جنيه بيسدد ٢٠ في ١٠ وانا اكراما لذوقه وادبه بصبر عليه ..طيب متقلقش خد حسابك ..وانتي تدفعي ليه انتي قريبته ..حاجة زي كده ..👇
بس هات ايصال مخالصة لو سمحت ..طبعا طبعا ..هو موجود فوق ..اه عايش لوحده خبطي كتير سمعه تقيل شوية..فعلا فتح بعد فترة ..مساء الخير ياحاج ..مساء النور لأ الشقة اللي قصادي ..شقة مين اللي قصادك ؟ مش انتي عايزة الواد الفلاتي حسن البرنس ..كده برضه ياحاج فتحي انا عايزاك انت..👇
وهو انا برضه وش كده؟!! اسف يابنتي اصل كتير بيخبطوا عليا بالليل ،،اصله قالبها مسخرة ..طب مش هتقول اتفضلي والا خايف مني؟ لا اتفضلي اخاف ليه ..ايش ياخد الريح م البلاط ..فعلا الشقة تقريبا ع البلاط ..ايه ياحاج انت بتعزل ؟ لا يابنتي ببيع ..ليه احكي لي اعتبرني بنت ابنك ..👇
ايه ده انتي عرفتي منين ..مش مهم انت ايه ظروفك ..انت مهندس بتودي معاشك فين اوعى تكون بتدخل تسهر مع حسن البرنس ؟ هههه ماليش في السكة البطالة ..فيه فرق بين مش عايز ومش قااااادر ياحاج..ههه الله يحظك ..من يوم فرح مرفت مضحكتش ..ست شهور مسافرة مشفتهاش سايباني اسدد ديون جوازتها ..👇
ياللا معلش هانت ..باقي ٢٠٠٠ جنيه ..اكيد هتحبس بيهم ..الراجل رفع قضية والجلسة الاسبوع الجاي ..قصدك الكمبيالة ..ايه ده انتي مين ..متشغلش بالك انا مخاوية جن بقرا الافكار ..طيب مفيش اي سكة تجيب منها الفلوس ..لا يابنتي النقابة اخدت منها الحد الاقصى من السلف ..والمعاش على الاد ..👇
واحيانا اكل طقتين والدوا غلي ..عموما انا بشتغل في الشركة اللي سيبت فيها اوراقك وكنت بعمل دراسة حالة .. بس انت مدوخ نفسك على ٢٠٠٠ جنيه ..طب انت عارف بيع الاعضاء بيكسب دهب ..فتح فمه بدهشة ..اعضاء ايه هو انا فيا حته سليمة ..طب بلاش فيه سكة تانية تجيب لك ٣٠٠٠ جنيه ..👇
دليني عليها ابوس ايدك ..تنتحر ! ايه انتحر طب وبعدين ؟ مش هتتحبس والورثة هياخدوا ٣٠٠٠ جنيه يسددوا ٢٠٠٠ ويورثوا الف ..والله فكرة ..ومين هيديهم ٣٠٠٠ جنيه ؟ نقابة المهندسين ياحاج ..انت متعرفش ان النقابة بتصرف فورا ٣٠٠٠ جنيه مصاريف الجنازة ..والله فكرة!!! 👇
بس كده الالف هيروحو في الجنازة ..لا ياحاج ما انت ماترميش نفسك م الشباك ..انتحر جوة الشقة عشان الريحة تجبر حسن البرنس يدفنك على حسابه ...اوعي تصدق ..انا هعرض حالتك ع المدير ويصير خير ...الحاج فتحي سدد الكمبيالة وطلع بشهرية ٥٠٠ جنيه .زهزهت معاه
صورة الممثل الراحل احمد سامي عبد الله
صورة الممثل الراحل احمد سامي عبد الله
جاري تحميل الاقتراحات...