السالفه ذي عدتها كثير ويمكني قد قلتها بس بعيدها، كانت ليلة عيد وكنا حنا في المشغل وبما ان العيد في بيتنا كنا جايبين شغالات ينظفون المهم انهم تركوا الغاز مفتوح وراحوا وابوي جاء بعد ماراحوا بكم ساعه معه اخر مقاضي العيد خلاص بيحطها وبيروح يتجهز ويشم ريحة الغاز لانه كان محطوط في غرفه
جنب المطبخ وراح بيطفيه وكان ظلام وبدل مايصكه فتحه اكثر وانفجر بوجهه وطيره وعاد انصك باب الغرفه بقوه وكان في دريشه كبيره انكسرت ابوي يقول شفت الموت بعيوني النار تمشي بالغرفه وانا محبوس بس عشان الدريشه انكسرت ودخل هوا انفتح الباب بعد محاولات وطبعا صوت الانفجار سمعوه اللي في البيت
كلهم ونزلوا عيال عمي وشغالتهم باقي جدتي ماسمعت وخواتي التؤام صغار فوق ابوي راح يطق الباب على جدتي وقومها بسرعه ونزلها وخواتي يوم راح يشوفهم الا معهم الشغاله ميىْْه خوف وقام شال خواتي الثتنين بيدينه وهي محترقه😢ويوم طلع كل اللي في البيت وعلم الجيران يدقون عالدفاع المدني طاح
وبدا يحس بالالم طبعا عمي جاء وخذاه المستشفى وجدتي وخواتي وعيال عمي راحوا عند الجيران وفي هذه الاثناء كنا انا بالمشغل وامي دقت عالشغاله بتتطمن بس وتلقاها تصيح وتقول ناار روعت امي دقت امي على ابوي رد ولد عمي يقول عمي مافيه شيء وهي ماسألت😅وشوي تدق ام الجيران وتقول ترا صار فبيتكم حر
جاري تحميل الاقتراحات...