نفسي اكتب عن اسوء حاجة حصلت لي في حياتي خلال الثريد الجاي ده ، حكتب وانا ببكي حرفيا....
في تاريخ 4-6-2020 بدا تظهر عندي اعراض غريبة جدا كره للناس وخوف وقلق وعدم قدرة ع الاكل واحساس بالحزن فضيع فضيع فضيع والاكبر من هذا كله ماكنت انام ابدا!!!!
في البداية كنت احسب الموضوغ عادي جدا ازمة وتعدي لكن الموضوع استمر عشر يوم وكان كل يوم يزيد احساسي اني حموت خلال هاليوم كان فضيع جدا
فكرت يمكن عندي مشكله او نقص فتامين او مشكلة ف الهرومات كنت بمشي بعمل كل الفحوصات وحرفيا كانت بتطلع كلها نظيفة كنت بطلع من المستشفى انا معارفة فيني شنو او دا شنو الحاصل لي !!!!
الموضوع كان صعب شديد بالنسبة لي كورونا وانه انحبسنا ف السودان واهلي كانوا ف السعودية والمطارات مقفله ف حرفيا كنت معارفة اعمل اي حاجة..
وحده من صحباتي اقترحت علي انه امشي لدكتور نفسي يمكن فيه حاجة حصلت لي وانا ماقادرة احددها ، فعلا مشيت يوم 23-6 كان حرفيا اسوء يوم ف حياتي كلها ، لما جا اسمي ماكنت قادرة اصدق انه دا حقيقي وكنت بقول انا قوية وانا كنت ببكي من جوا - بين فترة وفترة بمشي الحمام وببكي وبطلع وانا قويه-
دخلت للدكتور وكانت فدوى صحبتي معايا وباقي كل البنات ف الانتظار وكانت ماسكه يدي وبتقولي انتي قوية بديت اتكلم مع الدكتور واحكي ليهو بالحاجات الانا حاساها واني حاولت انتحر ثلاث مرات + صحباتي كانوا كاتبين دفتر بكل يوم انا بعمل فيهو شنو وادوهو للدكتور😂
لما سالت الدكتور دا دفتر شنو قالي ديل صحباتك كاتبين انك انتي قوية ومافي شيء حيوقف ضدك وانتي احسن وحدة وضحك ، وبس كانت دي الطف حركة يعملوها البنات ❤️
قرر الدكتور انه عندي اكتئاب حاد والعلاج م حينفع يكون سلوكي لازم يكون دوائي ويتسمر فتره طويلة مع الجلسات المتواصلة ، انا وقتها ماقدرت اقتنع انه دا اكتئاب وكيف وليه ومتين وحصل كيف ؟
بكيت بكيت بكره بكمله محقدر
بقى يقنعني انه انا انسانة كتومة جدا والحاجة دي حصلت نتيجة تراكمات كتيرة وكتب لي الادوية ، طبعا مايحتاج اقول كنا بنتفش الدواء كم يوم يعني حرفيا شكرا ي السودان 💔..
في البداية الادوية تعبتني شديد وبديت اهلوس حتى بتذكر كنت بنادي صحباتي باسماء غير ، الحمدلله ماكنت مع اهلي اقوم انادي اخوي باسم البيب وتكون النهايه ع يده
بعد يومين بالضبط بقيت اقدر اكل نومي اتحسن القلق مشى الخوف وكل حاجة بقيت افكر كيف الادوية ممكن تعمل كذا وبقيت افتش عنها ف قوقل قريت عنها مواجع كتيره لين اقتنعت انه هي بتعدل بس السروتنين ف المخ ومابتعمل اكتر من كدا 😂😂😂
كنت كل مواجعة بمشي مع الانسان دا @_kemo288 كان في كل مره يحاول يثبت لي انه انا قوية وحعدي الايام دي وحضحك تاني وانا بقول ليهو لا انا حموت ويعزمني وصراحة انسان جميل جددا وصديق رائع الله يخليهو ليها < يعني معايزين مشاكل سرسوره🙆🏾
بعد اسبوعين كانت المراجعه التانيه لي كنت ماشه العيادة وانا بضحك عادي وما كان الموضوع فارق معاي وكنت بحضر مسلسلي ف الانتظار دخلت للدكتور وقالي انتي كويسا شديد وخفف لي الجرعة 😩
كنت في يوم زهجانة الا زول يصحيني من النوم ويقولي انزلي جايب ليك مفاجاة تحت انزل استلم الحاجات افتح باب العربية الاقي صحبة عمري حواها حرفيا بكيت واتوقع كان كل العماره سمعوا صراخنا وفرحتي بشوفتها @to8a_192 🌚❤️
قدرت اتعايش مع مرضي وكل يوم بمر بكون احسن من القبله احيانا بتجيني انتكاسات وكل مره بتخف وكل ماكنت بحس بالضعف كنت بصلي وببكي وحرفيا كنت بحس انه ربنا سامعني وشايف كل حاجه بس كان بقولي اصبري جايك العوض والفرح💙
استمر الموضوع بقيت اراجع واعيش حياتي طبيعي وحرفيا كنت مبسوطه شديد لاني بقيت احس شنو يعني تضحكي من كل قليك شنو يعني تنومي وانتي مرتاحة شنو يعني مايكون عندك هموم اقل النعم عرفت قيمتها والله ☹️❤️
صحباتي وقفوا معاي وقفه مستحيل انساها كنت بسمعهم يبكوا لما اخش الغرفه القاهم عادي يعني هم قوين لكن حرفيا بحبهم شديد شديد يارب ابوسكم كلكم بلس اشتقت ليكم خلاص ويع @Fadwa97_ @ZoZo_fuad @Etharyassir @Rana_oha ❤️❤️❤️❤️❤️❤️❤️❤️❤️☹️☹️☹️☹️
انا هسى بكتب التويتات دي وانا كويسة الحمدلله وقفت كل علاجاتي وحاليا انا احسن انسانه ، دائما خلوكم عارفين اي مر سيمر مهما طال والايام الكعبة حتجي ايام ضعفها حلاوه وراحة بس الانسان يشيل الصبر ويكون مع ربنا شديد 🥺❤️
طولت شديد لكن رسالتي لاي زول بشيل ف قلبه وما بحل مشاكله ف وقتها اوعى لانه الموضوع لما يتحول نفسي انت البراك حتتعب ومافي زول حيشتغل بيك ، دايما خلي كل اولوياتك راحتك النفسية لانه الصحة النفسية مهمه مهمة جدا ❤️
بحصوص بعض الاقارب اللي طلعوا عني اشاعات واني فقدت العقل الله يسامحكم يعني محتاجة حسنات شديد وكل الكره ليكم ويعع استغفرالله المهم اتذكرت وحدة قالت لماما كنا عايزين نخطب مريم بس بعد مشكلتها النفسية خفنا تتعب تاني ؟؟؟؟؟؟
طيرو انتو وولدكم دا لو ادوني ليهو بلاش ف عروض م بشيلو😒..
طيرو انتو وولدكم دا لو ادوني ليهو بلاش ف عروض م بشيلو😒..
عمر الامراض ماكانت عيب العيب انك تقول انا كويس وتتجاهل الموضوع لين يوصل مراحل بعيدة ، كل الشكر للحياة والاخل والاصدقاء لانه والله لولاهم ماكانت هالحياة بهالشكل💗💗💗💗💗💗💗💗💗💗💗💗💗💗💗💗💗💗💗💗💗💗💗
الداعم الدائم رغم المسافة @Malaaaaaaaz ❤️❤️❤️❤️❤️
باذن الله حسوي الكتاب اللي بيحكي عن معاناتي مع الاكتئاب في خلال اربع شهور وحسميه - نجاة روح - كيف الانسان ممكن يكسب نفسه من اول وجديد وكيف انه هالروح غالية غالية جدا علينا❤️
معارفة ارد على منو واسيب منو وكمية الرسائل ف الخاص خلتني سعيدة شديد بحبكم والله كلامكم بسطني شديد ويارب ماتشوفوا مكروه ف نفسكم وفي الناس البتحبوهم بلس دايما خليكم قوين اي حاجه كعبة حتعدي وحيجي اليوم اللي تكتبوا عنها كانها قصة فقط ☹️❤️❤️❤️❤️❤️❤️❤️❤️❤️
curiouscat.qa اي استفسار 🙄
جاري تحميل الاقتراحات...