الحلافي رئيس ومدرب ومشرف ومتحدث للنادي وطبعاً كلنا ندري أنه الآمر الناهي رئيسنا على نياته قدره أنه بمنصب الرئيس فقط ، طرد فيتوريا أتفه مشجع رياضي عارفه لكن طردك من النادي هو الي لازم يطالب فيه كل نصراوي يعرف العمل الجماعي والأداري لنادي بحجم نادي النصر .

خسارة من الهلال قابلها بمفاطيح ومقابله تافهه الغرض منها معدوم بدل ما يتعامل بحزم على خسارة قد تتلوها أخرى جلس يطبطب الى ظهور اللأعبين واليوم كانت القاضية

قدر مهاجمك ودافع عنه وامدحه لكن إذا تعالى عليك أدعسه وعلمه أنه جاي يخدم النادي بخشم الريال إذا مدربك أخطى وقفه وحاسبه وش دورك كمشرف ؟ تجلس عند العارضه عشان القنوات الرياضية تصورك ؟ وش دورك عند الخسارة تجمعهم بنص الملعب عشان تسكت جماهيرك

هالحركات حتى أندية الدرجة الثانية ماتسويها مع لاعبينها لكن قدرنا أننا خسرنا السويلم وعمله الناجح بشخص تافه لايفقه بكرة القدم شي .. العوده للمنافسه تكون بأقالة هالادارة التافهه قبل المدرب ومحاسبة كل لأعب مهمل نفسه أما يكون اداءه بقدر مايستلم من مرتب أو خارج أسوار النادي

عودتنا ماراح تكون بتغيير مدرب عودتنا بتكون بتغييير الفكر بتغيير العاهه الي تقود النادي للهاوية الغيور على نصره الي راس ماله حب وعشق النصر ويرضى ببقاء هالادارة لحظة وحده بأي حجه كانت والله أنه يضر النصر ماينفعه ، عنفوه وقول الي بخواطركم
#إرحل_ياحلافي_وياسويكت