1- شحال خايبة الواحد يهضر فشي موضوع مكيفهمش فيه، و عند بالو حل اللغز، و مالك على حالتك. هادشي علاش اليوم غادي ندير ليكم درس في الأقمار الإصطناعية، باش كلشي يستافد، على بركة الله نبداو thread
2- اللي معارفينش الناس أن الأقمار الإصطناعية خاصها تدور على الكرة الأرضية بسرعة كبيرة باش تغلب جاذبية، اذا بقا القمر في بلاصتو غادي يطيح و يرجع. صاروخ الإقلاع كيوصل القمر الإصطناعي لأكثر من 20.000 كم/س. حتى كيبقى فواحد التوازن بين السرعة و الجاذبية اللي كنسميوه المدار orbit
3- غادي تقولولي النايل سات مكيتحركش. و غادي نقوليكم عندكم الصح واحد الشوية و لأنه هو في الحقيقة كيتحرك بسرعة 27400 كلم/س على ارتفاع 35.000 كلم و كيدير دورة واحدة على الأرض كل 24h و هي اللي كتخليه يبان لينا من الأرض بحال مكيتحركش.
4- بالنسبة القمر الإصطناعي محمد السادس فالعلو ديالو غير 660km و باش متغلبوش الجاذبية خاصو يدير بزاف ديال دورات على الكرة الأرضية في اليوم. و من جهة أخرى بما أنه مصيب للتصوير، فحاطينو فواحد المدار خاص اللي هو متزامن مع الشمس. معنيتها القمر مكيدخلش للضلام و في أي وقت يمكن ليه يصور.
5- مابين الخصائص ديال المدار المتزامن مع الشمس أن القمر الإصطناعي كيدوز قريب من القطبين الشمالي و الجنوبي باش ولو اذا كمل دورة كاملة على الأرض كيرجع لبلاصة مضوية بالشمس. دابا فهمتيو علاش القمر في القطب الشمالي و الجنوبي.
6- بالمقارنة مثلا المحطة الفضائية الدولية اللي العلو ديالها 400km و كتدير تقريبا 16 دورة على الأرض كل يوم أي دورة كل ساعة و نص، و عندها مدار عادي. معنيتها كيتقلب بين الليل و النهار كل 45 دقيقة.
7- المشكل اللي طرى للناس انها كتفرج في أفلام الجواسيس بزاف، و كيوريو لينا أنه يمكن لينا نحركو الأقمار الإصطناعية وقت ما بغينا بحال شي درون كتحكم فيها عن بعد. صعيب تحرك قمر اصطناعية من بعد مكتحطو في المدار ديالو.
جاري تحميل الاقتراحات...