رتبها

"سرقة الحجر الأسود"
تعرفوا ان فرقة مسلحة اسمهم "القرامطة" دخلوا الحرم المكي في موسم الحج وقاموا بذبح الحجاج وسرقوا أموالهم ومتاعهم وراحوا على الحجر الأسود ونزلوا عليه بالمطارق وأخذوه وهربوا وفضل الحرم بدون حجر أسود لمدة 22عام
خلونا نحكي قصة من أكثر قصص التاريخ دموية وبشاعة👇

2-علشان تفهم ايه اللي حصل وحصل ليه وبسرعة كده مين هم "القرامطة"؟
شوف يا سيدي: المسلمين في الوقت ده كانوا تحت راية خلافة "الدولة العباسية" اللي همه من نسل "العباس" عم النبي"لكن كان فيه جماعة اسمهم "العلويين أو الشيعة"غير مقتنعة بخلافتهم 👇

3-وبيقولوا إن سيدنا "علي بن ابي طالب" هو آخر خليفة للمسلمين وإن المفروض اي خلافة تأتي بعده تكون من نسله..
"العلويين–الشيعة" لحد الإمام "جعفر الصادق" كانوا كلهم مذهب واحد ولما مات انقسمت الفرق بين ولاده الإثنين:فرقة نادت بأحقية إبنه"إسماعيل"في الإمامة ودول اللي هييجي منهم القرامطة

4-وفرقة أيدت إبنه الثاني"موسى بن جعفر"ودول هم السواد الأعظم من الشيعة سابقاً وحالياً وأكيد أنت سمعت عنهم كتير وهم اللي معروفين تاريخياً وقتها بالدولة الفاطمية(عملنا سلسلة عنهم)
كده أصبح عندنا ثلاث قوى بتتصارع على أحقية الخلافة وهم:العباسيون(سُنّة) والفاطميون والإسماعليون(شيعة)👇

5-خلونا نركز في الإسماعليين اللي همه القرامطة علشان هم موضوعنا النهاردة: كان زعيم الإسماعليين في الوقت ده هو" حمدان الأشعث "واللي لقبوه ب "حمدان قرمط "وده لإنه كان قصير وليه مشية غريبة متقاربة الخطوات ودي لغويًا اسمها " قرمط"المهم ان "حمدان قرمط" انطلق في دعوته للمذهب الإسماعيلي

6-وبدأ يحط شعارات رنانة علشان يجذب الناس زي"المساواة والعدل"وكان بيستهدف الناس الناقمة ع الحكم العباسي وبدأت دعوته تكبر ويكبر صداها وبما إن الدين يسر مش عسر فقال نطريها على الناس وعمل تخفيض على فريضة الصوم وخلاها يومين بدل30وبالمرة الصلاة بدل ماهي خمسة فروض اصبحت فرضين(فجرومغرب)

7-وعلشان أصحاب المزاج من المريدين قالهم برضه الخمر حلال مفيش مشكلة ونجح السيد"قرمط"إنه في فترة صغيرة يبقى له اتباع ومريدين وسنة (299هـ911م) قالك لا أنا عاورز الدعوة تنتشر في العالم كله فراح باعث واحد اسمه "أبو سعيد الجنابي" وقال له أنت تاخد معاك كان جندي أشداء وتطلع على البحرين

8-وهناك هيكون مركز الدعوة زي ماهنشوف بعد كده،أبوسعيد لم يكذب خبرًا وانطلق بكل حماس يفتح القرى المحيطة بالبحرين وكان بيدخل أي قرية أو بلد يدعوهم للمذهب الإسماعيلي واللي كان بيرفض كان بيقتله ويغتصب مراته وبعدين يقتلها وياخد ولاده كعبيد ويمشي..😕👇

9-طيب فين الدولة العباسية من كل ده وهي المفروض حامي حماة المسلمين في الوقت ده؟
الدولة العباسية مركزها كان في العراق وفضلوا يتسهونوا بالقرامطة لإن في الوقت ده كانت الدولة العباسية مشغولة بحرب "الزنج"ودول الجماعة الأفارقة اللي استقدموهم للعراق كعبيد لكن لسوء المعاملة قرروا يثوروا👇

10-وحاربوا الدولة العباسية وكانت حروب حامية الوطيس لدرجة إنها استمرت 17عام استنفذت الدولة العباسية فيها ومواردها فمكنتش فاضية للقرامطة خاصة إنهم بيعتبروا جغرافيا بعيد عنهم (البحرين).
أول صدام مباشر كان لما العباسيين قرروا يرسلوا جيش "عرمرمّ"علشان يقضوا على دولة القرامطة👇

11-وكانت القرامطة صوتها عالي واشتدت شوكتها لكن النتيجة كانت هزيمة الجيش واسرّ 700 جندي من ضمنهم قائد الجيش العباسي بذات نفسه وراحوا كاتبين رسالة على زي القائد ده مفادها سيبولنا (البحرين –اليمن–البصرة) وإلا لن يسلم لكم جيش ولا ولاية ولا حكم.💪👇

12-سنة 914م مات "سعيد الجنابي" على يد أحد الخدم الخاص به ويقال إنه حاول " استغفر الله يعني"يراوده عن نفسه فقتله وتولي إبنه "طاهر الجنابي"الحكم وكان عنده 16سنة وقتها وهنا دولة القرامطة هتاخد منحنى ثاني خالص.
"أبو طاهر الجنابي" كان عنده هدف واحد وهو إنه يسلب الخلافة العباسية سطوتها

13-واقصر طريق لده هو إنه يستولي على مركز الخلافة في الكوفة ففضل يضغط بمناوشات واستفزازات للعباسيين وخليني بسرعة كده احكيلك محطات من جملة الإستفزازات دي علشان تبقى عارف ليه دول من أقذر وانجس الفرق اللي عرفها التاريخ 😬لحد مانوصل لحادثة الحرم
سنة(294 هـ-911 م) 👇

14-قافلة من الحجاج راجعين فرحين بأدائهم لفريضة الحج فخرج عليهم القرامطة وقاتلوهم بغرض السرقة لكن القوافل كان بيبقى معها حرس شديد فلم يستطيعوا هزيمتهم فراحوا قايلين لرئيس الحرس إحنا عاوزين فقط مندوب السلطان وهنسيبكم تمشوا في أمان وبالفعل عملوا نفسهم انصرفوا وباغتوا الحجاج من الخلف

15-وقتلوهم وسرقوا متاعهم وأخدوا النساء سبايا واللي تبقى من الحجاج ماتوا من العطش والجوع لإنهم هدموا إبار المياه بجثث القتلى في طريقهم😢.
سنة(923م -311هـ) لما العباسيين لم ينصاعوا لطلباتهم فقرروا يأخدوا جيش مكون من 1700جندي ويطلعوا على البصرة 👇

16-ولما وصل هناك خرج ليه جيش من العباسيين المنهكين فهزمهم القرامطة وبعدين دخلوا على المدنيين العزل واعملوا فيهم السيوف والخناجر فكانوا بيدخلوا البيت من ده يسرقوه ويقتلوا أي رجل فيه ويتناوبوا إغتصاب النساء وفضلوا ع الحال ده17يوم سرقة ونهم وقتل وأعمال من أسفل واقبح ما يكون..😕👇

17-بعد الحادثة دي كان فيه شبه إتفاقية سلام بين العباسيين والقرامطة مقابل تسهيلات ووعد بعدم المضايقة من العباسيين اللي كانوا خايفيين من وحشية " أبو طاهر" ضيف على كده زعر اللي كان منتشر في العالم كله من سيرته ووحشيته اللي حتى الحجيج لم يسلموا منه👇

18-لكن استغل القرامطة ضعف الدولة العباسية وتفككها لدويلات وانشغالها بحرب مع ثورة الزنوج،
المذبحة:
نييجي بقى لسنة(317هـ–929م )دخل
"أبو طاهر" وجنوده مكة في يوم التروية (قبل الوقفة بيوم) ومفيش حد قابلهم من أبواب المدينة إلا وقتلوه ومثّلوا بجثته، لحد ما وصلوا للحرم 👇

19-والمسلمين آنذاك بين مصلي وطائف بالبيت ومُتضرع لخالقهم وفوجئ الحجاج بجماعة بربرية يدخلون الحرم بخيولهم وبدؤا يقتلوا الحجاج العزل بأبشع الطرق..
سيوف وخناجر تطيح بالرؤوس وتُروع الأفئدة ومفيش حد فلت منهم يومهاوطلع المجرم " أبو طاهر القرمطي"وجلس عند باب الكعبة 👇

20-متكئًا على سيفه في مشهد جدير بأبالسة جهنم وهو يشاهد جنوده يقتلون الحجيج ﻭﻧﺎﺩﻯ ﻓﻲ ﺍﻟﺤﺠﻴﺞ ﻟﻤﻦ ﺍﻟﻤﻠﻚ ﺍﻟﻴﻮﻡ؟ﻓﻠﻢ ﻳﺠﺒﻪ ﺃﺣﺪ ﻓﻘﺎﻝ
" أنا بالله وبالله أنا.. يخلق الخلق وافنيهم أنا "كل ده والحجيج بين قتيل تسيل دمائهم الطاهرة على الأرض 👇

21-وبين مصاب يتضرع للجنود طمعًا في رحمة لا تُنال فوق كل ده نساء القرامطة كانوا بيطوفوا في الصحن معاهم قنية مياه واللي يطلب شربة ماء كانوا بيشيروا للجنود عليه إنه لسة حي فيجيوا يذبحوه.
ﻭﺗﻌﻠﻖ ﺑﺄﺳﺘﺎﺭ ﺍﻟﻜﻌﺒﺔ (1700)ﺭﺟﻞ ﻭﺍﻣﺮﺃﺓ 👇

22-ﻟﻌﻞ ﺃﺳﺘﺎﺭ ﺍﻟﻜﻌﺒﺔ ﺗﺸﻔﻊ ﻟﻬﻢ ﻋﻨﺪ ﺍﻟﻘﺮﺍﻣﻄﺔ ﻓﻨﺎﺩﻯ ﻗﺎﺋﺪ ﺍﻟﺸﻴﻌﺔ ﺍﺑﺪﺃﻭﺍ ﺑﻬﻢ ﻓﺎﺫﺑﺤﻮﻫﻢ ﻭﻛﺎﻥ ﻗﺎﺋﺪ ﺍﻟﻘﺮﺍﻣﻄﺔ ﻳﺴﻴﺮ ﻋﻠﻰ ﻓﺮﺳﻪ ﺑﻴﻦ ﺍﻟﺠﺜﺚ ﻭﻫﻮ ﻳﻀﺤﻚ ﻭﻳﺘﻠﻮ:(ﻹﻳﻼﻑ ﻗﺮﻳﺶ)👇

23-ﺣﺘﻰ ﻭﺻﻞ(ﻭﺁﻣﻨﻬﻢ ﻣﻦ ﺧﻮﻑ)
ﻓﻘﻬﻘﻪ ﻭﻗﺎﻝ(ﻣﺎ ﺁﻣﻨﻬﻢ ﻣﻦ ﺧﻮﻓﻨﺎ)ﻭﺃﻣﺮ ﻗﺎﺋﺪ ﺍﻟﻘﺮﺍﻣﻄﺔ ﺑﺨﻠﻊ ﻣﻴﺰﺍﺏ ﺍﻟﻜﻌﺒﺔ ﻓﺼﻌﺪ ﺭﺟﻞ ﻣﻦ ﺍﻟﺸﻴﻌﺔ ﻭﻟﻤﺎ ﻭﺻﻞ ﺍﻟﻤﻴﺰﺍﺏ ﺳﻘﻂ ﺍﻟﺮﺟﻞ ﻋﻠﻰ ﺭﺃﺳﻪ 👇

24-ﻓﺎﻧﻜﺴﺮﺕ ﺭﻗﺒﺘﻪ ﻓﻘﺎﻝ ﻗﺎﺋﺪﻫﻢ ﻻ ﻳﺼﻌﺪ ﻟﻪ ﺃﺣﺪﺍ ﻭﺃﻣﺮ ﻗﺎﺋﺪ ﺍﻟﺸﻴﻌﺔ ﺍﻟﻘﺮﺍﻣﻄﺔ ﺟﻴﺸﻪ ﺑﺨﻠﻊ ﺑﺎﺏ ﺍﻟﻜﻌﺒﺔ ﻭﻣﺰﻕ ﻛﺴﻮﺓ ﺍﻟﻜﻌﺒﺔ ﺇﺭﺑﺎ ﺇﺭﺑﺎ ومن فجر "أبو طاهر" أمرهم يخلعوا باب الكعبة ومكتفاش بكده؛ 👇

25-ده أمر أشقى القوم انه يستلّ مطرقة عظيمة وانهال بيها على الحجر الأسود لحد ما خلعه ومع كل ضربة كان بيقول
"أين الطير الأبابيل؟ أين الحجارة من سجيل..؟
وحاولوا يشيلوا "مقام إبراهيم" لكن الناس نجحت في تهريبه وإخفاؤه..
من كثرة الجثث والدماء والأشلاء قرروا يدفنوهم في صحن الحرم 👇

26-مش من باب إكرام الميت لأ.. ده علشان الخيول مكنتش عارفة تتحرك من الجثث وما تبقى من الجثث قاموا بإلقائها في بئر زمزم..ﺣﺘﻰ ﺍﻣﺘﻸﺕ ﺍﻟﺒﺌﺮ ﺑﺎﻟﺠﺜﺚ وﺻﺎﺭﺕ ﺍﻟﺠﺜﺚ ﺟﺒﻼ ﺿﺨﻤﺎ .
المؤرخين بيقولوا إنهم قتلوا على مدار ستة أيام 30 ألف حاج 👇

27-وفي الآخر خدوا الحجر الأسود وما تبقى من أستار الكعبة ﻭﻧﻬﺒﻮﺍ ﻣﻨﻬﺎ ﻛﻨﻮﺯﺍ ﻋﻈﻴﻤﺔ ﻛﺎﻥ ﺍﻟﻤﻠﻮﻙ ﻳﻬﺪﻭﻧﻬﺎ ﻟﻠﻜﻌﺒﺔﺍﻟﻤﺸﺮﻓﺔ وراحوا على مدينة القطيف في السعودية وبني كعبة هناك وفي 318 هـ تقريبا سنّ الحج إلى الجيش بالقطيف 👇

28-بعدما وضع الحجر الأسود في بيت كبير وأمر القرامطة سكان منطقة القطيف بالحج إلى ذلك المكان ليها واللي رفض قام بإبادتهم جميعًا..
وفضل الحجر هناك 22 سنة يطوف الناس حول الكعبة ولا يجدون الحجر الأسود
طيب الحجر الأسود رجع ازاي؟
👇

29-بالرغم من الإغراءات المادية من جميع العالم الإسلامي وقتها إلا إن المجرم أصر إنه يحتفظ به ولم ينصاع إلا لما الدولة الفاطمية(اللي همه شيعة برضه) بقيادة الخليفة العزيز بالله الفاطمي في مصر هدد أن يسير لهم جيشاً إلي الإحساء ليعيده فخافوا علي ملكهم وأعادوه لمكة سنة 339 هـ .

30-انتهت دولة القرامطة ازاي؟
كان القرامطة يعتمدون علي الدولة البويهية الشيعية ولكن إنتصار السلاجقة السنيين وقضائهم علي الدولة البويهية كان إذاناً بزوال دولة القرامطة في شبه الجزيرة فقد أعد السلاجقة جيشاً كبيراً هاجموا به دولة القرامطة في البحرين والإحساء عام 1078م/470 هـ 👇

31-وهزموهم هزيمة قاسية في معركة الخندق في الإحساء وأنهوا وجودهم هناك.
ولم يتبق من القرامطة إلا فلول صغيرة اشتغلت بقطع الطريق والإغارة علي مصر فتصدي لهم صلاح الدين الأيوبي حتي أفل نجمهم نهائياً.
اتمنى إنك تكون خدت فكرة على الفترة الحرجة دي من تاريخ المسلمين والبشرية جميعاً 👇

32-واحدة من أشرس وأقذر الجماعات عرفتها البشرية "القرامطة"
المصادر:الكامل في التاريخ-ابن الأثير-الفرق والجماعات الدينية في الوطن العربي د:سعيد مراد
[البداية ﻭالنهاية ﻟﻠﺸﻴﺦ ﺍﺑﻦ ﻛﺜﻴﺮ ﺍﻟﻤﺠﻠﺪ ﺭﻗﻢ15-ﺻﻔﺤﺔ:37 ﺍﻟﻘﺮﺍﻣﻄﺔ ﻭﺳﺮﻗﺔ ﺍﻟﺤﺠﺮ ﺍﻷﺳﻮﺩ]

@Rattibha

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة