#عراقي_انا الشرف و العهد والذمة ؛ عراقي انا وعلي مفصله القمة ؛ الوكت خالاه علي يتبختر العاگول وانا الورد چنت استنكف اشتمه ؛ چنت دكان انا و الدول اطفال ؛ وعلي كلها شلع يمي ملتمه ؛ من تغيب الشمس اطلع چنت عالناس ؛ اللچان بيه رجيف يجي يمي يتحمى ؛ حصراً بالصلاة جنت ادنگ الراس ؛1️⃣
اذا بالگاع اشوف الذهب مالمه ؛ انا ابن الاربعة الخلفوا رسول الله وانا ابن اثناعش معصوم واليمه ؛ انا جيت بوكت كل الدول كسرات و چنت فوكاهن انه الفتحه والضمه ؛ انه راس السطر و المضمون كبل المبتداء و الخبر تلگاني السطر ؛ چانوا بالاشاير كبل يفهمون وتعلموا عالسوالف من حجي اللساني ؛2️⃣
انا الموجود بأول صفحة بالتاريخ وآخر صفحة بتاريخ هي أني ؛ هذوله من شوگت صارو دول واسماء اكبرهم ترة دگمه بارداني ؛ على گاعي اندفن نص انبياء الله مو ياهو اليحي يفوت گيعاني ؛3️⃣
يذبن نعاله بره وحافي يدخل كون ؛ وگبل ميفوت لازم يدگ بيباني ؛ انا المالك الشرعي و بأسمي هاي الگاع ؛ ( ان غداً لناظره لقريب ) يجي يوم وارد واسترد گيعاني ( ان شاء الله قريب )
جاري تحميل الاقتراحات...