بمناسبه غرق اسكندرية، محاضرتي لطلاب الماجستير إمبارح كانت عن خليج كانوب أو ما يعرف بخليج أبو قير حديثاً، والأسباب التي أدت لغرق مدينتي كانوب و ثونيس-هراكليون في وقت ما خلال القرن ٨ الميلادي...
ثريد جديد... 👇🏻👇🏻👇🏻
ثريد جديد... 👇🏻👇🏻👇🏻
اللي درس أو قرأ في الجولوجيا حيعرف إن منطقة الدلتا دي من أكتر المناطق ديناميكية في مصر، واللي بتتغير كتير على مدار الزمن، وده بسببين: الإطماء والترسيب الناتج عن فيضان النيل، والنحر والتكسير الناتج عن تيارات البحر المتوسط
وده السبب اللي خلى إن دلتا النيل يتغير شكلها بين مصر القديمة ووقتنا الحالي، زمان الدلتا كان ليها 7 فروع رئيسية وشوية ثانويين، وأما الآن بقى عندنا فرعين بس.
كان للغرب من فرع رشيد فيه فرع تاني بيصب على خليج أبو قير اسمه الفرع الكانوبي، وده كان المدخل الرئيسي لمصر القديمة من المتوسط
كان للغرب من فرع رشيد فيه فرع تاني بيصب على خليج أبو قير اسمه الفرع الكانوبي، وده كان المدخل الرئيسي لمصر القديمة من المتوسط
الفرع الكانوبي كان عليه مدينتين ثونيس-هيراكليون وكانوبوس، ودول كانوا الميناء التجاري المصري على البحر المتوسط قبل بناء الإسكندرية في عصر البطالمة...
ومينائين كانوبوس وهيراكليون كانوا الأساس في لم الضرائب وده اللي عرفناه من لوحه نختانبو الأول المعروفة بلوحة نقراطيس...
ومينائين كانوبوس وهيراكليون كانوا الأساس في لم الضرائب وده اللي عرفناه من لوحه نختانبو الأول المعروفة بلوحة نقراطيس...
أول حد عملنا خريطة دقيقة عن آثار المدينتين دول كان الأمير عمر طوسون، أمير الأسكندرية، وده في عام 1933
الغطاس اللي بعته الأمير عمر طوسون تحت المية في خليج أبو قير قدر يطلع رأس رخامي للاسكندر الأكبر، وبقايا ناووس من البازلت...
بعد كده تروح السنين، ويجي كامل أبو السعدات في 1983 ويشتغل مع الفريق الفرنسي المهتم بتتبع بقايا اسطول نابليون الغارق برضه في خليج أبوقير إثر المعركة الشهيرة المعروفة باسم معركة النيل البحرية بين إنجلترا وفرنسا، واللي فاز فيها نيلسون والبحرية البريطاني في 1798...
البعثة بتتوقف عن شغلها في الثمانينات، وبعدين تيجي بعثة تانية تحت قيادة فرانك جوديو في 1999 وتشتغل على انتشال بقايا حطام سفينة القيادة الفرنسية (أورينت)...
وخلال السنين التالية قام الفريق الفرنسي بالتعاون مع ادارة الآثار الغارقة في الاسكندرية بدراسة وانتشال العديد من اللقى الأثرية الخاصة بالأسطول الفرنسي الغارق...
نرجع بقى للمدينتين القديمتين، الفريق الفرنسي/المصري قام بعمل مسح جيوفيزيقي للخليج بالكامل باستخدام اجهزة الاستشعار عن بعد لمحاولة دراسة خليج كانوبوس وتحديد مكان مصب الفرع الكانوبي للنيل...
وبالفعل، اثبتت الدراسات الحديثة إن خريطة الأمير عمر طوسون اللي رسمها 1933 دقيقة إلى حد كبير ومطابقة للواقع، وبالفعل تم العثور على بقايا المدينتين تحت الماء...
وبدأت البعثة شغلها في انتشال مجموعة التماثيل الضخمة اللي كانت بتزين معابد المدينتين في وقت من الأوقات لما كانت المدينتين في أوج نشاطهم في عصر الدولة الحديثة...
التمثالين الكبار دول رجعوا لمصر بعد ما كانوا بيلفوا العالم في معرض يضم عدد من الآثار المنتشلة من خليج أبو قير، وحيتم عرضهم في المتحف المصري الكبير...
ومش بس تم العثور على تماثيل وبقايا مباني، لأ، ده كمان تم العثور على أكبر مجموعة من المخاطيف البحرية والسفن الخشبية في العالم كله، تم العثور على آلاف من المخاطيف وعدد 74 سفينة خشبية مصرية...
طيب، عكس ما اسكندرية الحديثة بتغرق في شبر مية بسبب الشتا، مدينتي كانوب وهيراكليون غرقوا لأسباب أخرى...
أول سبب الارتفاع النسبي لمستوى سطح البحر اللي بيقدر ب 1.7مللي في السنة، والأرض الطينية اللي اتبنت عليها المدينتين حصلها تمييع liquefaction على مدار قرون أدى في النهاية للغرق.
أول سبب الارتفاع النسبي لمستوى سطح البحر اللي بيقدر ب 1.7مللي في السنة، والأرض الطينية اللي اتبنت عليها المدينتين حصلها تمييع liquefaction على مدار قرون أدى في النهاية للغرق.
وفي النهاية، المدينتين اختفوا تماماً من على وش الأرض ومعاهم الفرع الكانوبي للنيل بعد ما استمروا في الحياه من القرن السادس قبل الميلاد، وحتى الثامن الميلادي...
ودي صورة تخيلية لمدينة هيراكليون مبنية على اللقى والإكتشافات الأثرية...
تم!
ودي صورة تخيلية لمدينة هيراكليون مبنية على اللقى والإكتشافات الأثرية...
تم!
جاري تحميل الاقتراحات...