عشان محد يضحك عليك ..
ويقولك استثمر معانا .. وهو نصاب 😣
لازم تعرف ايش يعني: "شركات مالية مرخصة"
مهم جدا .. انزل تحت 👇🏻
#الاستثمار_للجميع
ويقولك استثمر معانا .. وهو نصاب 😣
لازم تعرف ايش يعني: "شركات مالية مرخصة"
مهم جدا .. انزل تحت 👇🏻
#الاستثمار_للجميع
موضوعنا اليوم مهم جدا .. للأسف كثير مننا أنضحك عليه في إعلانات عن فرص استثمارية .. وتطلع في الاخر كلها نصب واحتيال ! .. طيب اش نسوي ؟! 😩
أول شي .. الله يعوض أي أحد خسر فلوسه .. ما في أحد يتمنى الخسارة لا لنفسه ولا لغيره .. عديها .. أهم شي تكون تعلمت وما تغلط نفس الغلط مرة ثانية 😬
ثاني شي .. نحتاج نفرق بين حاجتين : الخسارة بسبب النصب وخسارة الاستثمار نفسه .. مافي مقارنة بين الاثنين 😅 .. الخسارة الثانية ممكن تحصل في اي نوع من انواع الاستثمار .. وتحتاج معرفة وخبرة مالية عشان تقلل منها .. لكن النوع الأول هو اللي بأتكلم عليه اليوم
مع تطور حياة الناس .. صار عندنا جهات مسؤولة عن تنظيم أي مجال .. وزارة التجارة مثلا تنظم التجارة وكل شي يتعلق بيها .. وزارة الصحة عن الصحة والمستشفيات وزي كدا .. حلو ؟! 😁
طيب لمن نتكلم عن الاستثمار .. مين الجهة المسؤولة عن تنظيم دا الموضوع ؟! .. المسؤول عن تنظيم دا الشي هي هيئات سوق المال .. مثل هيئة السوق المالية عندنا في السعودية @SaudiCMA .. ممتاز ؟! 😎
طيب هذا الشي اش معناه ؟! .. معناه انو أي شركة تبغا تقدم خدمة لها علاقة بسوق المال .. لازم تاخد ترخيص من هيئة سوق المال .. والهيئة بطبيعة الحال .. حتشرف وتراقب دي الجهة .. وتتأكد من إنو كل شي ماشي تمام 🤩
كدا احنا عرفنا ايش يعني "مرخصة" .. بس ما فهمنا إيش يعني "شركة مالية" 😅 .. الشركات المالية لها 5 نشاطات رئيسية في تعاملها مع الأوراق المالية : تعامل، إدارة، ترتيب، مشورة، حفظ
لا تتلخبط .. ما يهمك الموضوع دا كله .. لكن بس نبغا نفهم حاجتين منهم .. التعامل والإدارة .. التعامل : اذا الشركة دي عندها ترخيص تعامل مع الأوراق المالية .. يعني تقدر عن طريقهم تشتري وتبيع الأوراق المالية 📃
اليوم مثلا لو تبغا تشتري سهم في شركة في سوق الأسهم .. إنت ما حتقدر تشتريه إلا عن طريق شركة مالية مرخصة .. حيكون عندك حساب استثماري عندهم .. وتدخل عليه وتشتري وتبيع 💹
الشي الثاني اللي يهمنا .. خدمة الإدارة .. مثل إدارة الصناديق الاستثمارية أو إدارة المحافظ الاستثمارية .. يعني ما تقدر أي شركة تسوي صندوق استثماري إلا تاخد ترخيص من هيئة سوق المال 😉
طيب انا اش استفيد يعني ؟! .. انت دحين عرفت انو ما حتقدر تشتري وتبيع اسهم .. او تدخل صندوق استثماري معين .. الا عن طريق شركة مالية مرخصة من هيئة سوق المال .. معناها أي شركة مو مرخصة لازم تشك فيها على طول 😃
طيب اذا شفت صندوق مثلا .. كيف أعرف انو الشركة اللي مسوية الصندوق دا مرخصة ولا مو مرخصة ؟! .. هيئة سوق المال يعطيهم العافية حطوا كل الشركات دي في قائمة على موقعهم .. تقدر تشوف كل الشركات اللي عندهم ترخيص رسمي منهم .. شوف الرابط 👇🏻
cma.org.sa
cma.org.sa
اظن كدا انت فهمت خلاص ايش يعني شركات مالية مرخصة .. كدا عيب عليك دحين اذا شفت اعلان لشركة وهمية انك تدخل معاهم 😅
في نقطة لازم اوضحها .. هل لو انا دخلت استثمار مع شركة مالية مرخصة .. حأضمن الربح ؟! .. لأ طبعا ما لها علاقة .. انت ممكن تخسر لانه استثمار في الاخر .. وهنا انا اقولك تحتاج تزيد معرفتك المالية عشان تفهم في السوق اكثر 😌
مثلا لو دخلت صندوق اسهم تابع لشركة مالية معينة .. لكن سوق الاسهم لسبب معين طاح .. انت اكيد هنا حتخسر لانو الشركات المالية كانت مجرد وسيلة لادارة استثمارك في سوق الاسهم .. مهي جهة ضامنة 🙂
نقطة أخيرة .. هل أي استثمار خارج دي الشركات يعتبر نصب ؟! .. مو شرط .. لو فتحت نشاط تجاري واستثمرت بفلوسك فيه .. او مثلا استثمرت فلوسك في مشروع ولد عمك .. انت هنا ما احتجت لشركة مالية .. لانو الموضوع بينك وبينه .. لكن لا تنسى حجم المخاطرة العالية جدا في دي الطريقة .. موفقين 🙏🏻
جاري تحميل الاقتراحات...