لو خليت فلوسي كاش في البنك .. مو أحسن من إني أستثمرها ويمكن أخسر ؟!
أنا آسف .. لأ مو أحسن .. انت فعليا قاعد تخسر 😟
ليش ؟! .. عشان التضخم !! ايش يعني تضخم ؟!
دا موضوع اليوم .. مهم جدا .. تابع معايا 👇🏻
#الاستثمار_للجميع
أنا آسف .. لأ مو أحسن .. انت فعليا قاعد تخسر 😟
ليش ؟! .. عشان التضخم !! ايش يعني تضخم ؟!
دا موضوع اليوم .. مهم جدا .. تابع معايا 👇🏻
#الاستثمار_للجميع
لحد يخاف .. موضعنا اليوم اقتصادي شوية .. لكن يمكن لو تبغا تحوش فلوسك أو تستثمرها مو مرة مهم تفهم ليش التضخم بيصير .. المهم تعمل حسابك من ضرره .. 😬
فاكرين حليب المراعي وصحن البيك قبل 5 سنين كم كان سعرهم ؟! .. أرخص صح ؟! .. طيب ايش صار ؟! .. هل مجرد انهم يبغو يربحوا اكتر ؟! 😅 .. احتمال ايوة .. لكن احتمال اشياء تانية كثير تكون السبب ومالهم علاقة بيها
التضخم .. معناه زيادة اسعار كل المنتجات .. مو بس حليب المراعي .. ولا بس منتجات المراعي كلها .. ولا حتى بس منتجات الألبان .. كل السوق زادت أسعار الأشياء فيه !! طيب ليش كدا صار ؟! 🤔
في أسباب كثير تسوي دا الشي وممكن اكثر من سبب واحد في نفس اللحظة .. لكن على الأقل فكر انو تكلفة المواد اللي كانو يشتروها الشركات عشان ينتجوا منتجاتهم زادت كمان .. بالتالي يضطروا يزيدوا الأسعار عشان يعوضوا ! 😔
أسباب التضخم كثيرة وكل شي يأثر على الثاني 🥴
ما ابغا اصدعك بالموضوع .. لو تحب تعرف أكثر عن أسباب التضخم .. شوف الرابط 👇🏻
argaam.com
ما ابغا اصدعك بالموضوع .. لو تحب تعرف أكثر عن أسباب التضخم .. شوف الرابط 👇🏻
argaam.com
طيب نرجع خطوة شوية .. احنا اش دخلنا في الموضوع دا اصلا ؟! .. هنا المهم .. دحين لو كان عندك 10 ريال .. وتبغا تشتري بيها دجاجة ب10 ريال .. حتروح السوق وتشتريها .. بالعافية عليك 😁
لكن لو خليت ال 10 ريال حقتك في حسابك في البنك لمدة سنة .. وصار تضخم في السوق .. جيت تشتري نفس الدجاجة .. ولقيتها ب 11 ريال .. حتقدر تشتريها ؟! 😢
اش معنى دا الكلام ؟! .. فعليا كأنك خسرت ريال اللي المفروض يكون عندك عشان تشتري الدجاجة نفسها اللي كانت ب 10 ريال وصارت ب 11 ! 😣
يعني لو استثمرتها .. كدا انحلت المشكلة ؟! .. عشان نجاوب دا السؤال نحتاج نعرف كم نسبة التضخم اللي صارت في السوق خلال الفترة اللي راحت .. مؤسسة النقد يعطيهم العافية ينزلولنا الشي دا في موقعهم كل 3 شهور 👇🏻
sama.gov.sa
sama.gov.sa
طيب خلينا نفهم اكتر وناخد مثال .. لو انا حطيت ال 10 ريال حقتي بداية 2019 في استثمار .. ورجعتلي اخر السنة 10.5 ريال (عائد 5%) .. وصار تضخم في الأسعار 5% في 2019 نفسها .. صح انو الكاش حيكون عندي 10.5 .. لكن فعليا كأنو اللي عندي صار 10 (يعني عائد فعلي 0%) !! 😬
خوفتنا دحين ايش نسوي يعني ؟! .. الموضع خطير ايوة .. عشان كدا لازم تعمل حسابه .. معدلات التضخم الطبيعية عادة 1-3% في السنة .. لو دخلت استثمار العائد منه في دي الحدود (زي المرابحة) .. حتكون عالاقل حفظت فلوسك بطريقة مرتبة 😅
طبعا اذا تبغا تنميها وتزيدها .. دور استثمار غيره يجيب عوائد أعلى أكيد .. لكن انا بتكلم لو انك ما تبغا تدخل مخاطرة وخايف تخسر فلوسك .. وتبغا تحفظها بس بطريقة ما تقل قيمتها .. موفقين 🙏🏻
جاري تحميل الاقتراحات...