رتبها

بالبداية راح اتكلم عن نظرية تأثير مانديلا او البعض يسميها الذاكرة الخاطئة اشتق اسم هذي النظرية من المؤثر والشخصية المهمة في جنوب افريقيا نيلسون مانديلا خلونا نتكلم عن النظريه ونتعمق شوي شوي ، سوولكم قهوة او جاي موضوعنا طويل تقريباً

النظرية تقول ان ملايين البشر يفكرون ويعتقدون ويتفقون بأشياء عمرها ماصارت وغلط معتقدهم ويصرون على اعتقادهم ولكن بالنهاية خانتهم الذاكرة وفي امثله كثيره على هالشي واحد من هالامثلة فيديو اغتيال جون كينيدي كان في ٤ اشخاص بالسيارة الي اغتال فيها وملايين البشر يعتقدون هالشي ومصرين،

لكن بالحقيقة اثناء الاغتيال كانوا يتواجدون ٦ اشخاص بالسيارة مو٤ الي اهم جون كينيدي ومرته و الحارس الشخصي له والسواق وحاكم ولاية تكساس و مرته ، انزين شلون ممكن من ظاهرة تخدع ملاييين من البشر كلهم يتوهمون بنفس الغلط وبنفس التفاصيل وعلى نفس الشي الموضوع بيصير غريب اكثر اذا قريت سبب

النظرية ، تسمية النظرية: عام ٢٠١٠ طلع تريند بأسم مانديلا وملايين مو مصدقين ان مانديلا عايش في سنة ٢٠١٠ ،بعدها طلعت خبيرة بعلم الخوارق اسمها Fiona Broome اهيا الي سمت هذي النظرية بأسم تأثير مانديلا وسوت موقع يجمع الناس الي يعتقدون بأشياء موصحيحه عشان تسوي اكبر فهرس حق هذي النظرية

العلماء فسروا كذا تفسير اولاً سموها الذاكرة الخاطئة قالوا سببها متلازمه عقلية معينه اختصارها FMS لكن ماكانت مقنعة لانها بتفترض ان نفس الذاكرة الخاطئة الي تصير من ملايين من الناس غير مرتبطين لا حضارياً ولا ثقافياً ومافي بينهم اي تواصل وهذا الشي مستحيل علمياً .

التفسير الثاني الغريب والمرعب ، واهوا ربط الي صاير عندنا مع العوالم المتوازية والواقع المختلف بالضبط نفس مسلسل Dark وفي مختبر CERN التصادمي على حدود سويسرا يسون فيه تجارب باختصار على تسريع الجسيمات الذرية الاولية مثل البروتنات والالكترونات واطلاقها بسرعه قريبه لسرعة الضوء

وعمل تصادمات بينها وبين بعض عشان تحلل لمركباتها الاولية او لجسيمات ذرية اصغر ، بلشوا بهالمختبر سنة ٢٠٠٨ وبدوا يسوون التصادمات والانفجارات بين الجسيمات الذرية وبعدها بسنة ٢٠١٠ انتشرت ظاهرة او نظرية مانديلا علماء الفيزيا يقولون بسبب قوة الانفجارات في المختبر CERN ادى لفجوات او

تداخلات بين عالمنا والعوالم الموازية وبسبب ذكريات العالم الموازي تداخلت مع ذكريات عالمنا وغيرت ذكريات الناس المرعب بالموضوع انه مقبول علمياً عشان نظرية العوالم المتوازية ونظريات اخرى ، مثل نظرية superstring theory الي تقول الكون متكون من ١١ بُعد وان البُعد الخامس فيه كل الخطوط

الزمنية للعوالم المتوازية الي نفس الارض الي احنا عايشين فيها بس فيها متغيرات بالاحداث لا نهائية يعني يمكن بارض متوازية لنا ان المانيا فازت الحرب العالمية الثانية ويمكن بارض ثالثه تكون انتهت بكارثة ، وفي نظرية ثالثه تقول ان الي قاعد يصير بسبب ناس في المستقبل مالنا اكتشفوا الة