من تردّا في ابن عمه ترى ما منه فود
كيف ضيّع راس ماله ويبغي فايده
-
لا بغيت تمكّن العود بعيون الحسود
خل زلات ابن عمك وذب الكايده
-
لا تعوّد للسوالف مسامير الكبود
السنافي عزّت النفس من عوايده
-
والمراجل كايدة مثل طلعات السنود
كنها اللي في عروف الجبل متعايده

خلها ولها جمال تراكى للشدود
ترتكي بعزومها للحمول الزايده
-
ون بغيت الرأي لا تقتني رأي معقود
ون صفا لك سيد القوم ولا سايده
-
وطلب اللي مد جوده يغطي كل جود
مايجي لك كود شي وربي رايده
-
ون عطاك الله في المد من كف معبود
الفقير يموت ماتنفعه رفايده

ولتمس للزين مانت للشين محدود
ومن حرمك الله منه فلتانا بصايده
-
ونتبه للعلم ياللي تمدح بالجدود
النمر و الذيب عشاه من صوايده
-
ونت يارجل وان صار جدانك فهود
مس حبل البيت لا ترتخي عمايده
-
ان تراخى طاح ماعاد ينهضه العمود
مثل من سوى عياده ولا احدٍ عايده

ون بغيت المسير على بيتك يرود
لا تنطح نقشة الباب للي رايده
-
افتح البيبان والضيف ماعنه صدود
قولة ارحب المسيرون احلى مايده
-
ون نواك الجود فلا تماطل بالوعود
خل من بينك وبين الملام محايده
-
سامحوني ون حصل في الشعر نقص وزود
الصحافي انتقد في بعض جرايده

وتعذر منك ياشوق واقفة النهود
لو بشبهها من الريم قلت القايده
-
رشحوها في الاسامي وسموها العنود
كل ما بكر الوسمي رعت قلايده
-
لا وحت بالصيد مقطع حثاث من نفود
صاغها الرماي واقفت على شرايده
-
عود القناص من عقب وثمان الحيود
كان يبغي صيدها مادرو انها كايده
الشاعر /ذيب بن دخيل الحبابي