جريمة مرعبة في مصر تفاصيلها مفتوحة حاليا تحت اسم سفاح الجيزة، الغريب إن طريقة تخلصه من جرايمه محدش عملها قبل كده غير اتنين بس وده كان سبب شهرتهم المطلقة هما ريا وسكينة، وبقى عندنا قذافي سفاح الجيزة
قذافي من بولاق الدكرور.. قذافي من كذا سنة كان خاطب واحدة .. وبعدين بشكل ما وقع في علاقة غرامية مع اختها .. ولما هددت تفضحه قام قتل الاخت دي .. ودفنها في شقة مقابلة لشقة الزوجية، واقنع اهلها إن هربت لدبي مع واحد عشان تشتغل ممثلة إعلانات وبلاش بلاغات لتفضحوا نفسكم.
وبعدين قدر يقنع صديق طفولته رضا اللي شغال مهندس واللي مسافر في الخليج أنه يعمله توكيل عام علشان يدور له فلوسه في مصر في سلسلة مكتبات، ولما المهندس رضا رجع مصر اكتشف أن قذافي بيسرقه وطالبه بفلوسه، فعزمه في البيت عنده واداله مشروب فيه سم
حفرله في أرضية الشقة ودفنه وغطى عليه وبعت رسالة من تليفونه لمراته الحقوني أنا اتقبض عليا من جهة غير معلومة ومش عارف رايح فين... وطلع بعدها يدور مع أخوات رضا على اخوهم المختفي عشان يبعد الشبهات عنه.
وواضح أنه مراته اخدت بالها من جريمته وجثة صاحبه المدفونة في شقتهم
وواضح أنه مراته اخدت بالها من جريمته وجثة صاحبه المدفونة في شقتهم
فهددته هي كمان وطلبت منه 250 ألف جنيه اخدتهم ولما طلبت تاني حطلها سم في الأكل هي كمان ودفنها جنب جثة صاحبه وأهلها بلغوا عنه ومقدروش يثبتوا عليه حاجة لعدم كفاية الأدلة وعدم العثور على جثة ...بعدها قالك أنا مليش اكل عيش في بولاق الدكرور ولا الجيزة كلها أنا رايح إسكندرية.
كان غير أسمه وانتحل اسم صاحبه رضا وباع لنفسه كل حاجة وصفي فلوسه وهرب وده اللي نبه أخوات رضا الحقيقي بأنه هو اللي كان ورا اختفاء اخوهم من الأول وفضلوا يدوروا عليه لمدة خمس سنين كاملين لحد ما لقيوه في إسكندرية بالصدفة البحتة من كام يوم عشان تبدأ جرايمه دي كلها في الظهور.
فتح سلسلة محلات وهناك اتعرف علي واحدة كانت بتشتغل عنده في محل أدوات كهربائية ووعدها بالزواج ونصب عليها في 45 ألف جنيه تمن بيع شقتها ولما طلبته يرجعهم او يتجوزها
قالها أنتي هتجيني المخزن عشان اديكي بفلوسك بضاعة.. انتهي بيها الحال جثته مدفونة في المخزن بهدومها
قالها أنتي هتجيني المخزن عشان اديكي بفلوسك بضاعة.. انتهي بيها الحال جثته مدفونة في المخزن بهدومها
بعدها اتجوز دكتورة صيدلانية اكتشفت جوازه من وحده تانية باسم تاني ظهرت الخلافات معرفش يقتلها نجح في سرقتها وسرق من أبوها حوالي مليون جنيه ومصوغات دهبية واتمسك لما راح يبيعهم لجواهرجي من حظه كان صديق والد مراته ويعرف الدهب ده كويس.
ودي الجريمة الوحيدة اللي اتقبض عليه فيها واتحكم عليه فعلا بسنة واحدة وكان هيقضيها ويطلع عادي
لكن اخوات رضا كانوا لسة بيدوروا علي اخوهم عشان محامي تبعهم يقولهم فيه متهم له نفس أسم اخوهم بالظبط مسجون في إسكندرية راحوا هناك لقيوه القذافي منتحل صفة اخوهم
لكن اخوات رضا كانوا لسة بيدوروا علي اخوهم عشان محامي تبعهم يقولهم فيه متهم له نفس أسم اخوهم بالظبط مسجون في إسكندرية راحوا هناك لقيوه القذافي منتحل صفة اخوهم
وبلغوا المسئولين عشان يضغطوا عليه فاعترف باللي عمله في اخوهم وفي مراته المختفية وبشوية ضغط اعترف على أخت خطيبته والبنت بتاعة إسكندرية وانه أتجوز 7 مرات بالاسم المزيف ومخلف من واحدة فيهم واخر جوازة كانت الصيدلانية.
دي اول مرة أصادف جريمة لشخص يدفن الضحية في المكان اللي بياكل ويشرب وينام فيه غير ريا وسكينة، اللي واضح إن روحهم بتهفهف علينا لسه بعد ١٠٠ سنة كاملة.
جاري تحميل الاقتراحات...