رتبها

- شعورك ايه لما تبقي كل ثروتك( سالب ) 300 الف دولار و بعد 25 سنة تبقي اغني رجل علي الارض بثروة تتعدي ال190 مليار دولار ؟
- احب أعرفك بي #جيف_بيزوس مالك شركة امازون
في العادي مش بحب اتكلم عن الاقتصاد لكن تجربة #امازون حالة خاصة
يتبع👇👇

أمازون مش مجرد شركة قيمتها السوقية تتخطي الترليون و نص دولار و تحقق مبيعات 280.5 مليار دولار
و لو مش متخيل الرقم فده تقريباً إجمالي مبيهات الهواتف الذكية السنادي حوالي 295 مليار دولار يعني شركة واحدة بتحقق مبيعات بحجم سوق الهواتف الذكية بشركاته كلها .. انتا متخيل ؟👇

الا ان كل ده مش هو سر امازون ممكن نقول أنها مجرد شركة زي ابل مثلا بس علي كبير شوية ، إنما اللي يجعل امازون حالة فريدة في علم الاقتصاد هي نسب ارباحها مقارنة بيمبيعاتها لا تذكر حوالي 11.5 مليار دولار و الأرباح و متحققتش غير في اخر 4 سنين بس يعني طول 21 سنة الشركة كانت بتخسر 👇

السؤال هنا ازاي الشركة ديه كملت لحد النهاردة و موقعتش خلال أزمات مالية كتير زي فقاعة الدوت كوم و أزمة 2008 و نهايتاً بأزمة كورونا بل أصبحت قوة اقتصادية ضخمة .
الحكاية تبتدئ مع جيف بيزوس خريج هندسة الكهرباء و الحاسبات المجتهد ، نقل من شركة لشركة لحد ما وصل لشركة دي شو اندكو 👇

المختصة بالبنوك و الاستثمار ، ايوة طب ده ايه علاقته بالبنوك ده شاب IT روش كدة الا ان الشركة ديه كانت بتستثمر في تطوير أنظمة برمجية للأسواق المالية و ده هو مجال جيف
عمك جيف كان شاب متكتك شاب مجتهد و قدر يوصل لنائب الرئيس التنفيذي و ده كان اصغر شخص يحصل علي المكانة ديه في سنه ده👇

الدنيا تمام مع جيف شاب صغير معاه عربية و بيت و مرتب جامد جدا حاجة محدش يحلم بيها ، الا ان عمك جيف رجع بالكرسي لورا و قال زي دكتور عمر شحاتة مرتب و عربية و وظيفة حلوة .. ماذا بعد ؟ و قرر ياخد خطوة انتا
ممكن تذكر والدته بلفظ مش لطيف عليها و قدم استقالته 👇

خطوة تعجب منها مديريه وانتا نفسك تعجبت الا ان جيف ساب كل ده وراه و راح يعمل عظمة و اخذ الريسك .
قبل ما تسيب شغلك و تطلع تفتح مشروعك الخاص تعالا اقولك هو عمل كدة ليه اصل مين العبيط اللي يسيب فرصة زي ديه عشان يجري ورا مجهول ؟
الحقيقة أن ده مكانش مجهول بالعكس 👇

الفترة ديه في أواخر التسعينات بدأت ارقام نمو الانترنت تزيد بشكل مرعب نسب نمو وصلت ل2300% الرقم اللي جنن جيف بيزوس و خلي فكرة عمل شريكة للبيع علي الانترنت فكرة مربحة جداً الا أن مديريه في الشركة رفضوا فقرر يعملها بنفسه و بدا في خطوة بيع الكتب علي الانترنت 👇

الوقت ده كان بيقام معرض كبير للكتب في امريكا وراح عمو جيف بورق و قلم يلم داتا عن الناس و ازواقعم و ركز في النقطة ديه ، أنا لو هقولك كلمة واحدة توصف نجاح امازون و قوتها هي ال Data base و هشرحولك بالتفصيل ادام .
خلاص معاه الداتا و معاه الخطة الواضحة فاضل بس التمويل👇

و طلع علي الحج و الحجة و قال بص يا حج أنا فدماغي فكرة بت حرام احتمال تخسر ولو كسبت هتجيب ملايين ، الا ان والديه مكنوش يعرفوا يعني ايه انترنت إلا أنهم ادوه كل اللي حلتهم و كان 300 الف دولار و تأسست شركة كدابرا من جراج البيت ، ايوة كانت كدابرا مش امازون و تغير لامازون و هقولك ليه .

من 1994 لحد 1995 كان اسم الشركة الا أن بعد ما الفكرة استقرت في دماغه و بدا يرسم مخطط طويل المدا ببيع اي حاجة و كل حاجة علي الانترنت و سماها امازون تيمناً بفروعه في كل حتة .
من 1995 بدأت الشركة و بدأت المبيعات تزيد بشكل كبير مش بس في امريكا بل في دول كتير👇

و في خلال شهرين كانت امازون بتبيع فوق ال20 الف كتاب في الشهر و لمدة سنة و نص و لحد أواخر 97 كان هدف امازون في النمو المتزايد و انطرحت في البورصة و كانت قيمة الشركة وقتها 400 مليون دولار من 300 الف ل400 مليون دولار و كانت أسهم أمازون و كل شريكات الانترنت بترتقع بسرعة لحد 99👇

و كان انهيار الشريكات ديه كلها في ما يسمى بفقاعة الدوت كوم .
امازون علي وشك الإفلاس نزل سهمها من 106 دولار ل5 دولار و زي ما كانت أزمة علي بيزوس كانت غنيمة و فرصة العمر بإفلاس كل المنافسين و خرج بيزوس بخطة لاحتكار السوق و استحوذ علي شريكات كتير ضمها لامازون👇

عشان تدخل تنافس في اسواق كتير بأفكار جديدة . بس ازاي امازون بتعمل مبيعات كل ده و مع ذلك بتخسر .. ركز معايا هنا الزتونة .
استراتيجية امازون أنها تكبر بسرعة ومش مهم الأرباح في الاول كدة كدة هتيجي بعدين المهم نشوف سهم المبيعات و نمو الشركة في تصاعد👇

النقطة التانية هي تكوين اكبر قاعدة بيانات من المستخدمين و تجميع الداتا بتاعتهم و وقت تحليلها يطلعوا بنتائج تزود المبيعات .
الأرباح هتيجي هتيجي الجملة اللي اقنع بيها جيف بيزوس المستثمرين مش مهم الأرباح المهم حجم المبيعات يزيد و الحصة السوقية تزيد و كلهم اقتنعوا بكلام بيزوس👇

و كانوا مطمنين جدا و ديه بالنسبالي موهبة و نقطة كبيرة تتحسب لبيزوس و احترافه في الإقناع و الإدارة .
سياسة امازون ببساطة يكون ليك اكبر حصة سوقية تحط السوق في جيبك بالبلدي و الكل يشتري منك حتي لو هتحرق اسعار المهم محدش يشتري غير منك انتا وبس شبه احتكار يعني

و تبني بينك و بين العميل علاقة مهما كان الشئ اللي محتاجه هو هيلاقيه عندك بسعر أقل من اي حد و مع الوقت تقدر تزود السعر براحتك و تحقق ارباح متزايدة هشرحلك ازاي
امازون كانت بتتعمد تحط المنتجات عندها حتي لو هتخسر فيها المهم الناس تفضل علي الموقع و تفضل امازون رقم واحد في المبيعات👇

و ارخص سعر يعني مثلا
لو كتاب وقف علي الشركة ب10 دولار و 2 ضرائب فتحط 3 دولار ارباح و يبقي 15 دولار ، امازون كانت تكتفي ب12 دولار بس و ده كان بيخلي اغلب الشريكات المنافسة تنهار أمام امازون لأنها مش شغالة بنفس الطريق و كمان قدرت تجبر اكبر البرندات أنها تبيع عندها .. طب ليه ؟👇

امازون فتحة بابها لاي حد ممكن يبيع اي حاجة مكان خصب جداً للمصنعين الصينين اللي بيضربوا الماركات الكبيرة و بسعر قليل و الناس تشتري و ده سبب خسارة للبرندات و ده جعلها أنها تكون موجودة علي امازون و يحط عليها علامة منتجات اصلية واخد بالك من الصياعة ؟👇

امازون تسيطر علي49.1% من مبيعات الاونلاين في امريكا مقارنة بebay اللي نسبته 3.7% لكن امازون كان ليها جانب مظلم جانب الاحتكار
امازون متشوفش اي شركة بتبيع اولاين الا و تستحوذ عليها يا تديق عليها لحد ما تفلس و ناخد مثال شركة ( سوق كوم ) اللي استحوزت عليها في 2017 باكتر بنص مليار👇

دولار اوقات بيبقا الاستحواذ حلو لشركات و تقول يلا بينا حلوة الصفقة ياما ترفض و هنا ناخد مثال شركة دايبرز لبيع الحفاضات ومستلزمات حديثي الولاده اللي تأسست 2005 نسب ارباحها كانت حلوة اوي ، وصلت امازون وقالت سبب المجال بالسعر اللي يعجبك لكنهم رفضوا تماماً 👇

خلال سنة امازون عملت جانب لبيع مستلزمات حديثي الولادة و بدأت تخفض في الأسعار بشكل ضخم و ده سبب خسارة ضخمة لدايبرز و خلاهم يقبلوا عرض الاستحواذ فسنة واحدة بس .
طب هاا هنفضل لحد امتا ارباح قليلة عايزين نزود احنا معانا داتا و قاعدة شرائية كبيرة دلوقتي 👇

نضرب مثال خدمة امازون برايم اللي صدرت 2005 باشتراك سنوي 79 دولار تكفل الشحن السريع و خدمات تانية كدة و تم تحويل أكثر من نصف عملاء امازون لخدمة برايم ، امازون كانت بتخسر مع كل مستخدم للخدمة 11 دولار لان التكلفة الفعلية هي90 دولار و من 2005 ل2014 ارتفعت الخدمة ل99 دولار 👇

بس يترا كام واحد فكر أنه يستمر مع امازون مع الزيادة الضخمة ديه من عملاء برايم ؟
95% من عملاء برايم جددوا اشتراكهم في الخدمة عادي و ده السر الاقوي انتا متقدرش تعيش من غير امازون ، في 2015 بعد 17 سنة بدأت الشركة تحقق ارباح نص مليار دولار ، 2016 ارتفع ل2.3 مليار دولار 👇

اوعي تكون فكرنا خلصنا كلام عن امازون كل ده مجرد بداية لمجموعة من أعمال جيف بيزوس
الناس ديه هيتغير علي ايديها مستقبل البشرية كله حرفياً و هيحققوا منه مبالغ ضخمة تعدي ميزانيات دول بحالها زي ثروة بيزوس و ايلون ماسك في المستقبل.
#مستقبل_افضل
#mohamed_khaled✍️✍️

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد