الناس تركز معايا .. بالنسبة لتوقيت صلاة الفجر في مصر فالأذان في مصر بياذن قبل دخول وقت الفجر بحوالي ربع ساعة في وقت الفجر الكاذب وبيختلف من وقت للتاني في السنة بيزيد الوقت ده في الصيف وبيقل في الشتا والفرق حاليا بالضبط 14 دقيقة
👇👇👇👇👇

يعني الناس مينفعش تصلي في الاذان لإن وقت الفجر مبيكونش دخل
هيئة المساحة المصرية بتحسب توقيت الفجر عند درجة 19.5 تحت خط الأفق ودي عندها بيكون الفجر الكاذب مش الفجر الصادق
الفجر الصادق بيكون عند درجة 16.5 تحت خط الافق
👇👇👇👇👇👇

بالمناسبة مركز البحوث الفلكية اقر بالخطا ده من كام سنة والازهر كمان بعد سنين من المطالبة بالبحث والتحري في الأمر أعترفوا ان فيه خلل في حساب وقت الفجر
الناس اللي بتصلي في المسجد مفيش مشكلة يصلوا عادي لان الفرق في التوقيت بين الاذان والإقامة حوالي ربع ساعة فبيكون الوقت دخل
👇👇

فالأولى يدركوا الجماعة لكن للاسف في الصيف الفرق ده بيصل لحوالي 19 دقيقة فلازم ينتظروا دخول الوقت
الستات في البيت تنتظر ربع ساعة بعد الأذان حاليا وفي الصيف تخليها تلت ساعة
الصلاة قبل دخول الوقت باطلة واللي مكنش يعرف يعذر بجهله لكن اللي عرف مينفعش يصلي الا بدخول الوقت