كيف تزيد 100% من أرباح استثمارك .. وبدون أي مبالغ إضافية 🤩
الموضوع جدا بسيط وفعلا ما يحتاج أي مبلغ إضافي ولا حتى جهد إضافي ..
كل اللي تحتاجه : صبر إضافي بس ! ⏳
السحر : " العائد المركب "
كيف ؟! .. تابع تحت 👇🏻
#الاستثمار_للجميع
الموضوع جدا بسيط وفعلا ما يحتاج أي مبلغ إضافي ولا حتى جهد إضافي ..
كل اللي تحتاجه : صبر إضافي بس ! ⏳
السحر : " العائد المركب "
كيف ؟! .. تابع تحت 👇🏻
#الاستثمار_للجميع
موضوعنا اليوم حسابي بحت .. بغض النظر عن طريقة استثمارلك .. وبغض النظر عن نوع الأصول .. أسهم، عقار، الخ .. حنفهم مع بعض فكرة العائد المركب .. عشان نستفيد من استثمارنا أقصى شي ممكن 💪🏻 .. ما تخاف .. حناخدها كالعادة .. وحدة وحدة .. وحنفهم كل شي .. جاهز ؟!
حندخل في مثال على طول .. عشان نفهم الفكرة اسرع .. حنتخيل عندنا شخصين .. أحمد وحسن .. كل واحد منهم عنده 100 ألف ريال .. وبعد ما شافوا كل خيارات الاستثمار .. دخلوا في صندوق عوائده السنوية 10٪ .. حلو ؟! 😃
طيب مركزين احنا انو الاثنين عندهم نفس المبلغ + دخلو نفس الصندوق .. طيب ؟! .. يعني المتوقع دحين انو الاتنين يجيهم نفس العوائد صح ؟! .. لأ مو صح 😳 .. في واحد استفاد أكثر من التاني .. اف ؟! ايش الفرق طيب ؟!
نشوف أحمد إيش سوا بالأرقام :
2020 = حط استثماره 100 ألف .. اخر السنة جاته العوائد 10٪ = 10 آلاف .. وصرفها
لمن جات السنة اللي بعدها :
2021 = عنده الـ 100 ألف نفسها .. اخر السنة برضو جاته 10٪ = 10 آلاف .. وصرفها
2020 = حط استثماره 100 ألف .. اخر السنة جاته العوائد 10٪ = 10 آلاف .. وصرفها
لمن جات السنة اللي بعدها :
2021 = عنده الـ 100 ألف نفسها .. اخر السنة برضو جاته 10٪ = 10 آلاف .. وصرفها
كدا أحمد استفاد 20 ألف ريال .. واللي هي عوائد استثماره 100 ألف خلال السنتين .. مركز معايا ؟! ممتاز ؟! 😀
طيب ناخد المقابل .. ونشوف حسن إيش سوا :
2020 = حط 100 ألف .. اخر السنة خلى الـ 10٪ حقته على نفس المبلغ
لمن جات السنة اللي بعدها:
2021 = في حسابه 110 ألف (فلوسه 100 ألف + 10 آلاف عوائد 2020) .. وبكدا آخر السنة صار عنده 11 ألف عوائد
2020 = حط 100 ألف .. اخر السنة خلى الـ 10٪ حقته على نفس المبلغ
لمن جات السنة اللي بعدها:
2021 = في حسابه 110 ألف (فلوسه 100 ألف + 10 آلاف عوائد 2020) .. وبكدا آخر السنة صار عنده 11 ألف عوائد
كدا حسن صار عنده 121 ألف (100 الف مبلغه الأساسي + العوائد 21 الف خلال سنتين) 🤩لاحظتو الـ الألف ريال الزيادة عند حسن ؟!
فهمتوا الفكرة ؟! .. رغم انو الاتنين عندهم نفس المبلغ اللي بدأوا بيه الاستثمار .. واللي هو 100 ألف .. إلا إنو في واحد فيهم استفاد أكثر بس عشانه صبر وما صرف العوائد في الأول 😉
طيب حتقلي يعني على ألف ريال مسوي المهرجان دا كله ؟! 🤣 .. حقولك لأ طبعا .. اصبر كمان شوية .. خد نفس الفكرة لكن طبقها على 10 سنوات مثلا .. نشوف ؟!
أحمد : (مبلغ الاستثمار 100 ألف) + (العائد السنوي 10 آلاف * 10 سنوات = 100 ألف) = 200 ألف ريال
حسن : (مبلغ الاستثمار 100 ألف) + (العائد السنوي + العوائد المركبة (عوائد العوائد)) = 260 ألف ريال تقريبا 😍
حسن : (مبلغ الاستثمار 100 ألف) + (العائد السنوي + العوائد المركبة (عوائد العوائد)) = 260 ألف ريال تقريبا 😍
وااو .. كدا حسن قدر يطلع 60 ألف ريال أكثر من أحمد .. وهم الاتنين كان عندهم نفس المبلغ بالضبط .. لسا متردد تسوى ولا ما تسوى ؟! .. طيب ناخدها على 20 سنة .. نحسب ؟! 🧮
أحمد : (مبلغ الاستثمار 100 ألف) + (العائد السنوي 10 آلاف * 20 سنوات = 200 ألف) = 300 ألف ريال
حسن : (مبلغ الاستثمار 100 ألف) + (العائد السنوي + العوائد المركبة (عوائد العوائد)) = 675 ألف ريال تقريبا 😍😍
حسن : (مبلغ الاستثمار 100 ألف) + (العائد السنوي + العوائد المركبة (عوائد العوائد)) = 675 ألف ريال تقريبا 😍😍
ها ايش رأيكم دحين ؟! .. واضح الفرق ؟! .. الحكاية مو بس كدا .. انا كمان ابغاك تتخيل لو انت حوشت شوية كل سنة واضفتهم على مبلغ الاستثماري الاساسي .. متخيل كم ممكن يوصل الرقم ؟! .. نحسبها ايش رأيكم ؟! 😅
بحسبة بسيطة على الموقع
calculator.net
لو قلنا اننا حنحط في الاول 100 الف + حنحط عليها كل سنة 10 الاف بس .. خلال 18 سنة حيكون عندنا مليووون 😍😍😍
calculator.net
لو قلنا اننا حنحط في الاول 100 الف + حنحط عليها كل سنة 10 الاف بس .. خلال 18 سنة حيكون عندنا مليووون 😍😍😍
الموضوع حسابي بحت ترى .. ومافيه اي نصب 🤣 .. كل اللي عليك تسويه انك تجمع مبلغ حلو .. وتحطه في صندوق مرتب .. وتضيف عليهم مبلغ بسيط كل فترة عشان يزيد ويزيد .. وتصبر .. الله يباركلك ويوفقك 🙏🏻
جاري تحميل الاقتراحات...