تجربتي مع Covid-19:
البدايه:
-يوم 1/10: كنت خفاره وكنت حاس ب تعب خفيف( عوار بجسمي بس كان خفيف)
- يوم 2/10: خلصت خفاره ورديت البيت والتعب زاد قلت ممكن يكون ارهاق من الخفاره... اليوم كله انا بالفراش تعبان ونايم.
يوم 3/10: استمر التعب و زاد عليه حراره تروح وترد مع لوعة چبد.
البدايه:
-يوم 1/10: كنت خفاره وكنت حاس ب تعب خفيف( عوار بجسمي بس كان خفيف)
- يوم 2/10: خلصت خفاره ورديت البيت والتعب زاد قلت ممكن يكون ارهاق من الخفاره... اليوم كله انا بالفراش تعبان ونايم.
يوم 3/10: استمر التعب و زاد عليه حراره تروح وترد مع لوعة چبد.
انا هني قاعد افكر ممكن انفلونزا عاديه او كورونا بس و على هالاساس عزلت نفسي بالبيت حماية ل اهلي كون والدي ووالدتي كبار واصحاب امراض مزمنه.
-من يوم 4/10 الى 8/10: الاعراض زادت، كله بالفراش و من احاول اقعد او اروح وانتوا بكرامه الحمام ماقدر واطيح..
-من يوم 4/10 الى 8/10: الاعراض زادت، كله بالفراش و من احاول اقعد او اروح وانتوا بكرامه الحمام ماقدر واطيح..
طبعا رحت سويت اول مسحه و اخذت درب سوائل و خافض حراره لانه اخر ثلاث ايام انا حتى الماي ماقدر واستفرغه.. طبعا ايضا من الحراره والتعب موقادر انام.. كنت اخذ بروفين ٦٠٠ملغرام و يالله يريحني شوي.
يوم 9/10: نتيجة المسحه طلعت سلبيه واستغربت كل الاعراض عندي
يوم 9/10: نتيجة المسحه طلعت سلبيه واستغربت كل الاعراض عندي
هني انا موقاعد اتحسن و ف اللي باجي من قوتي انا خذيت سيارتي ورحت المستشفى و سيده على العنايه المركزه و اهني بلشت معاي اعراض التنفس. كحه ماتوقف و اكسجين نوعا ما زين ينزل ساعات الىً٨٥٪ ويرد يصعد.
يوم 10/10: نتيجة المسحه الثانيه طلعت و ايضا سلبيه...
يوم 10/10: نتيجة المسحه الثانيه طلعت و ايضا سلبيه...
الاعراض قاعد تسوء معاي... الحراره توصل ٣٩-٤٠ و كانت الحراره تييني بشكل غريب... احس فيها ساعه خمس الفجر و سبع بالليل. بهالتوقيتين كانت الحراره تحوشني.
اشعة الصدر لمه الحين مافيها شي... تحاليلي كلها زينه ماعدا كريات الدم البيضا نازله شوي و بالذات ال lymphocytes
اشعة الصدر لمه الحين مافيها شي... تحاليلي كلها زينه ماعدا كريات الدم البيضا نازله شوي و بالذات ال lymphocytes
يوم 12/10 (ليله ما انساها): هالليله الكحه ماوقفت معاي... حراره موراضيه تنزل... نفسي تعب.. اكسجين نزل ل ٨٣٪ واول مره احتاج فيها اكسحين بنسبه عاليه... دقات القلب وصلت ل ١٨٠ نبضه بالدقيقه وكل هذا انا صاحي بس مثل اللي موقادر يتحرك ولايسوي شي ولا قادر اتكلم من التعب
الدكاتره مع هالتطور اللي صار شكوا في جلطه رئويه.. pulmonary embolism.. ساعه خمس الفير خذوني و سوولي اشعه مقطعيه مع صبغه مشعه.. CT angiogram.. طبعا هني انا مبلش مسيل دم ( امس اخر ابرة مسيل خذيتها الحمدلله وانا بالبيت طبعا اغز نفسي)
يوم 13/10: بين التهاب بالرئه اليمنى
يوم 13/10: بين التهاب بالرئه اليمنى
والالتهاب بكتيري طبعا.. و نتيجة المسحه الثالثه والرابعه ايضا سلبيه😅
احد الزملاء اقترح فحص الدم للاجسام المضاده واهو فعلا الفحص الوحيد اللي طلع ايجابي IgM +ve
هني طبعا تغير المضاد الحيوي و ايضا بلشت اخذ Dexamethasone (كورتزون). وفعلا هذا اللي فرق معاي وبلشت اتحسن
احد الزملاء اقترح فحص الدم للاجسام المضاده واهو فعلا الفحص الوحيد اللي طلع ايجابي IgM +ve
هني طبعا تغير المضاد الحيوي و ايضا بلشت اخذ Dexamethasone (كورتزون). وفعلا هذا اللي فرق معاي وبلشت اتحسن
الخلاصه:
تجربه صعبه... ماتوقعت اني راح امر فيها... كانت امتحان من الله سبحانه وتعالى... علمتني وايد امور اهمها الصبر على البلاء والمرض... التمسك بالامل والدعاء...
جربت شعور اني اكون على الطرف الثاني من معادلة الطبيب المعالج و المريض الذي يتلقى العلاج ومعاناته
تجربه صعبه... ماتوقعت اني راح امر فيها... كانت امتحان من الله سبحانه وتعالى... علمتني وايد امور اهمها الصبر على البلاء والمرض... التمسك بالامل والدعاء...
جربت شعور اني اكون على الطرف الثاني من معادلة الطبيب المعالج و المريض الذي يتلقى العلاج ومعاناته
المرض حقيقي والڤايرس مو لعبه ولا اكذوبه كما يزعم البعض... مومعناته ماحاشك او احد من اهلك انه السالفه چذب او شي تتهاون فيه...
الله يحفظنا ويحفظكم و سامحوني على الاطاله
#COVID19 #kuwait #الكويت #كورونا_الكويت
الله يحفظنا ويحفظكم و سامحوني على الاطاله
#COVID19 #kuwait #الكويت #كورونا_الكويت
جاري تحميل الاقتراحات...