ثريد
• كيف تقدر تقرأ وانت بكامل تركيزك وماتنسى الحاجات القريتها بسرعة وتقدر تحفظ بكل سهولة ؟
• ثريد دسم ومليان بمعلومات حتساعدكم في القراية .
• كيف تقدر تقرأ وانت بكامل تركيزك وماتنسى الحاجات القريتها بسرعة وتقدر تحفظ بكل سهولة ؟
• ثريد دسم ومليان بمعلومات حتساعدكم في القراية .
واحدة من أكبر مشاكلنا مع القراية واكتر حاجة بنعاني منها هي موضوع التركيز واغلبنا بنقدر نقعد كبداية عشان نقرأ بس مجرد مانبدا بعدها ب 5 دقايق بنزهج وتركيزنا بيتشتت وما بنكون قادرين نكمل قراية وبنكسر حنكها..
لخصت الثريد في 5 نصائح حتساعدكم في التركيز عالقراية
" ملخص الثريد ف الاخر "
لخصت الثريد في 5 نصائح حتساعدكم في التركيز عالقراية
" ملخص الثريد ف الاخر "
طيب قبل ما أبدا في النصايح لازم أول حاجة نعرف التركيز كمفهوم بيعني شنو ؟
طيب مفهوم أنك تكون مركز على حاجة معينة بيعني انك بتكون مهتمي بالحاجة دي بالتحديد وباقي الحاجات الحولك كلها بتكون ما جايب خبرها وما شغال بيها ، يعني كأنه مافي شي موجود حولك غير الحاجة الانت عاوز تركز فيها وبس
طيب مفهوم أنك تكون مركز على حاجة معينة بيعني انك بتكون مهتمي بالحاجة دي بالتحديد وباقي الحاجات الحولك كلها بتكون ما جايب خبرها وما شغال بيها ، يعني كأنه مافي شي موجود حولك غير الحاجة الانت عاوز تركز فيها وبس
دي كانت المقدمة وتعريف عام للتركيز
نبدأ في الخطوات والنصايح ونقول بسم الله ..
نبدأ في الخطوات والنصايح ونقول بسم الله ..
1- أتخلص من المشتات
الموضوع بسيط و منطقي جدا يعني أنت لو عاوز تركز على حاجة في البداية لازم تتخلص من الحاجات البتشتت تركيزك، طيب الحاجات دي زي شنو؟
أول حاجة لازم تعملها هي أنك تزح بعييد من ناس البيت وتقعد في مكان هادي مخصص للقراية "المكان الاتفقنا عليهو الثريد الفات الرابط تحت"
الموضوع بسيط و منطقي جدا يعني أنت لو عاوز تركز على حاجة في البداية لازم تتخلص من الحاجات البتشتت تركيزك، طيب الحاجات دي زي شنو؟
أول حاجة لازم تعملها هي أنك تزح بعييد من ناس البيت وتقعد في مكان هادي مخصص للقراية "المكان الاتفقنا عليهو الثريد الفات الرابط تحت"
المهم المكان دة بيكون في حتة هادية مافيها إزعاج ويكون مخصص للقراية وبس .
تاني حاجة لازم تبعدها عنك هي التلفونات أو اللابتوب والكمبيوتر ديل اكبر عدو للتركيز ولازم قبل ماتقعد وتبدا تقرأ تزحهم بعيد منك .
تاني حاجة لازم تبعدها عنك هي التلفونات أو اللابتوب والكمبيوتر ديل اكبر عدو للتركيز ولازم قبل ماتقعد وتبدا تقرأ تزحهم بعيد منك .
كملاحظة مهمة في حتة التلقون دي في ناس كتار بيحبو ومتعودين يسمعو أغاني وهم بيقرو بس في دراسات جديدة ظهرت وأكدت أنه الاغاني اثناء القراية بتضعف من نسبة تركيزك وبتقلل من فايدتك للحاجات البتقراها ف الافضل ويستحسن أنك تقرا بدون ماتسمع اي حاجة وبدون ماتسمع اغاني
2- جهز الحاجات البتحتاج ليها في جلسة القراية قبل ماتقعد وتبدا تقرأ
زبط المكان الانت حتقرا فيهو وجيب ادواتك كلها من أقلام ودفاتر وغيرو عشان ما تحتاج وأنت في نص القراية إنك تقوم تجيب حاجة وتقطع القراية في نصها وتركيزك يتشتت،
ونقطة تانية مهمة وهي إنك قبل ماتبدا لازم تحدد الحتقراهو
زبط المكان الانت حتقرا فيهو وجيب ادواتك كلها من أقلام ودفاتر وغيرو عشان ما تحتاج وأنت في نص القراية إنك تقوم تجيب حاجة وتقطع القراية في نصها وتركيزك يتشتت،
ونقطة تانية مهمة وهي إنك قبل ماتبدا لازم تحدد الحتقراهو
يعني لازم تكتب الحاجات الانت عاوز تقراها في الجلسة دي وحدد حتبدا بشنو وحتخلص شنو ، وماتخلي الموضوع للمزاج ودي أكبر غلطة ممكن تعملها لانك مجرد ماتخلي الموضوع بالمزاج انت بالكتير 10 دقايق وحتزهج وحتمل سريع فلازم تحدد النقاط الحتقراها قبل ماتبدا عشان ماتدي عقلك فرصة ومجال أنه يتشتت
طيب الحمدلله جهزنا المكان وزبطنا الحاجات وبدينا قراية ، فجأة بعد 5د اثناء ما احنا بنكون بنقرا نتذكر حاجة من العدم ومالها علاقة ب القراية زي مثلا مكالمة مهمة او اي موضوع تاني ..
انتبه عقلك بيشغلك ، دماغك ودماغ أي بني ادم تاني بطبعو كسول وبيحب الراحة فبيحاول أنه يشغلك
انتبه عقلك بيشغلك ، دماغك ودماغ أي بني ادم تاني بطبعو كسول وبيحب الراحة فبيحاول أنه يشغلك
عشان يتخلص من الضغط العليهو المتمثل في القراية والحفظ و...الخ
الحاجات دي مهلكة بالنسبة ليهو لأنه عاوز الراحة وماعاوز يجتهد معانا بمعنى أدق دماغك حيحاول يبعد عنك الحاجات المتعبة بالنسبة ليهو ، ف أنت لازم تاخد بالك من النقطة دي ودة بيودينا للخطوة رقم 3 إلي هي :
الحاجات دي مهلكة بالنسبة ليهو لأنه عاوز الراحة وماعاوز يجتهد معانا بمعنى أدق دماغك حيحاول يبعد عنك الحاجات المتعبة بالنسبة ليهو ، ف أنت لازم تاخد بالك من النقطة دي ودة بيودينا للخطوة رقم 3 إلي هي :
3- "جيب ورقة وقلم وسجل الأفكار البتجيك أثناء ما انت بتقرا "
كتابتك للأفكار حيساعدك أنك تحافظ على تركيزك وفي نفس الوقت لمن تسجل الافكار دي انت ماحتنساها فلو هي فعلا مهمة ممكن ترجع ليها بعد تخلص من قرايتك ، والموضوع دة مهم عشان تحافظ على تركيزك وما تتشتت ب اي أفكار جانبية.
كتابتك للأفكار حيساعدك أنك تحافظ على تركيزك وفي نفس الوقت لمن تسجل الافكار دي انت ماحتنساها فلو هي فعلا مهمة ممكن ترجع ليها بعد تخلص من قرايتك ، والموضوع دة مهم عشان تحافظ على تركيزك وما تتشتت ب اي أفكار جانبية.
من أكبر الغلطات الممكن تعملها لمن تبدأ تقرأ أنك تقعد بالساعات ولفترة طوييلة تقرأ بدون ما تاخد استراحة بين الفترات ..
وبتكون بتهلك نفسك والحتة دي بتودينا للنقطة رقم 4 وهي :
وبتكون بتهلك نفسك والحتة دي بتودينا للنقطة رقم 4 وهي :
4- " لازم تاخد استراحة Break بين كل فترة وتكافئ نفسك فيها "
ال Break مهم بنفس اهمية القراية ..
تركيزك أول ما تبدا تقرأ مازي تركيزك بعد 30د متواصلة وكل ما الزمن زاد كل ما تركيزك قل ونقص اكتر واكتر، وحتلقى روحك وصلت لمرحلة أنك بتقرا بس ما فاهم حاجة وتقريبا الكلام ما بيخش راسك اساسا
ال Break مهم بنفس اهمية القراية ..
تركيزك أول ما تبدا تقرأ مازي تركيزك بعد 30د متواصلة وكل ما الزمن زاد كل ما تركيزك قل ونقص اكتر واكتر، وحتلقى روحك وصلت لمرحلة أنك بتقرا بس ما فاهم حاجة وتقريبا الكلام ما بيخش راسك اساسا
ف احسن تكنيك ممكن تتبعو هي فكرة ال Pomodora Technique التكنيك دة بصورة مختصرة بيعني أنك تقرأ لمدة ماتزيد عن 25-30 دقيقة بصورة متواصلة وبعدها تاخد Break لمدة ماتزيد عن 10د تكافئ نفسك في المدة دي ب أي حاجة انت عاوزها وبعد تخلص المدة ترجع تقرا تاني وتعمل نفس الحركة
ميزة الاستراتيجية دي بتخليك تقرأ لفترات أطول بدون ماتزهج وتمل وفي نفس الوقت تركيزك مابيقل بسهولة وحتنجز أكتر بكتير من الكنت حتنجزو في ساعتين متواصلات بدون اي راحة بيناتهم
طيب بعد ما خلصنا قراية وانجزنا مواضيع كتيرة في نقطة مهمة لازم نعملها بعد ما نكمل القراية والنقطة دي مهمة ولو ماعملتها حتخرب الموضوع كلو على نفسك والنقطة دي رقم 5 والآخيرة والي هي :
5- " لازم تكافئ نفسك بعد ماتخلص من القراية "
ولازم المكافئة دي تكون حاجة أنت بتحبها مثلا تشوف فلم أو تلعب كورة أو اي حاجة تانية بتسليك " طبعا المكافئة بتختلف حسب الوقت الانت بتقرا فيهو فلو في فترة امتحانات وزمنك ضيق خلي المكافئة دي حاجة بسيطة ما بتاخد وقت طويل"
ولازم المكافئة دي تكون حاجة أنت بتحبها مثلا تشوف فلم أو تلعب كورة أو اي حاجة تانية بتسليك " طبعا المكافئة بتختلف حسب الوقت الانت بتقرا فيهو فلو في فترة امتحانات وزمنك ضيق خلي المكافئة دي حاجة بسيطة ما بتاخد وقت طويل"
اما لو ما وراك حاجة وما مستعجل ممكن تخليها أي حاجة أنت عاوزها والنقطة دي مهمة ليه؟ لأنه انت كدة بتزبط السيستم حقك أنه مجرد ما تخلص قراية حتبسط نفسك ب حاجة أنت بتحبها وتعود عقلك عالحاجة دي لانك لمن تعودو أنك حتكافئ نفسك بعد ما تقرا عقلك تلقائياً حيتحمل القراية لأنه عارف في هدية
ومكافئة بعد ما تخلص من القراية وعادي تلقى روحك وصلت مرحلة بقيت بتحب فيها القراية وماحتزهج منها وتركيزك ماحيتشتت.
طيب آخر نقطة في الموضوع حاول دايمآ ما بس في القراية في اي حاجة تانية في حياتك أنك تعود روحك تركز كل أفكارك في الحاجة الانت بتعمل فيها حالا وما تفكر في حاجات تانية مامهمة أو أي حاجة تشتت تركيزك في اللحظة الانت الفيها.
طيب لحدي هنا نكون خلصنا من الثريد ودي كانت الخطوات والنصايح البتمنى انها تساعدكم وتسهل عليكم القراية والتركيز وتقرو تاخدو اكبر كمية ممكنة من المعلومات بدون ماتزهجو 💛
لو عجبك الثريد لايك + ريتويت + متابعة عشان تصلك باق الثريدات ❤️
الملخص 👇
لو عجبك الثريد لايك + ريتويت + متابعة عشان تصلك باق الثريدات ❤️
الملخص 👇
ملخص الثريد :
• أتخلص من المشتات الحتخليك ما تركز واهمها التلفون
• ماتقرا وانت بتسمع أغاني لأنه الاغاني بتقلل من نسبة التركيز
• جهز الأدوات الحتحتاجها في جلسة القراية قبل ما تقعد وتبدا قراية
• حدد العناوين والحاجات الحتقراها في الجلسة وماتخلي الموضوع بحسب المزاج
• أتخلص من المشتات الحتخليك ما تركز واهمها التلفون
• ماتقرا وانت بتسمع أغاني لأنه الاغاني بتقلل من نسبة التركيز
• جهز الأدوات الحتحتاجها في جلسة القراية قبل ما تقعد وتبدا قراية
• حدد العناوين والحاجات الحتقراها في الجلسة وماتخلي الموضوع بحسب المزاج
•جيب ورقة وقلم وسجل الأفكار الماليها علاقة بالحاجات البتقراها البتجيك أثناء ما انت بتقرا
•لازم تاخد استراحة كل 30د وكافئ نفسك ب حاجات بتحبها لمدة10د وبعدها ارجع للقراية تاني
•بعد ما تخلص من القراية كافئ نفسك بحاجة بتحبها
•ركز كل أفكارك في الحاجة الانت بتعمل فيها حالا
•لازم تاخد استراحة كل 30د وكافئ نفسك ب حاجات بتحبها لمدة10د وبعدها ارجع للقراية تاني
•بعد ما تخلص من القراية كافئ نفسك بحاجة بتحبها
•ركز كل أفكارك في الحاجة الانت بتعمل فيها حالا
الثريد الأول
جاري تحميل الاقتراحات...