طيب .. أنا مقدر إن فيه ناس كتير فرحانين إن مواقع أخبار قالت "كنتائج اولية" إن المستشار مرتضى منصور مش ضمن الأسماء الأولى في دائرته
-
طيب . ياريت ناس منهم تبطل شتيمة . مايبقاش تقولوا إنكم رافضين الشتائم وبتشتموا . وفيه ناس منهم مواقفها برضه مش سليمة . أما الباقي فرأيكم له إحترامه

يمكن أسلوبه إتسبب له في مشاكل كتير .. وعلى فكرة ، كان في إيده إنه يحافظ أكثر على كلماته بحيث مايديش الفرصة لأي حد له قيمة أو ملوش إنه يمسكها نقطة ضده .. بس أهو النصيب بقى ، هي الفكرة أنا مقدر شجاعته ووضوحه في القضايا ويمكن لو كنت في دائرة ميت غمر كنت إنتخبته علشان مواقفه دي .

من ناحية .. أنا مش هكون مبسوط لو هو مبقاش عضو مجلس نواب .. ومن ناحية تانية ده يمكن دليل إن الإنتخابات مش شرط تكون معروفة سلفًا زي مابيزعم البعض يعني .. هي المقاييس بتكون مختلفة حسب الظروف . عمومًا أنا بتمنى إنه يكون حاضر في العمل العام برضه "بس بشكل أكثر لباقة" .. هو لسه قلبه قوي

يمكن يكون رأيي مش هيعجب ناس كتير .. لكن المهم يكون رأيي مرتاح له نفسيًا وأنا بكتبه .. ولو الأمور سارت إنه مايكملش في رئاسة نادي الزمالك .. ياريت النادي يكرمه ويعلي شأنه كرئيس من الرؤساء التاريخيين للنادي .. ده حقه اللي محدش من المزايدين يقدر يسلبه منه .. لو هنتكلم عن العدل