اللي حابب يبدأ مشروع ..
أسئلة وأجوبة تفيد الكل 🤩
ملخص لقاء أ. رياض الزامل
@RiyadhAlzamil
رئيس مجلس إدارة مجموعة راز القابضة
@RazGroup
تعال وركز 👇🏻
#الاستثمار_للجميع
أسئلة وأجوبة تفيد الكل 🤩
ملخص لقاء أ. رياض الزامل
@RiyadhAlzamil
رئيس مجلس إدارة مجموعة راز القابضة
@RazGroup
تعال وركز 👇🏻
#الاستثمار_للجميع
قبل لا أبدأ .. اذا حبيت تاخد فكرة عن أ. رياض الزامل .. شوف الرابط هنا 👇🏻
aliqtisadi.com
aliqtisadi.com
طيب كمان قبل لا أبدأ .. لازم أوضح نقطة .. اليوم موضوعنا مختلف شوية .. يتكلم على طريقة استثمار ثانية .. مركز على طريقة الاستثمار بصناعة الأصول وليس شراءها .. بمعنى ثاني .. تأسس شركات خاصة بينا 😉
مو عارف العلاقة بينهم ؟! .. انا وضحت العلاقة بين الاستثمار وتأسيس الشركات بشكل مفصل أكثر .. شوف التغريدات رقم 18 و 20 و 21 في الرابط .. حتفهم إيش أقصد 🤗
linktr.ee
linktr.ee
دحين نجي لموضوعنا .. طريقة اللقاء كانت عبارة عن أسئلة من الجمهور وأجوبة من أ. رياض .. حلخص أهم الأسئلة اللي أنذكرت مع أجوبتها .. وإن شاء الله الكل يستفيد 🤓
◾اول شي .. مين هو رائد الأعمال ؟! الناس نوعين 1️⃣ صانع مال 2️⃣ منمي مال .. الاثنين يكملوا بعض .. الأول انسان مغامر و مهبول شوية 🤣 .. ويحتاج النوع الثاني عشان ينمي معاه الفكرة ويتحول لبزنس حقيقي .. والعكس
◾نشوف أفكار ريادية كثيرة حلوة .. تبدأ لكنها تفشل .. ليش ؟! .. في مجال الاستثمار في الشركات عندنا 3 أركان 1️⃣ الفكرة نفسها 2️⃣ المال اللي تحتاجه الفكرة 3️⃣ منفذين الفكرة .. وهذا هو الطبيعي .. لكن المشكلة في العلاقة بينهم وترتيب مين يجي أول 😬
فلسفة مجموعة راز في الاستثمار : أول شي نشوف شخص شغوف .. شغفه حيحل مشكلة لها علاقة بيه .. وبعد كدا نجيب له الفلوس اللي يحتاجها عشان تنحل المشكلة 🧠
أكبر سبب لفشل المشاريع .. انها تبدأ بـ "ماذا" بدل "لماذا" .. مجموعة شباب في جلسة بينهم يسألوا : إيش نسوي ؟! .. يشوفوا الترند قهوة مختصة مثلا .. يقوموا يسوو قهوة مختصة برضو .. ما يدري ليش فعلا هو بدأ المشروع 😆
وفي عندنا نقطة ثانية .. لو سألنا صاحب المشروع ليش سويته ؟! وقال عشان الفلوس مثلا .. عادة المشاريع اللي بدأت عشان هدف فلوس بس ما تنجح .. أو تنجح بشكل بسيط جدا 😳
المشاريع اللي تنجح وتكبر .. تبدأ بواحد من الحاجتين : إما 1️⃣ حل مشكلة أو 2️⃣ خلق فرصة .. شوف كل المشاريع الكبيرة .. حتلاقيها في الاخير واحد من هذي الاثنين .. دور على الهاجس اللي تبدأ فيه مشروعك
في سؤال حلو جدا .. حيفيدك لو انت في بداية مشروعك .. اسأل نفسك : لو عندك 100 مليون ريال في حسابك .. هل حتكمل نفس المشروع ولا لأ ؟! .. اذا كان الجواب ايوة .. معناها المشروع مناسب لك .. وفيه فرصة عظيمة للنجاح باذن الله 💪🏻
◾طيب كيف أبدأ مشروعي ؟! .. المشروع يحتاج يبدأ بإيمان بالفكرة .. وتبدأ بدون ما تفكر لمين تروح او كيف تبدأ ! .. كثرة التخطيط أكبر عوائق للمشروع .. الناجح هو اللي عنده قدرة عالية انو يعيش في الضبابية .. لأنو في الحقيقة مافي شي واضح 100٪ 😅
◾طيب كيف أمول مشروعي ؟! .. لا تبدأ مشروعك بتمويل وتدور فلوس في البداية .. الجهات اليوم كثيرة ومختلفة لدعم وتمويل المشاريع .. الأساس انك تبدأ وتجرب وتتحرك .. ولمن تشوف انك تحتاج فلوس حتلاقي اللي يعطيك 🤑
واذا اتكلمنا على تمويل المشاريع .. في عندنا طريقتين 1️⃣ الدين أو القرض 2️⃣ الشراكة (مبلغ مقابل حصة في الشركة) .. وعادة لأن المشروع في بدايته فيه مخاطرة عالية .. الأفضل تدخل معاك شريك (الحل 2️⃣) لأنه بيتقاسم معاك المخاطرة بدل ما تعيش في دين
وفي بداية المشورع تبدأ بتمويل ذاتي قد ما تقدر .. وبعدها ممكن تلاقي أصحاب أو من العائلة .. ناس يعرفوك ويؤمنوا فيك يحطوا فلوسهم معاك .. وبعدها تلاقي مستثمرين الشركات الناشئة (ملائكيين أو صناديق الاستثمار الجريئة) 😎
طبعا كل ما يكبر المشروع حتحتاج تمويل بأحجام أكبر بشكل تدريجي .. إلين توصل مرحلة إنك تقدر تمول الشركة بإنك تقدر تنزلها في سوق الأسهم أو تبيعها مثلا 😍
◾هل توجد خطوات واضحة .. الواحد يمشي عليها في بداية مشروعه عشان ينجح ؟! الوضوح هو نقيض الريادة 🤣 .. لكن مراحل نمو المشروع كشركة يمكن تكون معروفة .. ولكل مرحلة من المشروع احتياجات ... تختلف باختلاف الفكرة والسوق اللي هي فيه
◾كيف يواجه صاحب المشروع التحديات ؟! .. مبدئيا اللي مو عارف حجم التحديات .. لا يبدأ .. الموضوع متعب وفي تحديات كبيرة .. والمخاطرة الكبيرة وحل المشاكل هي مصدر سعادة صاحب المشروع 😆
◾ ايش مميزات الفريق الريادي الناجح ؟! .. بشكل عام كل ما كان الفريق مختلف كل ما كان افضل .. لانه الفكرة اكمال وليس تشابه .. لكن نقدر نقول : 1️⃣ ايمان الكل بالفكرة 2️⃣ الكفاح والاجتهاد من القلب 3️⃣ قدرة إدارة المال 4️⃣ التأقلم السريع على الظروف المختلفة
◾ايش الشي اللي يدور عليه المستثمر في المشروع عشان يستثمر فيه ؟! بشكل عام يبغا يشوف إيمان بالشخص وبالمشروع .. والموضوع زيه زي الزواج .. انت كمان لازم تختار المستثمر اللي ينفع مشروعك وتقدر تتفاهم معاه 😉
◾ايش مهارات اللي لازم تكون في رائد الأعمال ؟! 1️⃣ جديته في العمل والمشروع 2️⃣ القدرة على قيادة فريقه 3️⃣ عدم الخوف من الفشل 4️⃣ الاصرار بدون عناد 5️⃣ حب العطاء وخدمة الناس 6️⃣ ثقة في النفس بدون غرور
كان دا ملخص لقاء أ. رياض .. اللقاء كان ضمن برنامج لقاءات ثمين @thameensa التابع لهيئة السوق المالية @SaudiCMA .. لمشاهدة اللقاء كامل .. على الرابط 👇🏻
youtu.be
youtu.be
جاري تحميل الاقتراحات...