#فد_سالفة اليوم راح افضفض فكرياً عن عقدة النقص في بعض البشر من المجتمعات عالية الذكاء أو مجتمعات علاساس الأنا العليا فد شي بيها واللي تحدثت بسفسطة سابقة حولها، هذه عقدة النقص اللي تحوط حواليها أستفهامات كثيرة، لكن نحتاج ان نتكلم بصراحة وبطبقية احيانا كثيرة، والشواهد كثيرة...
عقدة النقص هذه خلقتها الطبقية أو العنصرية وكذا، بحيث مثلا الأسود يشعر دائما بأنه مهان من قبل الأبيض وتستمر هذه العقدة النفسية حتى مع جذب مالا يجذب من السلبية وتعليقها على شماعة العنصرية، وبالتالي تورّث فكريا هكذا عقدة وتكبر من تجارب ربما بعضها حقيقية، ولم ير القانون حلا لها +
لكن ظلت في خانة الظالم والمظلوم وبالتالي نشأت الكراهية وامتددت وعملت موروث بين المجتمعات داكنة البشرة والكل يعرف هالشي، واحنه ما نقول ما موجود ظلم الأبيض واكو عنصرية واضحة مثل وضوح الشمس، لكن مثل ما يقولون وصلت مرحلة overrated... زين اني لا ابيض ولا اسود شللي علاقة بالزلاطة؟؟..
اهنا بالعراق اكو هالشي وهذا واضح من التقسيمات الطائفية والعرقية والمجتمعية، لاحظنا اكو سالفة اكبر من كونها تمزعط فكري، وخرجت عن مألوف الدين اللي يدعوا الناس أن يكونوا متساوين ومع ظهور وعي الطائفية من زمن قال وبلا إلى يومنا هذا، ولأن اكيد ما أستطيع أن امسح التاريخ، ولا اتجاهله...
الطائفية دقت نواقيس خطرها وظل الأبيض السني على الشيعي الاجلح ومعركة داخلية نفسية وأحيانا خرجت من اطارها التحفظي إلى الفتنوي (من فتنة) وصار اللي صار ودائما تبقبق بين فترة وفترة وعشعشت في كل اركانها ومناطقها وما نقدر ان نقول دائما لعن الله من اوقد نار الفتنة وكذا... بس ليش تطرقت ++
لهذا الموضوع، قابل اريد افتح صفحة جديدة مثلا؟ لا، اللي اريده ان أوضح عقدة النقص المناطيقي بالعراق وخصوصاً في المجتمعات عالية الذكاء، شكرا لأن خلوني اقدر احلل واسهب وأثبتها بوجودها كواقع حال هذه العقدة، واللي كلنا مسولفينها بس نخاف أو نتحرج ان نحجيها... نعم اكو عقدة نقص مناطقية++
يعني كيف ممكن أن شخص عالي الذكاء (هاي وذكرناها انه ممكن هو ٥٦ واجه لهذا المجتمع أو هو بالفعل فد طفرة نوعية لكن ظل يتعارك ويه وجهه - كاره شكله - رغم كونه وصل لدرجة مرموقة، لكن يظل يحقد من منطلق مناطقي) وكأنما مثل احيانا كثيرة نقول "ليش ما الله ما خلقني بالسويد ولا بالعراق؟..."
وهو يقول ليش ما كنت وانولدت ببغداد مثلا، ومع هكذا طموح وصولي وله كل الحق طبعا يوصل إلى بغداد أو مركز المدينة مالته، يعني من قريه إلى مركز ناحية إلى مركز قضاء إلى مركز محافظة (بصراحة هكذا انتقال يحسب له ألف حسبة وحسبة ومدعاة للفخر من قبل اهله وعمامه فكيف لو انتقل وسكن العاصمة؟)
كل هذا طموح مشروع وما بيه اي تزاحم بدليل ابو المثل يقول "النجر اللي يعبي بالسكلة ركي" وبسبب علاقاتهم الواسعة يصيرون بمراكز تتخذ قرارات معينة وبسبب خبرتهم المكتسبة الوصولية (اكيد مو شخص عادي مستطرق) وعالي الذكاء ومن حقه الشرعي ان يدخل لمجتمعات عالية الذكاء، لكن وكل لكن لها معنى...
شيسوي هذا؟ اولا حتى يتثبت بمكانه، عليه أن يثبت سلطته، واذا تجون للحقيقة هو من شاكلة المتسيبين لكن سلطة الكرسي الها طعم، وبالتالي يجي يذب جم حقده على اللي يمشون الشغل ضمن حلقة نطاق عمله وكذا، وهو في الحقيقة يدمج مو بس حبه للكرسي، أيضا يغطي على عقدة النقص الرهيبة واللي مليانة فراغ
بداخلها على حلقته فيضرب عصفورين بحجر واحد، شفتوا؟ هنا يقوم يستغل ويدخل حتى Dark Side وياه، و تشوفوه من النوع اللي يتهجم بصورة عنيفة لأي محاولة انتقاد، لأن يظن بهكذا انتقام راح يضمن مكانه بالكرسي لأن اللي نصبوه رايدين واحد يضبط تسيب العاملين ولكونه يشعر بالنقص فهذا عين الاختيار
وطبعا بالمناسبة هكذا أشخاص مو شرط أن يكون املح شيعي أو باللغة الدارجة "شروكي" مثل ما يستهزئون ذولاك اللي حاسبين نفسهم أسياد العراق وكذا، لا بل موجودة في الأشخاص اللي ينتقلون من الريف إلى المدينة في اي مكان وخصوصا اللي عدهم مستويات ذكاء عالية وشعور بالحساسية اللي حتخلي الانتقام..
فد مشروع مستمر داخل شخصياتهم، وبالمناسبة، اكو هجمة مرتدة من هكذا أشخاص اذا اجه واحد من بغداد وعنده معاملة بالجنوب، فاكيد مو كلهم راح يستقبلوه بالاحضان وبنخوة، لازم يطلع واحد حاقد يريد يبين سلطته على هالشخص وكذا وهذه تصير عند العمل في المناطق الجنوبية وايضا العكس وان كانت أقسى..
إذن عقدة النقص موجودة في الطرفين، وهي نتيجة الدك المستمر من شخص يظن نفسه هو سيد على عبيده ومن شخص يظل عايش دور العبد لشعوره بالنقص ويريد ينتقم من يصير بمركز خصوصا في المدينة وخصوصا اذا كان عالي الذكاء... فتشوفون هواي دنابك من هالشكولات... هسه أنت المفروض تتعاطف وياه لو شلون؟؟
شوفوا هنا يجي دور الأخلاق، ومن نقول اخلاق يعني اخلاق، يعني شخص خلوق يعني ما يدور مكحب خانة بفكره وتصرفاته لإرضاء سادته ويتمسح بيهم علمود يبقونه بمنصبه، هااااا هسه تتعاطف وياه لو لا؟
طبعا لا... لأن مجرد تعاطفك مع شخص يظن انه هو عبد وطامس بخره الفساد واللااخلاقيات هو اعتراف ضمني..
طبعا لا... لأن مجرد تعاطفك مع شخص يظن انه هو عبد وطامس بخره الفساد واللااخلاقيات هو اعتراف ضمني..
منك للسماح لهيجي أشخاص بالتواجد بالمجتمع وأحيانا انت ايضا متملق وتدور مصلحتك الشخصية منهم اللي ممكن توصل حد ان تطمس بخيستهم وبنص خصيانهم حتى يقبطولك وانت الممنون وهذه كلش كلش مسألة طبيعية في المجتمعات عالية الذكاء في جانبها الأيسر أو متمضرطي الفكر اللي عدهم لغة الجنس والتقاحب...
طبعا بالمناسبة انحسر دور الأبيض البرجوازي اللي يظن انه الشروك طبقة دونية بسبب تغير ديموغرافية الحكم بالعراق لكن لا تزال موجودة وان وجدت واضحة تكون قاسية أكثر وخصوصا لمن يتقاحبون الجميع مع فد شخصية ذات صيط وكليط زمانه وتشوف انه هو يحب أن يذل وما يميز بس ربعه... هذه الطبقية موجودة
فأنت شراح تسوي؟؟
لا تسوي شي، تعرف مقامك وين، اول مره، تعرف ولازم تبين رفضك، ولازم تفضح وجودهم، لأن هذوله عاهات وعارات وبقائهم بالمجتمع ارضة يعني ينخرون بالأساس ويهدون شكو قيم ومبادئ من أجل مصالحهم... فحتى تحافظ على نفسك... ارفضهم وافضحهم وسلام... محبات
لا تسوي شي، تعرف مقامك وين، اول مره، تعرف ولازم تبين رفضك، ولازم تفضح وجودهم، لأن هذوله عاهات وعارات وبقائهم بالمجتمع ارضة يعني ينخرون بالأساس ويهدون شكو قيم ومبادئ من أجل مصالحهم... فحتى تحافظ على نفسك... ارفضهم وافضحهم وسلام... محبات
جاري تحميل الاقتراحات...