مواصفات الزوجة المصرية
🌺متجدده🌺
حيث تتفنن في طريقة ربطها للطرحه في البيت كل يوم..
يعني ساعات تربطها علي ورا بس
وساعات ترجع تربطها علي فوق..
دايما هتلاقي شكلها مختلف..
🌺متدينه🌺
ستجدها لا تكف عن الدعاء طوال اليوم مثل
“ربنا ياخدني ويرحني”
“ربنا يوعدكم بمراة أب تطلع عنيكم”👇

🌺تقدر زوجها🌺
يعني عمرك ما تلاقيها بتزعق لجوزها غير قدام قرايبهم بس
🌺مرنه🌺
وده بيظهر و هي رايحه تشتري حاجه من أي بياع..
بحيث بتقدر بمرونتها انها تاخد الحاجه أم 50 ب 15 بس 👇

🌺رشيقه🌺
اه رشيقه.. وده لأنها بتقدر وبرغم ما وصلتله من كم هائل من الكيلوجرامات أنها تروح وتيجي وتشتغل ولا كأنها وزنها 50 كيلو
🌺واثقه من نفسها🌺
وده بيظهر و هي بتتفرج مع جوزها علي “كيد النسا” و تلاقيها بتقوله شوف سميه الخشاب بقت تخينه ازاي مش عارفه هي سايبه نفسها كده ليه. 👇

🌺ارادتها قويه🌺
بالذات أما تكون عايزه تعمل حاجه وجوزها مش راضي تلاقيها تفضل تزن علي دماغه تزن علي دماغه لحد ما ينفذلها طلبها.
🌺فنانه🌺
بتتفنن في أنها تنكد علي جوزها وكل واحده لها طرقها و أساليبها.
🌺بتهتم بنفسها🌺
أول ما تعرف أن جوزها خلاص قرر يتجوز عليها.
@Rattibha