ثريد اليوم عن اشي انتشر قبل فترة وهو تسمم الحيوانات وشو الإجراء بهيك حالات. انا راح اشرح عن اهم السموم وشو التصرف الصح. بس قبل ما ابدا بدي أأكد على موضوع ضروري بمعظم الحالات لازم تاخد الحيوان عالعيادة. وراح اعمل الموضوع قسمين الأول عن أشياء سامة بالبيت وبعدين عن حيوانات الشارع.
اول اشي راح اشرح عنه هو المأكولات السامة للحيوانات:.
الاڤوكادو تعتبر فاكهة سامة لجميع الحيوانات والطيور وحتى الأسماك وبتعمل اضرار بالقلب وبتعمل نزيف بالثدي بالحيوانات المرضعة. العلاج هو انو نخلي الحيوان يستفرغ بالإضافة المسكنات و أدوية بتخفف من اضطرابات القلب توصف من قبل الطبيب البيطري. بالإضافة للسوائل الوريدية
العجين بكون فيه خميرة تؤدي للانتفاخ بالمعدة قد يكون قاتل. و بتعمل خلل بالاملاح و الحموضة الطبيعية بالإضافة لأعراض عصبية. العلاج المنزلي بدنا نغصبه يشرب مي باردة حتى تقلل تخمر العجين والخميرة تموت. و لازم يروح على دكتور لانو احتمال يحتاج جراحة حتى يتم إزالة العجين
الشوكلاته تعتبر سامة جدا بالحيوانات. ولازم تدخل بيطري عالسريع لانه بتعمل اضطرابات حادة بالقلب و تشنجات قوية. الحل هو اذا اكلهم الحيوان خلال ساعة أو قبل ما تظهر الأعراض نخلي يستفرغ ونعطي حبوب فحم حتى تمنع الجهاز الهضمي من امتصاص اي بقايا. وضروري جدا بهاي الحالات انو يروح لدكتور .
العنب والزبيب: من المأكولات السامة للقطط والكلاب وبتعمل فشل كلوي فيهم. بدنا نخلي الحيوان يستفرغ وبعدين نعطي حبوب فحم و لازم يروح على دكتور بيطري حتى يعطي سوائل وريدية بتساعد بأنه يتخلص الجسم من السموم اسرع وتحمي كلى الحيوان
سكر الزايلتول هو عبارة عن محلي صناعي موجود تقريبا بكل الأشياء الزاكية الي بنحبها. ف البنكرياس بطلع كميات مهولة من الأنسولين وبصير بالتالي نقص حاد بالسكر الطبيعي المفروض يكون بالجسم. حبة علكة فيها كمية زايلتول ممكن تقتل كلب صغير أو بسة. بهيك حالة لازم تروح عالبيطري فورا+
حتى يعدل نسبة السكر بالدم. وممكن تعطي حيوانك شوية عسل او شوية سكر عادي لحد ما توصل عالدكتور.
البصل و الثوم بعملو تكسير بخلايا الدم بالتالي فقر دم بالقطط والكلاب وبرضه فشل بالكبد و انا شفت بسس ماتت من الثوم وكان مناقشتي التخرج بالجامعة عن هالموضوع. ف ما تخلو حيواناتكم يوكلو مسخن ومكمورة وملوخية معكم.
طبعا كل هاي الأشياء الي ذكرتهم سامة ومشتقاتهم كمان سامة. يعني مثلا كيكة الشوكلاته، الغواكمولي، ملوخية.. الخ اي اشي في هاي المكونات يعتبر سام ولازم نتجنبه.
هاي الصورة كمان فيها مأكولات تانية ما ذكرتها لازم الحيوانات تجنبها. وسكر الزايلتول تقريبا موجود بكل اشي حلو بتشتري حتى الكيك
هاي الصورة كمان فيها مأكولات تانية ما ذكرتها لازم الحيوانات تجنبها. وسكر الزايلتول تقريبا موجود بكل اشي حلو بتشتري حتى الكيك
هسا بدنا نحكي عن اشياء بالبيت ممكن يتعرضولها الحيوانات وتكون سامة:
الكحول: انا شفت كتير حيوانات خلال تدريبي تكون شاربة كحول من الناس بس لغرض التسلية ويشوفوا أثره عليهم. بس هم جسمهم مش مهيء لتكسير الكحول. بأثر على نسبة الأملاح بالجسم، انخفاض شديد بدرجة الحرارة، تشنجات وأعراض عصبية.
العلاج هو يروح على طبيب بيطري و الفحم ما بشتغل بهيك حالة. ممكن نخلي يستفرغ اذا كان تعرض للكحول قبل 20-40 دقيقة بعد هيك عالفاضي.
الكلور بعمل حروق بالجهاز الهضمي وتقرحات شديدة بالإضافة لتهيج شديد بالجهاز التنفسي من ريحته. الطيور حساسين اكتر للرائحة. العلاج: ممنوع منعا باتا نخلي الحيوان يستفرغ بهيك حالة. ممكن نعطي حليب او مي باردة حتى تخفف. و اذا اجا عالعيون او الجسم تغسيل 10-20 دقيقة بالمي. واكيد يشوف دكتور
الأدوية المسكنة بالبيت: البنادول، بروفين، نابروكسين... الخ هدول سامين للقطط والكلاب وبعملوا فشل بالكبد في حال الحيوان تاعك اكل منهم بالغلط لازم يروح عيادة فورا. بس الأشي الي بتقدر تعملو تعطي حبوب فحم لحد وصولك العيادة.
بالنسبة للعلاج لكل الحالات الي انذكرت فوق:
1- اوعك تحاول كشخص بالبيت تعطي الحيوان تاعك اي اشي يخلي يستفرغ، لانو في اشياء اذا خليته يستفرغ راح تزيد الأمر سوء وممكن تقتله بدل ما تساعده.
الأحسن يتم الموضوع عن طريق أدوية موجودة عند الطبيب البيطري
1- اوعك تحاول كشخص بالبيت تعطي الحيوان تاعك اي اشي يخلي يستفرغ، لانو في اشياء اذا خليته يستفرغ راح تزيد الأمر سوء وممكن تقتله بدل ما تساعده.
الأحسن يتم الموضوع عن طريق أدوية موجودة عند الطبيب البيطري
2- حبوب الفحم هم مش العلاج السحري لحالات التسمم وما بنفعو لكل اشي. عشان هيك كتبت بشكل واضح بأي حالات يتم استعمالهم وما بغنوا عن زيارة الطبيب البيطري.
3- حبوب الفحم كم جرعتهم؟
بعتمد على الوزن وعلى تركيز الفحم بالحبوب. عشان تحسبوهم لحالكم (وزن الحيوان * 3) / تركيز الحبوب الي بكون موجود عالعلبة. او خلي الصيدلي يشوف هاي المعادلة راح يفهم لحاله انو هي لحساب جرعة الدوا وراح يحكيلك كم حبة.
بعتمد على الوزن وعلى تركيز الفحم بالحبوب. عشان تحسبوهم لحالكم (وزن الحيوان * 3) / تركيز الحبوب الي بكون موجود عالعلبة. او خلي الصيدلي يشوف هاي المعادلة راح يفهم لحاله انو هي لحساب جرعة الدوا وراح يحكيلك كم حبة.
4- اكيد زي اي دوا تاني في آثار جانبية لحبوب الفحم زي اختلال نسب الأملاح بالجسم، استفراغ، البراز بصير اسود، حساسية من الفحم. وغير هيك حبوب الفحم بتوسخ كتير وبتشحبر ف حطوهم بمكان عادي يتوسخ في حال استفرغ او انسهل الحيوان.
5- متى بعطي حبوب الفحم؟
حبوب الفحم احسن اشي تنعطى خلال اول ساعة من وقت التسمم قبل ما يصير امتصاص كبير لكل المادة السامة من الجهاز الهضمي. بس حتى لو بعد ساعة برضو كمان الأحسن تعطي عشان في سموم الجسم برضو برجع بعيد هضمها كمان مرة.
حبوب الفحم احسن اشي تنعطى خلال اول ساعة من وقت التسمم قبل ما يصير امتصاص كبير لكل المادة السامة من الجهاز الهضمي. بس حتى لو بعد ساعة برضو كمان الأحسن تعطي عشان في سموم الجسم برضو برجع بعيد هضمها كمان مرة.
انا راح احط فيديو كيف الواحد يعطي حبوب بشكل عام للبسس او الكلاب.
الكلاب:
الكلاب:
القطط:
6- ضروري تخلي الحيوان دافي لحد ما توصل عالعيادة، لانو بمعظم حالات التسمم بصير في نقص حاد وسريع بدرجة الحرارة.
7- انا عارف راح يجي ناس بالكومنتس تكتب مثلا انا كلبي بوكل سنيكرز كل يوم ما صار اشي، بحب احكيلك ما تفاول على كلبك و ما تعطي سنيكرز لانو انت بتضر فيه هيك ومش اشي منيح او صح تعطي حيوانك كل اشي بدو اياه.
8- اشي مهم جدا. اوعك تحاول تعطي حيوانك اشي اذا كان غير واعي عن الطريق الفم وما بقدر يبلع حتى ما يدخل عالرئتين بالغلط. بهاي الحالة بنلجأ فقط للحقن.
انتهى الثريد وان شاء ما حد بضطر يمرق بكل هاي العجقة وانتبهوا على حيواناتكم واتمنالكم حياة سعيدة مع بعض ❤️
انتهى الثريد وان شاء ما حد بضطر يمرق بكل هاي العجقة وانتبهوا على حيواناتكم واتمنالكم حياة سعيدة مع بعض ❤️
نسيت احط شكل حبوب الفحم 😅
شايفين كيف بشحبر.
شايفين كيف بشحبر.
جاري تحميل الاقتراحات...