#تويتر كشبكة اجتماعية تفرق عن الشبكات الاخرى بمعنى هناك حسابات مليونيه مايتعدى تأثيرها مقارنة بعدد المشتركين 5% بمعنى يتابعه مليون ومايشوف المحتوى الا 50 ألف شخص وهكذا وهذا امر معروف وواضح، لكن مش فرق شبكات التواصل الاجتماعي الاخرى ؟
طيب خلونا نجي لـ #انستقرام عدد المتابعين ينمو بشكل خارق وتحصل تأثير المشاهدات مايتعدى 50% في الغالب واحياناً يصير 500% حسب المحتوى اللي تقدمة لان انتشارك يعتمد على عدد اللايك والفولو في قائمة الاكتيفيتي واعلاناتهم الرسمية وتأثيرها ملحوظ ومؤثر ولا ننسى التوثيق ..
#اليوتيوب من وجهة نظري هي احسن شبكة تواصل اجتماعي من ناحية الاقتراحات وطريقة انتشارك في الباك اند، بمعنى كثير نلاحظ بأن عدد المشتركين 200 ألف وعدد المشاهدات يصل مليون ولكن عشان توصل هذي المرحلة تحتاج استمرارية ومجهود كبير اذا بنتكلم انك هادف ..
نجي لموضوع #سناب_شات كانت شبكة فاشلة نجحت بسبب الستوري، طلعت نجوم في منصتها لان هم اساس المنصة فصار عندنا ديسكفري فبالتالي اللي موثق حسابه دايم يكون هناك فنجد بالغالب عدد المشاهدات اعلى من عدد المشتركين واحياناً يكون اقل ولعبوها صح كم البداية من ناحية اخفاء الارقام ..
طبعاً #سناب_شات يواجه خطر قلة الخيارات اللي يقدمونها للمشاهير فصارو يساعدونهم على الظهور، يواجه خطر في طريقة عرض الاعلانات الرسمية علماً انها مؤثرة من واقع تجربة، فبالتالي نجدهم كل شي يطلعون لنا بفلم عشان نرجع من جديد ..
لو بنتكلم عن #تيك_توك من وجهة نظري هي الانجح في الوقت الحالي بحكم المحتوى المختلف عن الموجود في جميع المنصات الاخرى، الباك اند وطريقة الانتشار والكلمات الدلالية لو مشتركينك 500 ممكن يشوفك مليون شخص وهكذا ..
في الختام لازم في كل منصة تصير (ملكع) وتفهمها مضبوط عشان (تصير ذيب) استخدام اسلوب واحد مع الكل بيخليك تخسر، استخدامها كلها بالغالب مرهق، محتواك يحدد مكان تواجدك، لا تنسى هي منصات تسويق وليست منصات محتوى (ارشيف) تساعد على الانتشار وهكذا.
جاري تحميل الاقتراحات...