طالب في جامعة كولومبيا نام في محاضرة رياضيات غصب عنه وصحي على صوت الطلبة لما المحاضرة خلصت.. لقى الدكتور كاتب على السبورة مسألتين.. قال ديل أكيد مسائل الواجب ونقلهم في كشكوله عشان يمشي يحلهم..
لما رجع وحاول يحلهم لقاهم مسائل صعبة جدااا.. 👇

بس قعد يحاول ويحاول ويمشي المكتبة يجيب مراجع ويبحث لحد ما قدر بالعاااافية يحل مسألة واحدة منهم بس..
في المحاضرة اللي بعدها لقى الدكتور ما سأل على الواجب!
فقام وسأله: يا دكتور انت ما سألت على مسألتين الواجب بتاعت المحاضرة اللي فاتت اللي كتبتهم على السبورة في آخر المحاضرة!..
👇👇

الدكتور قاليهو: واجب!! .. ديل ما كانو واجب.. دا أنا كنت بضرب بيهم أمثلة على المسائل الرياضية اللي عجز العلم عن حلها!
اندهش الطالب وقاله: بس أنا حليت واحدة منهم!
واتسجل حل المسألة في جامعة كولومبيا واتعرفت باسمه لحد اليوم.
👇

الطالب ده حل المسألة لسبب واحد بس.. إنه ما سمع الدكتور وهو بيقول "ماف زول عرف يحلها"..
أقنع نفسه إنها لازم تتحل.. فلما جرب طلع بيعرف.
ماتسمع لي زول يقولك ما ح تقدر
انت تقدر تعمل اي حاجه مهما كانت الصعوبات
خليك مؤمن بالله وبقدراتك اللي وهبك ليها..
ماف حاجز قدامك غير البتعلمو انت.