رتبها

ثريد سنوي
الحكم الاربعينية 😂
كل سنه و انتم طيبين... اليوم تميت 44 سنه بحمد الله... لكن سنه 2020 دي مخصومه 😂😂😂...

كعادتي كل عيد ميلاد لي بعد الاربعين بنزل النسخة المنقحة من حكم و نصائح كده بعدد سنين عمري ممكن عادي ما تهمكم في شي:

1- اتذكر انه الاسرة هي أولويتكم الأولى عشان الحياة حتجتهد إنها تغير اولياتك
2- في فرصه تانيه و ثالثه عادي ما تتمسكو شديد

3- السعادة بتكون في الحاجات الصغيرة (حاجة كده ذي الومضات الصغيرة لكن لما تتلمى مع بعض بتنور حياتك)
4- الشغل موش هويتك او سبب حياتك

5- صاحب كويس و ما تقنع من صاحبك القديم... فتشو لم راح منك
6- احسن النية و خليك حذر

7- خليك kind ياخ عشان الناس ما مستحمله كلها... طبطب لو بتقدر او لو ما عندك كلمه كويسه اعمل رايح... صعبه دي؟
8- عبببببرو عن حبكم لعيالكم و لاهلكم و لاصحابكم و للحنان الذي حنانو زاااتو

9- اكسب وقتك و اغفر سريع و ابدأ تاني

10- تحدي خوفك... ياخ هزيمة الخوف دي من اكتر الحاجات المحمسة في الدنيا... بس المشكلة الخوف ما بينتهي و كل خوف بعديهو بيجي خوف ممكن يكون أكبر منو ذي في مراحل البليستشن كده تقتل الوحش ابن الكلب عشان يجيك واحد اكبر منو و هكذا...بس دايما اهزم الوحش ده حتى لو بعد كم محاولة...

11- شاااااور و ماااا تعمل فيها شفت ساي... دايما في ناس بيفهمو احسن منك في حاجه او حاجتين...
12- خيط هدومك ما تشتري جاهز طوالي

14- اعرف ناس بتفهم و صاحبهم و اقعد معاهم قدر يتحملوك... و الله بتتعلم سريع شديد
15- اقرأ عشان تفهم انك لسه جاهل و انه لسه السكه طويلة

16- انت لسه ما وصلت بس السكة بتتضح و انت ماشي فيها... شد حيلك
17- اعمل شغل بالجمبه... أبدا بأي حاجه وامشي قدام

18- اربط حزام الامان (انقذ حياتي عدة مرات)
19- فسح امك 😍😍😍

20- اتعلم علي الاقل لغة تانية واحدة ( انا داير اتعلم فرنسي و اسباني)
21- عرسو اصحابكم لو بتقدرو 😍😍

22- دايما لازم يكون عندك زول بيضحكك شديد... امسكو فيهو قوي
23- زورو الجامعة مره مره بعد اتخرجت 😉

24- لاقو الزول داك الكان بيحقر بيكم زمان بالذات الزول الحسه حجمه صغير مقارنة بحجمك بما كبرتو... نيييهاااهههااا 😈
25- سافروا كتير في افريقيا (من اجمل ما شفت)

26- الحب تفاصيل
27- صاحب ابوك 😍😍😍😍
28- افحص السكري كل فتره لو عندكم سكري في الاسرة ( كنت حأروح فيها بعدم معرفتي اني عندي سكري و اشيل و اضرب في الباسطه)

29- ما عيب انك تتجرس و تتعب... ارتاح شوية وقوم على شغلتك ما تتكسر قبلك
30- اضرب تلفون لعمتك في البلد ساي كده سلم عليها 😘😘

31- اكرم نسايبك بيكرموك... ده برضو إكرام لبتهم

32- مره مره اختفي تمااااما

33- في الفيسبوك اقبل اضافة الناس البتعرفهم بس... زهرة الشرق و فاتنة بربر و بت الحته الفلانية و اسد الصحراء ديل ما اصحابك...

34- عزيزي الرجل كان احتجت تبكي ابكي ساي عشان دي ما عندها علاقه بالرجالة... دي انسانية عادية
35- دائماً و انت جاي من بحري بكبري المك نمر لازم تشتري ليمون من مدخل الكبري

36- لما تحزن اخد وقتك في الحزن و ما تكلفتو و اديهو وقته.
37- لما تسافر حته حلوه اتفرج و انبسط اكتر مما تصور

38- ساعد ناس كتااااار... افراد جماعات مؤسسات مجتمعات قدر قدرتك... ربنا بيخضر ضراعك

39- أدي الناس قيمتها و ما تستصغر او تستحقر زول... الدنيا سدايه و رضاية
40- أقرب طريق لقلب الرجل هو الحنية ياخ و الله اسمعن كلامي ده

41- خليك شكاك و ما تاخد اي كلام ساي... حتستغرب بكمية الكلام الفارغ الما عندو أي أساس البيتقال ليك او بيجيك
42 - خصص وقت العب مع الأطفال و اتونس معاهم... حاول تتشرب بحماسهم للحياة

43 - ما تخاف من تغيير مسارك الوظيفي اذا خطط للقصة دي شديد... حتى لو غيرت كم مره... خاصة لو بتكره شغلك... معظم وقتنا و عمرنا بنقضيه في الشغل... عليه ما تقعد في حتة بتضيع عمرك ساي...

44- العب العاب فيديو باعتدال... كويسه شديد و بتخليك تفكر كويس و بتفشك برضو 😂

نلاقيكم السنه الجاية ان ربنا مد في العمر و كل سنه و انا طيب
حسام عمر النصري
#حنبنيهو
#اربعينات

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد