دييجو جوتا بروفايل متكامل للمهاجم، لاعب متعرفش تقول عليه مركز محدد في الملعب من أيام وولفرهامبتون،
ثريد..
ثريد..
في المنطقة مش بس مهاجم مساحة يقدر يخطف الثغرة اللي بتتخلق من ممرر الكورة بين قلبي الدفاع أو قلب الدفاع والظهير، لا هو كمان مميز في التعامل مع المدافع نفسه، بلغة الكورة صايع،
يعرف إمتى ياخد المدافع على الثابتة أو يجرّيه بخطوة قبله بالكورة أو يحطه في ضهره ويفتح زاوية لنفسه ضد المرمى. الهاتريك اللي سجله النهارده مثلًا يثبت كل ده.
خارج المنطقة عارف ازاي يصنع مساحة، فكرة صنع المساحة أصلًا لإتنين أجنحة هدافين زي صلاح وماني بتحتاج تعامل مميز تحت الضغط خصوصًا لو الخصم بيقدم دفاعه بحيث يقابل جوتا بسرعة ويحرمه من التحرك بالكورة وزوايا التمرير لأقرب لاعب له.
النقطة الأكتر تميز لجوتا كمان هي التعامل بدون الكورة مع صلاح وماني وفيرمينو، تخيل 4 لاعبين بدون مراكز ثابتة وبأدوار مركبة لصناعة اللعب وإحراز اللعب ده، ماني وصلاح قعدوا فترة علشان يفهموا فيرمينو وبعدها صنعوا سجل تهديفي محترم،
جوتا لم يحتاج لوقت، حتى كبديل، تحسه شارب كورة حرفيًا، فاهم تحركاتهم على الأطراف بدون الكورة خصوصًا في التعامل مع الأظهرة، بيسلم ويتحرك بدون كورة أو بيستلم ويهدى على الكورة 3 ثواني ويمرر بسرعة ويتحرك برده بدون كورة.
كل ده بيصنع زيادة عددية بدون الكورة لحامل الكورة، من زاويتين تمرير مثلًا، لـ 5 زوايا تمرير على أقل تقدير!
روبيرتسون مثلًا بيستلم على الشمال، فجأة ماني وصلاح وفيرمينو وجوتا بقوا خيارات تمرير له، إتنين منهم أقرب له، وغالبًا بيكونوا ماني وفيرمينو، وجوتا بيتحرك في الأمام بين المدافعين وصلاح ماسك الخط!
نفس الكلام بينطبق على جبهة أرنولد، صلاح وفيرمينو أقرب، لكن أرنولد فيه ميزة، روبيرتسون بيحتاج مساندة مع ماني على الظهير علشان يعمل عرضية، أرنولد بيعمل ده لوحده، علشان كده صلاح بيعرف يتحرك في المنطقة براحته مع الباقي. وحشية هجوم ولا مركزية مميزة من كلوب!
بروفايل متكامل يا جوتا!
بروفايل متكامل يا جوتا!
جاري تحميل الاقتراحات...