نحتاج لطبطبة على القلب.. بحكي لكم قصة قصيرة وفضلت تكون بالعامية عشان تكون أقرب لقلوبكم..
السالفة كانت أيام الكلية والشخص اللي بتكلم عنه عزيز علي ويتابعني ويمكن يتذكر الموقف.. طبعاً ما بذكره ولا بمنشن اسمه عشان خصوصيته.. لو هو قرأ التغريدات وعلق عليها بمعناته أنه عرف بنفسه 😁..
السالفة كانت أيام الكلية والشخص اللي بتكلم عنه عزيز علي ويتابعني ويمكن يتذكر الموقف.. طبعاً ما بذكره ولا بمنشن اسمه عشان خصوصيته.. لو هو قرأ التغريدات وعلق عليها بمعناته أنه عرف بنفسه 😁..
أيام كنا ندرس في الجامعة كنا طالعين من اختبار من الاختبارات وكان صديقي اللي بسميه باسم "س" شكله مب على طبيعته وسألته شو فيك ونحنا كنا بين حشرة الطلاب يتناقشون عن أجوبة الامتحان.. رد علي وقال احس بحرارة.. بعدها كل واحد راح السكن ماله في حرم الجامعة ومرت كم ساعة وذاكرنا..
وكالعادة لازم نضيع وقت فالسوالف مع الشباب بس عشان نحصل حجة ما نذاكر.. المهم وقتها كنت مع ٣ من ربعي وقلت لهم "س" ما شفته للحين من عقب الامتحان وكان تعبان. رحنا غرفته ودقينا عليه الباب كم مرة وفتحه..شكله كان تعبان ومن فتح الباب..
كلمناه نطمن عليه وما كملنا ١٠ ثواني إلا وطاح علينا مسكين بس ما فقدت الوعي.. عقبها شليناه بموتر واحد من الشباب ووديناه المستشفى وكان فيه حمى والحمدلله رجعنا الجامعة مع زقزقة العصافير 😂😂 أسولف.. رجعنا الجامعة وباليوم الثاني اتطمنت عليه وكان بخير..
الشاهد من الأمر ومن هالموضوع كله.. أنه نحن بشر وكتلة من المشاعر ونحتاج للي يطبطبون على قلوبنا.. للأسف الأغلب قام ينشغل ويوم يحتك باللي حوله بس عشان سوالف وضحك والسلام.. اتكلم طبعاً عن الجنسين مش بس فئة الذكور..
نادر ما يكون فيه نقاش يبدأ ب"شو مضايقنك" أو "شو تحس" ونادر ما يكون فيه فضفضة تنبع من القلب وتكون عميقة.. مب شرط الفضفضة عن الأسرار لأنه أكيد فيه ناس بتقول لي أنه اللي حولها ما يؤتمنون (ما أدري كتبتها صح ولا)..
كم من شخص محاط بالناس والأصدقاء ولكنه مكسور من الداخل.. أو كابت أمور كثيرة ما يطلعها في أحلامه لمن ينام أو في مواقع التواصل الاجتماعي.. كم من شخص احتاج أي حد يسمع له وحتى ولو غريب بس يسمع له ويروح وكأنه يقول له على صدري ثقل احمله عني وارميه بعيد..
رفقاً بالمشاعر والقلوب، وخلونا أكثر حب وإنسانية.. اتركوا عنكم الترهات والتفاهات اللي تشغلكم عن اللي حولكم.. فضفضوا للناس اللي تنصت قبل لا تسمع وعندها قلب كبير.. فاتساع العالم ضيّق على كثير من القلوب..
دمتم بود 🙏🌺
دمتم بود 🙏🌺
جاري تحميل الاقتراحات...