@hend3333 تذكرت قول "النية مطية" ولها قصة..
اثنين اخويا فقير وتاجر.. يحبون الخير لبعض.. التاجر طلب من الفقير إنه يخاويه للتجارة بالدراهم اللي عنده لو كانت بسيطة وبيعطيه "مطية" يحمل عليها بضاعتة..
رحلوا يوم جاء وقت الغداء وهم ينزلون عند ذيك الشجرة..
يتبع

@hend3333 الفقير أركى المعاميل يزين الغداء وعلق كيس الدراهم على الشجرة والغني نزل فراشه وانسدح وعلق بعد كيس دراهمه على غصن حوله.. ما امدى التاجير يغفي إلا ذاك الغراب يلقط كيس دراهم الغني والفقير يشوفه ضاق صدر الفقير وقال يمكن إن خويه بيتهمه بالسرقة..
يتبع

@hend3333 أخذ الفقير كيس دراهمه وحطه مكان كيس الغني وقال عسى ما ينتبه أن الدراهم شوي..
يوم زهب الغداء وقظ خوية وتغدى معه قال الفقير بدء لي إني ما أروح معك وتعذر منه و بعد محاوله من الغني قاله الله يختار لك الخيرة المباركة..
رجع الفقير لأهله والغني كمل طريقة..
يتبع..

@hend3333 الغني قبل المغرب يبي يستريح شوي تحت ذيك الشجرة ويرفع رأسه و لا هذا عش فيه كيس احمر يستدنيه بعصاه إلا وهو كيس الدراهم.. يعدها ولاها دراهمه يطلع الكيس اللي معه واثرها أقل.. آه عرف إن الغرب السروق أخذ الكيس وأن خويه حط له الكيس..
يتبع..

@hend3333 التاجر وصل و باع واشترى وربح خير يوم جاء يعود حمل المطايا من كل خير ورجع لخوية ويعطيه دراهمه ويعطيه المطية باللي عليها.. وقال له خذ هذا حلالك.. استغرب الفقير قال أن ما سويت شيء.. قال الغني مطيتك نيتك رحلت معي وجابتلك الخير..
أنتهى..