الكبير كبير بأفعاله ومواقفه وردوده اللي تخليه يترفع عن الزلات اللي يرتكبها الكل واللي اهوا أكبر منها.
فلا كان الكبير صغير بشخصه تعامله بحجمه، مو بحجم توقعاتك عنه ولا وفق الصورة النمطية لأنه كسر القاعدة.
لا تسمح لصغير يهمشك بس لأنه متفوخ بغروره.

جملة "العمر مو رقم" ما تنطبق على أعياد الميلاد بس، تنطبق على كل شي.
العمر مجرد وهم حقيقة، الواقع هو اللي يحدد شكبر مواقفك، شعمق تفكيرك، شجاعتك وشكثر تقدر تكون محل ثقة ودعم وسند وقوة.
بس لأنك الأكبر ما يخليك الأكثر حكمة ولا الأكثر قدرة على التحكم.
يخليك بمكان أنت مو بمحله ساعات.

كبّر اللي يستاهل، وصغّر اللي ما يسوى بداخلك، عشان مو كل من هب ودب يأثر فيك ويهز كيانك ويبعثر يومك.
في اللي العمر يوقف عشانه، وفي اللي حسافة ترد على مسج يسألك فيه: "شلونك؟".
حتى لوني خسارة تعرفه 😂