عايز اقول حاجة وعارف انه مافيش فايدة علشان ناس كبار في فهمهم ومسؤولين كمان بيقولوها واحنا الحمد لله بنسمع الكلام اوي علشان عندنا ديموقراطية زي الفل . اولا مسالة ان دي مؤامرة عاملاها فرنسا علشان تاخد موقف من المسلمين فدا كلام فارغ . ليه ؟
لان فرنسا عندها قانون بيمشي علي القريب والغريب ومش محتاجة تقتل حد من اهلها علشان تعمل كدا وممكن جدا تصدر قوانين او قرارات تحد من الهجرة او تزيد الرقابة علي الهيئات الاسلامية فدي بلدهم وهم حرين فيها . تاني حاجة اللي بيبرر دا بما فعلته فرنسا في مستعمراتها عليه
ان يحشد الجيوش ويحتل فرنسا ويعمل اللي عايزه مش تقف علي باب القنصلية تعيط علشان مضطهد في بلدك ومش لاقي تاكل ولا تتعلم ولا تتعالج ولما يفتحوا ليك الباب وتلاقي قيمة لنفسك وحياتك تروح تقتل فيهم .
دي بأه اللي اسمها خسة ومؤامرة منك او من بلدك اللي رمتك وعاملة بتدافع عنك . تالت حاجة فرنسا مش بلدك رئيسها مش المهدي المنتظر ولا ولي الامر . مواطن منتخب كل اللي يقوله زي ما بيلاقي قبول عند البعض بيلاقي رفض عند البعض كلامه مش منزل من السما ومعارضته هناك طبعا مابتدخلش حد السجن
رابع حاجة اي جرنال هناك او مجلة مش المتحدث الرسمي للدولة الفرنسية . دي صحافة حرة فيه اللي بيقراها واللي مش بيقراها والاهتمام بيها بالشكل الفظ اللي حصل هو اللي بيديها اهمية . ومش حيحدوا من حرية الصحافة علشان حضرتك زعلان . اللي زعلان هناك مابيشتريش الجرنال
خامس حاجة واسهل حاجة . دين ايه اللي بتتكلموا عنه في فرنسا ومقدسات دينينة ايه . ثورات فرنسا كلها كانت من اجل فصل الدين عن الدولة . عايز تعلمهم الدين بعد مئات السنين من انتهائهم من المسالة دي . ياراجل دا هم لان دا موضوع ثانوي سايبينك تبني مساجد وتصلي . زيك زي المسيحي واليهودي
علي اساس انك حتفهم ان برة الجامع او الكنيسة او المعبد انتهي دور الدين والناس عايشة حياتها بحرية
جاري تحميل الاقتراحات...