#ثريد(صندوق العجائب) :
هل كنت متخيل انو فيوم من الايام وفي مكان (معزول!) عن العالم تلاقي حاجة تغير حياتك كلها؟ولكن!
.
(قصة حقيقة يرويها شاب قرر يمشي يشتغل في تنقيب الذهب)
(⭕مجرد ريتويت حيبسطني🙏🏻⭕)
هل كنت متخيل انو فيوم من الايام وفي مكان (معزول!) عن العالم تلاقي حاجة تغير حياتك كلها؟ولكن!
.
(قصة حقيقة يرويها شاب قرر يمشي يشتغل في تنقيب الذهب)
(⭕مجرد ريتويت حيبسطني🙏🏻⭕)
-احداث قصتنا حصلت في منطقة (ابو حمد) وهي منطقة معروفة بوفرة الذهب فيها ولكن كما يقول المثل:
(الكنوز تحرسها الشياطين)
.
-(لو ماعامل رتويت اطلع فوق اعمل💁🏻♂️)
(الكنوز تحرسها الشياطين)
.
-(لو ماعامل رتويت اطلع فوق اعمل💁🏻♂️)
-اسمي (علي). ٢٤سنه حصلت القصة دي قبل ٣ سنوات لمن كنت ف اجازة ثالث ثانوي كانت اجازة طويلة شديد وانا زهجت من القعدة في البيت وحاولت استفيد من الاجازة بكل الطرق اشتغلت ف حاجات كتيرة لكن زهجت فا فيوم من الايام جا خالي البيت وشافني ماعاجبني الوضع فقالي ارح معاي الدهب!
-طبعا امي رفضت.
-طبعا امي رفضت.
-صراحة انا كنت متحمس شديد فأصريت على امي وحاولت اقنعا بكل الطرق واقتنعت (ياريتها ما اقتنعت اليوم داك). دقيت على خالي وكلمتو انو انا ماشي معاكم قالي خلاص تمام صلاة الفجر نلقاك جاهز قدام الجامع ونتحرك جهزت نفسي وودعت ناس البيت وطلعت. ف البداية كنت خايف لانو سامع بالقصص..
.. في الخلا والجن والحاجات دي وانا علاقتي ما قوية شديد مع الصلاة يعني مرات بنوم ومرات بنسى.
-جات صلاة الفجر صليت وجا خالي زاتو صلى ف الجامع ومعاهو باقي الناس الماشين وكان اغلبنا قرايب ومعارف. ركبنا ف العربية واتحركنا متجهين على ابو حمد (ماعارفين المنتظرنا هناك شنو!!).
-جات صلاة الفجر صليت وجا خالي زاتو صلى ف الجامع ومعاهو باقي الناس الماشين وكان اغلبنا قرايب ومعارف. ركبنا ف العربية واتحركنا متجهين على ابو حمد (ماعارفين المنتظرنا هناك شنو!!).
-بعد ما وصلنا اتوجهنا على منطقة فيها سوق وصراحة الاشكال هناك براها تخوف ومناظر الناس دا غير انو اصلا نحن ف منطقة شبه معزولة (انا كنت الوحيد الجديد في مجموعتنا ف شعور اول مرة دا دايما غير)
-اتحركنا ووصلنا مكان عبارة عن (صحراء) وراك وقدامك وجميع الاتجاهات عبارة عن تراب مافي اي معلم للحياة حتة مقطوعه بكل ماتعنيه الكلمه من معنى ومليانة بجميع انواع الحيوانات الصحراوية (ضباع)، ثعالب وثعابين وعقارب يعني اقل غلط مممن تودع الحياة الدنيا كانت لسة صباح وعز الظهر.
-وصلنا مكان معين ونزلو اتنين معاهم اجهزة وبدو يفتشو وانا جابوني معاهم كطباخ ف نزلت افتش لي حجار علشان اولع فيها نار كنت مكتئب شديد انا عايز افتش زي الناس دي وخلوني جمب العربية ومشو..
-جات العصريات كدة ورجعو ماكان لقو حاجة ف شلت جهاز وقلت افتش انا وكان وروني الاستخدام حقو كيف.
-جات العصريات كدة ورجعو ماكان لقو حاجة ف شلت جهاز وقلت افتش انا وكان وروني الاستخدام حقو كيف.
-بقيت ماشي وبفتش الدنيا بدت تضلم وانا ببعد كل شوية وصلت مكان بعيد وانا مركز مع الصوت حق الجهاز بتاع استكشاف المعادن..
.
.
فجأة!!
⭕ (تحذير) ⭕
.
.
فجأة!!
⭕ (تحذير) ⭕
سمعت صرخة عالية شديد شديد انا كنت سامع صوت الهواء فجاة بقيت ماسامع شي غير الطنين وحاسي بجسمي بقى بارد وسامع نبضات قلبي اتلفت وراي وبقيت راجع على العربية بس شايف نورا من هنا وانا بقول( اعوذ بكلمات الله التامات من شر ما خلق) انا متماسك شديد بس من شدة الخوف انا متاكد..
الجهاز طلع صوت( ذهب) قرابة تلاتة مرات لكن منو البيقيف هنا دا؟ ماوقفت الا وانا جمب العربية وبعد ما شفت جماعتي حتى انا قدرت احس بشوية امان شافو حالتي فسألوني مالك وانا ماقادر اتكلم زاتو قلت ليهم سمعتو الصوت؟ قالو اي سمعنا فا وريتهم انو الصوت دا كان ف الحتة الكنت فيها انا.
-في الرحلة ديك حصلت لينا اعجب الحاجات(طبيعي ف البر) بس اكثر شي وصلني انا لمرحلة من الخوف قريبة من الجنون (ثالث يوم):
-كالعاده طلعو الناس يفتشو عن ذهب وانا طلعت افتش لي عن حجار ارفع فيها الحلّة عشان اولع نار.
مشيت بعيد من العربية الا والاقي شبه قطعه قماش كدة ظاهر نصها بس لي برة.
-كالعاده طلعو الناس يفتشو عن ذهب وانا طلعت افتش لي عن حجار ارفع فيها الحلّة عشان اولع نار.
مشيت بعيد من العربية الا والاقي شبه قطعه قماش كدة ظاهر نصها بس لي برة.
-القطعه كان لونا واضح يعني ممكن تميزا من نص التراب ف سحبتها وكانت زي المعلقة في حاجة اول ما قويت السحبة الارض بدت تترفع كلها كان في صندوق عديل كدة ملفوف ف طرف القطعه دي؟؟؟
كان صندوق خشب قديم شديد بس شكلو فاخر وفيهو نقوشات واشكال غريبة انا فرحت شديد قلت معناتها خلاص حيكون جواهو ذهب وحارجع بيتنا وانا غنيان شديد فتحت الصندوق وهنا انا جاني احباط ما بعدو احباط كان في النص فيهو حاجة كدة زي الصلصال لونها بني..
شديت الصلصال دا فا اتشرطت وكان جواهو سائل كدة لونو احمر؟ انا استغربت شديد قلت يمكن دم بس الجابو هنا شنو وليه دم وفي صندوق قديم كدا ولسة لا نشف ولا اتجلط فجأة حصلت حاجة اغرب من الخيال الحفرة الطلعت منها الصندوق طلع منها زول! كيف وهي صغير يد ما بتطلعها خلي زول كامل؟ انا بتخيل؟!
قالي: انا حارس الزئبق دا لي ٣٠٠ سنه!
-انا استغربت من الكلام وفي نفس الوقت عرفت انو دا جن وفي نفس الوقت خايف وماعايز اظهر كدة عشان ما يعمل لي شي قمت رديت عليهو قلت ليهو زئبق شنو؟ قالي دا زئبق احمر! وانا ما بقدر اطلعو لكن انت بتقدر معالم وشو كانت غريبة صوتو هادي بس مكشر وشو شديد؟
-انا استغربت من الكلام وفي نفس الوقت عرفت انو دا جن وفي نفس الوقت خايف وماعايز اظهر كدة عشان ما يعمل لي شي قمت رديت عليهو قلت ليهو زئبق شنو؟ قالي دا زئبق احمر! وانا ما بقدر اطلعو لكن انت بتقدر معالم وشو كانت غريبة صوتو هادي بس مكشر وشو شديد؟
قلت ليهو عايز ٣ كيلو ذهب! حاجة خرافية وماكنت مصدق اصلا انو ممكن يحصل شي زي دا فجاة نزل جوة الحفرة الصغير دي كيف ؟انا ماعارف وجا طالع شايل في يدو ثلاثة حجار قدر بعض قالي هاك فعلا طلعت حجار ذهب!! شلت حجر وعملت نفسي عايز اشوفو وقمت جريت انا ماعارف فكرت كدا ليه بس عملتها وجريت!
سمعت صوتو زي الصدى ف اضاني وقالي انا ما حاخليك؟ بس ما وقفت زاتو الا وانا جمب العربية كان واحد من الجامعه رجع قالي مالك مستغرب وانا بجر في نفسي وريتو الحجر بس الصلصالة كنت داسيها في جيبي اتخلع من الحجم وقالي دي قريب الكيلو لقيتو وين؟ قلت ليهو مشيت افتش حجار ولقيت دا (ماعارف ليه)
الدنيا ضلمت واتفقنا انو نرجع الصباح السوق علشان ابيع الدهب واي وانا راجع خلاص ماعايز اقعد تاني اكتر من كدة ف جريت خالي بعيد وقلت ليهو القصة خالي اتصدم و حذرني انو مهما يكون ما اوري زول بالموضوع دا؟ قال الخبر جا لو وصل السوق انت ممكن تتقتل عادي علشان العندك دا؟؟
انتهى الكلام بيناتنا انو نمسكها عندنا لحدي مانلقى طريقة نبيعا بس قبل مانفكر اصلا انتهى اي شي؟
كنا نايمين ف العربية فجأة حسينا بحاجة قوية بتخبط ف العربية من قدام ؟يعني منظر ممكن يخلي اي واحد يجن عادي فجأة بتتخبط العربية وما اي شي ظاهر حتى والنور حق العربية منور؟! بقينا كلنا بنقرا قرآن اتلفت على الشباك فشفت منظر حاجة غريبة شديد بتشبه البشر في المعالم....
بس ما شكل بشر نهائي عيون كبيرة وعندو سنون قريبة لسنون الحيوانات.حادة !وبيخربش ف القزاز ب ظفور طويلة؟وطريقة مزعجة. انا الزمن داك من شدة ماخفت بقيت ماسامع شي غير نبضات قلبي وصوت الجمبي بقول لخالي اتحرك اتحرك خالي دور العربية و كانت بتفحط في مكانا زي الكانو في شي مثبتها في مكانا؟؟
اتذكرت الجن اللقاني الصباح والصلصالة قلت معناتها دا هو وفنص الرعب الحاصل والحالة الغريبة دي والخبيط كل شوية ماشي بزيد وبيهز ف العربية والعربية ماعايزة تتحرك من مكانها فتحت الشباك ورميت الصلصالة بأقوى ماعندي فجأة العربية اتفكت زي المجدوعة بي منجنيق لانو خالي كان دايس بنزين.
بعدنا من المكان واي واحد ساكت ما بيتكلم مع التاني اتلفت عشان اعاين ورا اتخلعت تاني!
-نفس الزول القبيل لقيتو ف الحفرة قاعد في الصندوق الورا؟؟
وبعاين لي!والوضع عادي معاهو كانو ملصق ب العربية ونحن جارين في الخلا شديد والعربية بتطلع وتنزل وهو متربع ف الارضية وبعاين لي بس!؟
-نفس الزول القبيل لقيتو ف الحفرة قاعد في الصندوق الورا؟؟
وبعاين لي!والوضع عادي معاهو كانو ملصق ب العربية ونحن جارين في الخلا شديد والعربية بتطلع وتنزل وهو متربع ف الارضية وبعاين لي بس!؟
-انا طارت لي كل الايات الحافظا وبقيت ماعارف اعمل شنو ولا اسوي شنو شفت الموت بعيوني. وقلت لو ما عملت شي ممكن تحصل حاجة ف العربية ونتأذى كلنا شلت الحجر حق الذهب ورميتو بالشباك فجأة اتبسم واتبخر اختفى؟
.
فجأة اي شي بقى هادي مافي غير صوت الهوا المن الشباك الفاتحو انا.
.
فجأة اي شي بقى هادي مافي غير صوت الهوا المن الشباك الفاتحو انا.
خالي سأل بعد فترة قال انتو الدنيا هدت كدة فيكم زول عمل حاجة؟
.
-قلت ليهو اي رميت الصلصالة والدهب. فجأة داس فرامل قوية شديد لمن نحن الورا جينا قدام قعد يكورك انت عملت كدا ليه وبقى ينبز ويسبسب ورجع الناس دي كلها يقت تقولي انسى الموضوع وهو مٌصر انو نرجع نجيبو لحدي ماوصلنا...
.
-قلت ليهو اي رميت الصلصالة والدهب. فجأة داس فرامل قوية شديد لمن نحن الورا جينا قدام قعد يكورك انت عملت كدا ليه وبقى ينبز ويسبسب ورجع الناس دي كلها يقت تقولي انسى الموضوع وهو مٌصر انو نرجع نجيبو لحدي ماوصلنا...
المكان الرميت فيهو حجر الدهب نزل يفتش عليهو وشال معاهو جهاز اول ما نزل سمعنا صوت كف؟ كف قوي شديد وخالي بطلع في اصوات غريبة؟ زي الاطفال بقول ف كلام ما مفهوم؟ لمن نورنا الكشافات في وشو لقينا خشمو اتعوج بالجمبة؟وراسو دايخ شلناهو دخلناهو العربية ورجعنا على السوق.
وديناهو لشيخ وبدا يقرا عليهو حتى بعد فترة بدا خشمو يرجع مكانو وقدر يتكلم قال شفت حاجة سودا مشت عليهو بسرعه وادتو كف؟..
انا من الوقت داك حسيت نفسي ما طبيعي وفجاة عايز ارجع بيتنا رجكبت اول حافلة ورجعت الموقف واول بص راجعت رجعت معاهو كنت ماعادي وبسمع اصوات وبشوف خيالات سودا لافة ف البيت. وريت ناس البيت وجابو لي شيخ يقرا لي
حتى رجعت لطبيعتي ومن يومها تاني مافكرت امشي الدهب ولا حاولت الا قريب في بداية ٢٠٢٠ دي وحصلت لي برضو مواقف غريبة شديد لكن حاحكيها مرة تانية ان شاء الله.
.
.
(حبيبي يارسول الله)
(صلو عليه).
.
.
.
(حبيبي يارسول الله)
(صلو عليه).
.
ولحدي هنا انتهى الثريد بعتذر عن الاختفاء لكن انا في فترة فاينلات ومضغوط وكدا بس بين فترة وفترة اوعدكم انو في ثريدات لسة ولسة ف السكة 🌠
.
.
وبحبكم جدا ❤️
.
#ثريدات249
.
.
وبحبكم جدا ❤️
.
#ثريدات249
ماتنسو تشتركو في قناة اليوتيوب لانو حنبدا بداية نارية 🦸🏻♂️🔥
ولو ماعملت رتويت ارجع اعمل رتويت يا عزيزي❤️
youtube.com
ولو ماعملت رتويت ارجع اعمل رتويت يا عزيزي❤️
youtube.com
جاري تحميل الاقتراحات...