شباب احكي ليكم موقف شخصي سعيد جدا في حياتي وملهم وفيهو عبره ومن اروع المواقف
انا دكتور احمد عابدين نائب طب الطواريء ... يوم التلاتا كنت مسافر الخرطوم من جده الساعه ٩ ص اثناء ما نحنا في الانتظار علي صعود الطياره في الصاله وقاعدين منتظرين يفتحو البوابه عشان نمشي الطياره فجاءه كان
انا دكتور احمد عابدين نائب طب الطواريء ... يوم التلاتا كنت مسافر الخرطوم من جده الساعه ٩ ص اثناء ما نحنا في الانتظار علي صعود الطياره في الصاله وقاعدين منتظرين يفتحو البوابه عشان نمشي الطياره فجاءه كان
في شابه سودانيه في مقتبل العمر فجاءه وقعت .... من بعيد شفنا ناس متلمين الزوله دي شابه في مقتبل العمر ما كان بتتنفس طوالي جريت عليها شفنا النبض ما كان في نبض شفنا التنفس كان في قاسبن بريسنغ .... وناس المطار والعساكر منتظرين بديت ال cpr مع ال chest compresion ولكم ان تتخيلو مطار
بحجم مطار جده الدولي الجديد ماكان فيهو عده اسعافات ولا جهاز انعاش كهربايء وناس المطار حولينا اكتر من ١٠ بنقول ليهم وين التيم بتاع الاسعاف طيب وين شنطه الاسعاف وين الجهاز ولا حياه لمن تنادي ... المهم طبعا نحنا كناس طواريء وبنشتغل في اسواء الزروف كنا في السودان اتعلمنا من دكاترتنا
وبوصاتنا كتير انو نشتغل باابسط الحاجات .. كان في دكتورتين معاي اثناء ما انا شغال قلت لي واحده انا حاعمل ٥ سايكل كومبرشن لو ممكن تديها تنفس صناعي بالماسك لو ما بتقدري دا حقك وريني لو بتقدري وريني الدكتوره ما بعرف اسمها ياريت تقرا كلامي واقول ليها ربنا حيجزيك كل خير من احياها كانما
احيا الناس جميعا قالت لي بقدر وبالماسك هي لابساهو في خشم العيانه والدم نازل اتخيلو لا فكرت انو ممكن يجيها عدوه لا عارفين اي تاريخ مرضي عن العيانه وزوجها بقول انو ماكان عندها اي اعراض حاليه وكانت كويسه اليوم ومافي جونتات ويدينا وهدومنا اتملت دم وشغالين بي كل مجهود من غير اي شي
متوفر بعد ١٢ دقيقه جو التيم بي حاجاتهم والتيم صراحه ماكان عندو اي علاقه مع الطواري لي درجه ماعارفين الاحهزه بتشتغل كيف ولا بعرفو اسماء الاجهزه وقفناهم بعيد جبنا الجاهز بتاع ال defiblirator وصلناهو وكان في vf العيانه اخدت ٣٦٠ جول كهربا ركوفرد وبعدها بي دقيقه رجع النبض والتنفس
وطوالي ركبت الاسعاف مشت العنايه والكياره اتاخرت ساعه ..... وانا راكب في الطياره وبفكر انسانه صغيره جدا في السن من ٢٠ لي ٣٠ سنه وباعتبار اتاخرت شويه والله كان منظر مؤلم وعندها طفلين وصراحه زعلت وقتها وانا في الطياره انو ما لقيت رقم اتواصل مع زوحها اعرف الحصل شنو وصراحه ماكان عندي
امل انها تعيش وكان نفسي اتواصل مع زوحها واقول ليهو حاول بقدر الامكان تكون في مستشفي تخصصي وكبير ....من الجوكه الحصلت واللخمه زعلت انو ما قدرت اتواصل معاهو ...بتقدير قادر كريم قدرت اصل لي زوجها .... قادرين كنت متوقع اسمع اسوا لانو دا المتعودين عليهو يعني في الظروف الكانت حاصله ...
نسمع خبر انو الليله طلعوها من الفنتليتر وانو وعت تماما وبقت تتكلم مع زوجها وبتسال عن اولادها..... ماحتتخيلو الفرحه وقمه السعاده الحصلت انو بي بساطتنا كسودانيين وبما انو ماكان في شي متوفر ابسط الاشياء ممكن تنقذ مريض من الموت وفرحه اولادها وزوحها دي حاجه ماعندها مثيل...
رسالتي لي كل الاطباء ال bls و ال acls بغض النظر عن انت كبيب اي تخصص طالب ولا امتياز ولا نائب دي حاجات مهمه وبتنقذ مريض مهمه شديد
ودي قصه عمري ما انساها وروعه الاحساس دا اجمل ما يكون ..... ممكن الشابه ظي تكون اختنا امنا ابونا ..... ودعواتكم برضو ساعدت شكرا لي كل الناس
ودي قصه عمري ما انساها وروعه الاحساس دا اجمل ما يكون ..... ممكن الشابه ظي تكون اختنا امنا ابونا ..... ودعواتكم برضو ساعدت شكرا لي كل الناس
الكانو حاضرين وقتها والدكتورتين والدكتور المعانا ....ودي الحاجات البترد الروح ..... اروع احساس في الكون
منقول عن
د.احمد عابدين نائب اخصائي طب الطوارئ
منقول عن
د.احمد عابدين نائب اخصائي طب الطوارئ
جاري تحميل الاقتراحات...