رتبها

يوسُف | Yusuf

8 تغريدة 54 قراءة Oct 26, 2020

هلا بالجميل...
من زمان ما نبشنا عن مواقع وبرامج رهيبة 🤩
شرايك نروح سوا لبدائل قوية الفوتوشوب وبرامج معالجة الصور اللي ممكن تسهل حياتك وبسعر اقل وممكن بلوووشي✨
يلا يبوووي

1. Luminar:
إذا مالك خلق تعالج صور أو ما تعرف شلون تعالج..
هالبرنامج بيكون صديقك ✨
البرنامج فيه ميزات معالجة سهلة ورهيبة مع ذكاء اصطناعي قوي مرة 🔥
من المميزات اللي فيه انه ممكن بضغطة زر تغير السماء للي تبيه ☁️
يعده البعض بديل للايت روم والفوتوشوب مجتمعة ☺️
سعره: 67 دولار بس

2. Snapseed:
وهو تطبيق يعمل على الأجهزة الذكية كافة، شرته Google قريب من رهابته 👌
ميزته يعطيك على جوك، تبي شغل احترافي يعطيك، تبي شي بسيط يعطيك ونتائجه رهيييبة 😍
يتميز بسهولة واجهته وكونه مجاني ✨

3. PIXLR:
هذا البرنامج يعمل على كل الأجهزة.. سواء جوالات، أو أجهزة لوحية، أو لابتوبات وله نسخة اون لاين 😍
البرنامج يعطيك تعدد كبير في تحرير الصور وألوانها بشكل مُبهر وكلما أخذت باقة أعلى زادت الميزات مثل الملصقات والنصوص وغيرها 👌
مجاني...
وهناك نسخ مدفوعة

4. Shutterstock Editor:
ممكن تستغرب من أن الشتر فيه له محرر!!
لا وازيدك من الشعر بيت...
المحرر تبع الشتر يعطيك المقاسات الصحيحة لكافة وسائل التواصل بعد تحرير الصور فيه من الوان وستيكرات وغيرها 🥳
مميزاته كثيرة خصوصا النسخة الاحترافية 👌
مجاني..
وفيه نسخة مدفوعة

5. GIMP:
طبعا برنامج جنب غني عن التعريف حطيناه باللستة كذا بس والا هو معروف مرة كبديل الفوتوشوب 👌
يشتغل على جميع الانظمة وهو مجاني وبينزل له تحديث يديد الاشهر الياية ان شاء الله ✨

6. affinity:
ونختم بعائلة إفنيتي اللي هزت عرش شركة أدوبي ببرامجها القوية والبديلة عن كل برامج أدوبي تقريبا 🔥
مميزاتها انها تشبك ع كل جهاز بكامل المميزات وسعرها مناسب وسهلة بنتائج بطلة👌
سعر البرنامج الواحد : 219 ريال للاجهزة
84.99 ريال للآي باد