رتبها

"وجهه نظر"
- بص يا عزيزي .. لو انت جاي من كورنر التريند #الإخواني، اسمح لي أصدمك شوية ،بس كمل معايا للآخر:
«ماكرون» مش بيحارب الإسلام نفسه كدين سماوي.
- #ماكرون بيحارب تيارات الإسلام السياسي
- يعني «ماكرون» بيحارب نفس التيارات اللي احنا هنا عارفينها كويس واتكوينا بنارها
يتبع👇👇

▪︎ «ماكرون» بيحارب نفس التيارات اللي مدمرة بلادنا..
.
★ اللي بيحارب ماكرون دلوقتي هما تركيا وقطر عشان «ماكرون» بيضيق على صبيانهم في فرنسا..
★ حملة مقاطعة المنتجات الفرنسية هدفها التشويش والتغطية على حملة مقاطعة المنتجات التركية، وده يوضح مين وراها.👇

خصوصا لما نعرف ان التريند طالع من «قطـــر» و «تركيــا» و «الكويت» و«الجزائر»
.
☻ ايه ده معقول ؟ ازاي و«ماكرون» تعهد بإنه مش هيتخلى عن الرسوم المسيئة للرسول صل الله عليه وسلم ؟؟
★ هصدمك تاني وأقولك إن فيديو كلام «ماكرون» موجود على اليوتيوب، وتقدر حضرتك تشوفه بنفسك 👇

وصدقني مش هتلاقي أي كلام عن الإساءة للنبي صلى الله عليه وسلم ، وهتلاقي ماكرون بيتكلم عن حرية التعبير بالرسوم والكاريكاتير بشكل عاااااااااام ..لأن الحرية هي ثقافته وحضارته ، والراجل منسجم مع نفسه وبيئته
★ أما عن استخدام البعض للرسوم دي للإساءة للأديان ومنها الدين الإسلامي👇

فلازم تبقى فاهم إن دي ثقافتهم ، احنا بنرفضها طبعا ، بس هما مش قادرين يتفهموا رفضنا ده ، لكن الأكيد والمؤكد إننا مش هنقدر نقنعهم إن دي حاجة بتزعجنا وتضايقنا ، ولا هنقدر نوصل لهم رفضنا وانزعاجنا ده عن طريق إننا ندبح لهم كل كام سنة كام واحد في نص الشارع 👇

نرجع بقى ورا شوية.. هو «ماكرون» فعلا بيحارب الإسلام ؟ «ماكرون» بيحارب تيارات الإسلام السياسي، ومن وراهم «تركيــا» تحديدا، لإن الإجراءات اللي هو عاوز يعملها مركزة على تمويل المساجد وإيقاف استقدام الأئمة من بعض البلدان 👇

وخصوصا «تركيـا»، بعدما اتضح ان تركيا بتستخدم أئمة المساجد دول وتوظفهم لخدمة أجندتها السياسية اللي بتتاجر بالدين
.
- «فرنســا» فيها أكتر من 6 مليون مسلم، وأكتر من 3000 مسجد.. و«ماكرون» لسه خارج من علقة تظاهرات السترات الصفراء اليسارجية واقتصاده مهزوز 👇

بالاضافة لظروف «كورونا» اللي أضرت باقتصاد فرنسا بشكل كبير ،، يعني دي ظروف تخلي فكرة الحرب على دين بحجم الإسلام اللي بيؤمن بيه أكتر من مليار ونص بني آدم ، هي فكرة مجنونة بكل المقاييس ومالهاش أي معنى.. لكن حقيقة اللي بيحصل انه «فرنســا» أعلنت الحرب على الاختراق التركي👇

خصوصا إن كلنا عارفين ومتابعين حجم المشاكل الضخمة بين فرنسا وتركيا ، واللي وصلت لحد التلاسن والشتائم بين رئيسي الدولتين بسبب الخلاف الكبير بينهم في عدد من القضايا زي «ليبيـا»، وكمان عشان «تركيــا» بتحاول تتمدد في منطقة نفوذ «فرنســا»👇

بوسط أفريقيا عن طريق دعم الجماعات الارهابية اللي هناك زي «بوكو حرام» و «دامــــس» وغيرهم ، ودا شئ معروف للجميع ... يعني باختصار الصراع السياسى بين «ماكرون» و«أردوغان» اتحول على يد اللجان الإخوانية إلى صراع ديني بيستخدم ثوابتنا الدينية أسوأ استغلال👇

وخلينا نرجع للماض عشان نشوف الصورة بشكلها الصحيح، تخيل إن الهوجة اللي حاصلة دلوقت دي كلها بسبب قرب محاكمة اللي قتلوا الصحفيين بتوع مجلة"شارلي إيبدو"اللي نشروا الرسومات المسيئة عام 2015،واللي محدش عرفها وقتها حتى غير لما الأشاوس دول هاجموا مقر المجلة وقتلوا عدد من العاملين فيها!👇

وتعالوا نفكر بشكل عكسي ونسأل سؤال افتراضي بسيط ..لو كان النطع اللي قتل مدرس التاريخ اللي وزع الرسوم المسيئة على طلاب الفصل بتاعه من كام أسبوع ، لو كان الارهابي النطع ده ما عملش عملته السودة دي وقتل المدرس ، والقصة كلها حصلت وانتهت في هدوء من غير تشنج وعصبية👇

هل كنا هنشوف التصعيد اللي حاصل حاليا ؟ ، وهل كانت الرسوم المسيئة هتنتشر بالشكل ده زي ما حصل دلوقت ؟؟ صدقني ساعتها مكانش هيشوفها غير تلاتين أربعين طالب أو بالكتير 50 أو حتى 100،لكن بسبب اللي عمله الارهابي النطع ده،دلوقت الرسوم دي انتشرت واتوزعت في فرنسا كلها وشافها ملايين البشر👇

يبقى مين اللي أساء للرسول الكريم أكتر ..؟
▪︎▪︎ ومين اللي خدم أجندة كارهي الدين أكتر ..؟
■ فكر، وأرجوك بلاش تبقى وقود لتريند إخوانجي..
.
★ النبي الكريم مقامه أكبر من كده بكتير، والتريندات دي هي اللي بتحيي الرسومات المسيئة وبتساعد في نشرها وبتفكر الملايين بيها 👇

اللي اتسبب في نشر رسوم شارلي إيبدو في 2015 على نطاق واسع، هما الإخوة الأشاوس اللي راحوا هاجموا مقر المجلة..
★ واللي اتسبب في نشرها على نطاق واسع في 2020، هو الأخ البطل اللي راح دبح المدرس في نص الشارع ، ولولا اللي عمله ده مكانش حد هيسمع بالواقعة أصلا 👇

الدين بقى بيقول ايه ؟
★ بيقولك لما تسمع آيات الله يُكفر بها ويُستهزأ بها ، ما تقعدش مع الناس اللي بيعملوا كده لحد ما يتكلموا في موضوع تاني..
▪︎▪︎ يعني تسيبهم وتمشي ... مش تقتلهم .
#تحيا_مصر ✌️🇪🇬
#elkhteep_Haffez

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد