رتبها

نظراً للحاجة المتزايدة لهذا المفهوم اليوم راح اتكلم عن #إنترنت_الاشياء
#IoT
- ماهو انترنت الاشياء؟
- هيكيلة انترنت الاشياء اللي احبها

ماهو إنترنت الاشياء ؟
بأختصار هو أتصال بين الاشياء المجهزة بحساسات (sensors) ومشغلات (Actuators) و معالجات (processors) لتبادل البيانات فيما بينها عن طريق بروتوكولات اتصال معينه حسب الحاجة وربطها بالإنترنت للوصول لها ومعالجتها سحابياً

وش يعني الكلام ذا فوق؟
بااعطيكم مثال لتبسيط الصوره قبل مانشرح الهيكلة وقس عليه:
عندي مزرعه كبيره اوزع فيها حساسات لقياس رطوبة التربة (حساسات) واربطها بجهاز مركزي (بوابة) اذا كانت الرطوبة عاليه يرسل امر الى محابس الري بالاغلاق (المشغلات) عن طريق اللورا ( بروتكول الاتصال) ...يتبع

والبيانات هذي تعالج وتحفظ في موقع ع الانترنت (الخدمة السحابية)وتسوي لنا رسم بياني بكمية الاستهلاك والتوفير والاوقات (معالجة بيانات) وفي نفس الوقت توفر واجهه تحكم لنا (واجهة مستخدم) نقدر عن طريقها نشغل محبس ري بدون الرجوع للحساسات
عادي اذا مافهمت اللي بين الاقواس بنجيها بعد شوي 🧐

متخيلين كمية الاشياء اللي راح يستفيدها صاحب المزرعه؟
توفير مالي
حفاظ على البيئة وجودة المنتجات الزراعية
استغناء عن عدد كبير من العماله
مراقبة لحظيه للاستهلاك والتوفير في الماء... الخ
واشياء كثيره اترك المجال لمخيلتكم تفكرون

اذا حسيت ان الكلام اللي فوق جاب معاك نتيجة واقنعك انصحك تكمل لهيكلة انترنت الاشياء في الاسفل
مااعجبك الكلام 🌚 عاد أمر الله ما باليد حيله اذا نبي الله نوح عليه الصلاة والسلام ماقدر على ولده بأقدر انا ع اولاد الناس 😕

هيكلة إنترنت الاشياء
IoT Architecture
للأسف مافي معايير موحده لهذا المفهوم أو مراجع نستند عليها لكن حاولت اني ابحث عن اشملها و اكثرها قرباً للاستيعاب
و حاولت اسدد و أقارب بحيث اني اتحشى الوقوع في الخطاء قدر المستطاع و أن حصل وأخطائت فياليت الاشارة للخطاء حتى يتم التعديل والتنبيه

قبل لا أبد احب اوضح مجموعة نقاط:
1-هذا ليس مرجع انما محاولة بسيطة لتبسيط الفكرة للبحث اكثر
2-انا مبتدأ واذا في انتقاد فسيسعدني جدا
3-كل نقطة سااذكرها تحتاج كتب للحديث عنها وراح اختصر قدر المستطاع واذا في استفسار مرحب به
4-الموضوع ابسط مما تتصورون اهم شي يكون في "شغف لشيء هذا"

أولاً : الشيء (Thing) أو الوحده الطرفية وهو الجهاز اللي يكون في اخر المنظومه سواءً حساس (Sensor) أو مشغل (Actuator) أو جهاز ذكي (Smart Device) وله مسميات كثيره اهم شي نعرف انه الجزء الفيزيائي المتصل مع البيئه (يجمع بيانات أو يضيف حركات على البيئة كحساس حرارة أو أغلاق ستارة)

ثانياً : الاتصال (Connectivity) ويصف كل اتصال موجود بين الاجهزه سواءً للانترنت أو للاتصال في ما بينها محلياً
ويوجد العديد من البروتوكولات المستخدمه محلياً في انترنت الاشياء مثل
Zigbee - Z-wave - Bluetooth -Wifi - Sigfox - Lora - 5G ....

ثالثاً : البوابة (Gateway) وهي البوابة المسؤولة عن جمع البيانات ومعالجتها مبدئياً حتى تكون بصورة مفهومه وربطها بالعالم الخارجي للأنترنت أو للتحكم المحلي
مثلها مثل المودم وسيط بين الكمبيوتر والانترنت هذي لا وسيط بين الاشياء والانترنت وتجمع المعلومات من الحساسات وتعالجها لنا

رابعاً : معالجة البيانات (Data Processing) هي عملية معالجة البيانات مبدئياً في البوابة او بشكل اكبر في الخدمات السحابية وتكون حسب حاجتنا وقد تكون مربوطة هنا بالذكاء الاصطناعي..

خامساً : الخدمات السحابية (Cloud Services) وهي تكون بمثابة الوسيط ايضاً بين المستخدم والبيانات المرسلة من البوابة..
تتم فيها الكثير من العمليات (كالمعالجة والتخزين والذكاء الاصطناعي وتوزيع اليبانات ...)

سادساً : واجهة المستخدم (User Interface) وتكون على شكل تطبيق أو موقع او حتى شاشة في نفس الحساس مثل ثيرموستات المكيفات الذكية ويتم من خلالها قراءة معلومات الحساسات وارسال الاوامر الى المشغلات يدوياً عن طريق المستخدم

هذي تقريباً اشمل هيكلة وجدتها في الانترنت لمفهوم إنترنت الاشياء .. تختلف الهيكلات وقد نستغني عن بعض العناصر في هذي الهيكلة وقد نضيف لها وليست معيار او مقياس للعمل عليها ابداً
بااذن الله ان حصل وقت اكملت السلسلة هذي والحديث عن كل واحده من النقاط بالتفصيل

هذا وصل اللهم وسلم على خير خلقه محمد عليه افضل الصلاة والتسليم
لا تنسوني من دعوة في ظهر الغيب ولك بالمثل يارب مقدماً وشكراً لوقتكم

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد