في حاجه في علم النفس اسمها الحيل الدفاعيه .. دي حيله يستخدمها البني ادم علشان يهون علي نفسه حاجه مش عارف يتخطاها .. من ضمن الحيل الدفاعيه دي حيله اسمها العنب المر .. الي هو انت مش عارف توصل لحاجه معينه فتقوم تحاول تقنع نفسك ووتقنع الي حواليك انها وحشه وعشان هيا وحشه .. ١
انت بعدت عنها وترفعت عنها .. في حيله كمان اسمها الاسقاط .. وهيا ببساطه ان القرد يلهيك ويرزيك ويجيب الي فيه فيك علشان يظهر قدام نفسه و قدام المقربين ليه انه فله شمعه منورة وان انت الي فيك العبر .. فتلاقي حد كنت بتتمني تموت نفسك علشان هو ميتألمش بيقول عليك مهمل .. ٢
وتلاقي حد كنت بتتمناله الرضي يرضي وهو كان بخيل معاك في كل شيء بيقول عليك جاحد .. وتلاقي موظف كسلان ومش شايف شغله كويس يقول علي مديرة انه مش فاهم حاجه وهكذا .. وفيه حيله دفاعيه كمان اسمها النكوص .. وهي انك بترجع لعاده او لعدة عادات سابقه كانت بتحقق نجاحها في مرحله معينه .٣
زي ان واحده تعيط علشان تاخد حاجه معينه .. او واحد يتمارض علشان يوصل لشيء معين ودي كنا بنعملها واحنا عيال .. اوسخ الحيل الدفاعيه بقي حيله اسمها التكوين العكسي .. ودي الي معظم الناس بتستخدمها تطلع ايه الحيله المنيله بنيله دي ؟ اقولك يا سيدي .. ٤
دي حيله بتظهر سلوك عكس الدافع الموجود بداخلك .. فتلاقيك بترد بتناكه علشان تلفت النظر .. او حد معجب بيه جدا فتعامله وحش .. بالبلدي كدا حيلة عيني فيه و بقول اخيه ..
الخلاصه ان الحيل دي مؤذية جدا .. ياريت نراجع نفسنا واحنا بنستعملها كويس .. ٥
الخلاصه ان الحيل دي مؤذية جدا .. ياريت نراجع نفسنا واحنا بنستعملها كويس .. ٥
وخصوصا لما بنكون بنستخدمها مع شخص فاهم كويس لانك هتفشل وتدخل في انتكاسه كبيرة وتيجي علي راسك .. عيش الواقع و قول الي ليك والي عليك وحاول تصحح أخطائك وتراجع نفسك .. غير منقول .. تحياتي
جاري تحميل الاقتراحات...