كثير من المتابعين يراسلوني و يقولون كيف مستحمل تكون دايما لحالك وما معاك أحد ، وحقيقه ما انتبهت صراحه اني لحالي انتم نبهتوني 😂 لكن حكتب عن هذا الموضوع في #ثريد منها فضفضة وممكن أقول شي أحد يستفيد منه ، تابع معاي تحت 👇🏼
الانسان عنده هبة عظيمة اذا ما عرف كيف يستخدمها ويسيطر عليها ممكن تكون أكبر نقمة يمتلكها وهي العقل . كل جزء في جمجمتك ممكن يغير حياتك للأفضل او ممكن يدخلك دوامه ما تنتهي لدرجة انك ممكن تضيع وأنت بين أهلك وناسك ، يعني موجود جسم فقط ولكن عقلك في ظلام حالك
لا تنجرف بالتفكير في أمور مرتبطه بالآخرين ، لا تتعمق في التفكير في آلامك و في أحزانك ، لا تسأل نفسك أسئلة مثل ليش أنا كذا ؟ ليش هم ما يفهموني ؟ ليش انا الوحيد صار معاي كذا ؟ وقف هذي الأسئلة الغبية وابدا في تحفيز نفسك حب نفسك قولها كلام لطيف حتى لو كنت في القاع تتألم
لو تولع أصابعك شمع القريبين منك ماراح يشوفون النور ، ممكن عاجبهم الضوء ومرتاحين ، لكن ماهم عارفين من فين المصدر . اللي ابغى أقوله لا تولع اصابعك شمع وانت تتنظر من الآخرين يقولون شكراً. لازم ما تنتظر شي من أحد ، ولعها فقط لأنك راح تفرح اذا أسعدتهم . ارضي نفسك فقط . فهمتني ؟
عود نفسك أنك تكون إنسان مرن ، تتكيف مع أي وضع مهما كان صعب . في البداية راح تمل ولكن مع الصبر راح تشوف الوضع اللي كنت ما تتخيل انك تعيش فيه هو أفضل شي مناسب لك . اذا طبقت هالشي صدقني راح تفهم نفسك . وتتصالح معها .
مافيه انسان يقبل يعيش وحيد ! كل انسان يحتاج يكون بين الناس او مايقدر يستمر بالحياة . انا اكثر شي مخفف هذا الإحساس عندي هو الانترنت . والناس اللي تتواصل معاي . ومن يوم أصحى الى ما انام وانا اسمع وأقرأ وأتعلم أشياء جديدة يعني تخيل كم ساعه انهيتها في القراءة والاستماع عن SEO ?
مدة اسبوع كامل ابحث في هذا الموضوع أكثر من ٦ ساعات في اليوم مابين المدونات واليوتيوب . وساعتين تطبيق وتنفيذ للشي اللي تعلمته . قلي فين أحصل وقت أفكر ليش أنا وحيد ؟ 🙂
المعنى لاتترك لنفسك مجال للتفكير املأ الفراغ حتى مايكون فيه مساحة للاكتئاب والهم والحزن . التغريدة القادمة اعتبرها واجب ، اذا انجزته فأنت قطعت شوط كبير .
ماذا أريد ؟ لا تستعجل في الرد لأنك لازم تعرف فعلاً انت ايش تبغى !!! انا أكذب عليك اذا قلت لك اني قدرت اجاوب على هذا السؤال بشكل حرفي لأن أقصى شي وصلت له كلمة وحده " الاستقرار " عليك انت تكمل الباقي 😘 نشوفكم على خير .
جاري تحميل الاقتراحات...