عمري ٢٨ سنة وتم تشخيصي قبل ٤ شهور بسرطان الثدي، بدأت رحلة العلاج من وقتها واحمد الله على افضل كادر صحي بمستشفى الملك فيصل التخصصي اللي ماضيع ولا دقيقة من وقت التشخيص الى وقت بداية العلاج. بكتب قصتي للتوعية #سرطان_الثدي #العفو_والعافيه @zahra_ksa @KFSHRC
شعرت بكدمة صغيرة في شهر ٢ وراجعت احدى افضل المستشفيات بالمملكة وتم تشخيصي بإلتهاب فقط، ولم تطلب الدكتورة اي فحوصات اخرى غير الألتراساوند! ومع مرور الوقت تفاقم الموضوع بسبب التشخيص الخاطئ!
في شهر ٦ تفاقم الموضوع الكدمة كبر حجمها وبدل ماكانت كدمة وحدة صارت كدمتين في نفس الثدي! مؤمنة ان لن يصيبنا الا ماكتبه الله لنا ولكن بسبب التشخيص الخاطئ من البداية ضيع علي شهور من العلاج وكان من الممكن تفادي الكثير من الأمور! #سرطان_الثدي
كم وحدة ممكن تمر بنفس اللي مريت فيه؟ ممكن تتشخص بتشخيص خاطئ وماتراجع مستشفى ثاني الا وقد تفاقم الموضوع؟ الحمدلله اني كنت في مرحلة مبكرة @zahra_ksa
بصراحة ماتطمنت من تشخيص الدكتورة بس حاولت اقنع نفسي انها اعلم بشغلها. رسالتي ان انتي اعلم بجسمك اذا مااقتنعتي ولو بنسبة بسيطة بالتشخيص لا تضيعي وقت واستشيري دكتور آخر. #العفو_والعافية @zahra_ksa
الحمدلله على كل حال وقدر الله وماشاء فعل. احمد الله اولاً على افضل كادر صحي في مستشفى الملك فيصل التخصصي وثانياً على نعمة اهلي واصدقائي على دعمهم في هذه الرحلة. مستعدة اجاوب واساعد باللي اقدر عليه. اسأل الله لي ولكم العافية والسلامة @KFSHRC @zahra_ksa
جاري تحميل الاقتراحات...