من خلال جولات عالتويتر وغيرو من مواقع التواصل الاجتماعي والواقع اللي عايشينو ومن خلال سفر والاحتكاك بشعوب من مختلف الجنسيات والعقليات والثقافات بتقعد بتفكر ليش نحنا كشعوب عربية هلقد متأخرة وبتكره بعضها وغير قابلة للتطور شو الفرق بينها وبين غير شعوب وصلت عالقمر. منوصل للاستنتاج:

١- نحنا شعوب ما بدنا نسمع بعض منسمع حالنا واللي بيعجبنا واذا سمعنا ما بدنا نفهم بعض واذا فهمنا ما بدنا نتقبل الاختلاف الموجود بيناتنا ان الاختلاف بالرأي بالثقافات بوجوهات النظر وغيرهن. مش متقلبين انو ممكن نوصل لوقت الشي اللي كنا نحارب كرمالو نصير نحاربو بكل قوتنا.

٢- شعوب متعصبة للغسيل الدماغ اللي معملها من الصغر المبنية ععادات وتقاليد بالية بعدو جزء كبير منها من ايام الجاهلية وما اتطور وما حدا مستعد يفكر ويحلل بموضوعية وواقعية كلو عايش بالوهم المزروع براسو ومش مستعد يفكر ويناقش غير فيها. عايشين بقوقعة ورافضين نطلع منها.

٣- بدنا نحارب ونقاتل بعض لاشياء ما اخترناها بحياتنا خاصة من الناحية الدينية انا ليش بدي اجي حارب غيري عخلافات دينية صارت من ١٤٠٠ سنة او انا ليش بدي شوف حالي عالتاني لانو انا من طائفة معينة وانا بدي يكون عندي امتيازات اكتر من هيديك الطائفة. الدين معاملة. انا ما اخترت كون بهالطائفة

٤- شعوب مظاهر وبريستيج متل ما بقولو من جوا رخيص ومن برا دهب وقشري كل همنا نلفت نظر ونكون محور اهتمام وبيعنينا العالم شو بتحكي علينا وصلنا لايام صرنا نشوف العالم كلها مزيفة خلينا نطلع من هالتفاهة خلينا نرجع للبساطة بالعيش وخلي كل انسان يهتم بحالو وشو بدو بغيرو
كونو ناس ذو قيمة.